[شمس القوايل]

هذا ابو الحسنين حيدر والنعم
هذا داحي الباب وتهابه الزلم

هذا ابو اليمه علي فحل الفحول
هذا ابن عمه حبيب الله الرسول
هذا تعجز بالوصف عنه اشتكول
هذا من عنده طفح كل العلم

علي علمه ايدور بركان الفلك
علي مسند النه ساعات الدرك
علي باسمه من السمه ناده الملك
لا فتى الا علي سيف او عزم

هذا ابو العباس سبع الكنطره
علي سيفه الراس ابن ود طبره
علي كال المرحب اسمي حيدره
ارتبك منه وغده ابمشراده يهم

علي بي تنظرب امثال الوفه
علي ضحه ابدمه لجل المصطفه
علي بفراش النبي نام اوغفه
والمكيده بخير عدت وبسلم

علي نزلت بيه ايات الجليل
اية النجوه تضل احسن دليل
بطل خيبر علي حماي الدخيل
علي باشط سيفه كط ما ينثلم

معجزه حيدر يظل ابكل عهد
علي باشرف بيت بالكعبه انولد
علي ضوه الدبيه نوره من المهد
علي واقع لا خيال او لا وهم

علي بيه المصطفى كال او امر
علي واليكم اذا موتي حظر
علي من بعدي يظل سيد البشر
ايفوز دنيه واخره البي يلتزم

نسالكم الدعاء