بسم الله الرحمن الرحيم
السلام عليكم ورحمة الله وبركاته
مشاركتي في يوم في حياة صائم
هدفي ليس المحاولة بل الفوز<<<امزح
جلست الساعة 12:00 تقريباً
تمنيت لو احط راسي على الوسادة شوي
دخلت دورة المياه وتوضأت للصلاة
صليت
درست قراّن
رحت لجهاز العرض الي طلع هدية مع لابتوبي
وبدأت اطالع احسن انمي في العالم بالنسبة لي
طالعت حلقة ورحت احوس في البيت اشوف اذا في شي جديد
فتحت الثلاجة وشفت جلي
وفتحت الثلاجة الثانية وشفت جحة شكلنا تونا محصلينها
شغلت الابتوب
ولعبت Team Fortress 2
(سويت فيهم مجزرة)
رحت استرخي اشوي على سرير اخوي...مسوي تبادل معاه بس مابادلنا اللحاف والوسادة(صار مو متناسق
)
رحت افلش تمر<<يعني اشيل الطّعام
وطبخته مع كاكاو ورشيته بجوز الهند
رحت اساعد اختي في سلطة الفواكه الا شفتها اشوي وتخلص(نجيت منهاا
)
جلست اشوي وستوت صلاة المغرب
وحطيت الكاميرا تشحن
صليت المغرب
وحطينا الفطور
بعض الاطباق..
سلطة فواكه
جلي
عجة اسبانية
كباب
الحمد لله انتفخت الدبة
جلست على الابتوب لين يروح الشبع
كلت تحلية<<<مامداه الشبع راح الا هجمت على الاكل
بعدين طلعت اشتري عصير
وشفت عمال يركبون لافتة لمطعم جديد قريييب من بيتنا
(انشاء الله اكلهم حلال)
و
وشفت زحمة الشارع قلت خلنا نصورهم
شفت عصير دلتا بنكهة اول مرة اشوفها
شريته ورجعت البيت
دخلت صوت الرادود وبدأت اكتب مضاربتي في الكافيه
الا ناداني ابوي علشان اساعده في شيال البضاعة
يوم انتهينا
فرفرت اشوي في المنتدى وشافني اخوي الي اصغر مني بشوي
سالني تبي شي من البالقة؟
قلت له جبلي براعصي وفراشات وزومات
(اعني حلاوة توتي فروتي)
اكيد فهم قصدي وجبها لي
بعدين رحت اكل فاكهة
وشفت اخوي الكبير بيطلع من الييت
لحقته وقلت له ابغى احوس بالسيارة معاك
قال معليه اركب
صورت صورة وانا في السيارة
ويوم نزلنا قال لي احرس السيارة بجي
وانا انتضره شفت قطو يمشي على الجدار
قلت فرصة خلنا نلعب عليه
احط الفلاش وصوره وجا عليه الفلاش وتجمد في مكانه
ويكمل طريقه
وصوره بفلاش مرة ثانية وكرر عليه
لعبت عليه لعب
شفت قطو ثاني دقيت علي فلاش
الا وشوف عيونه تبرررق
وجا خوي ودخلت البيت
وتسحرت ودرست قران
وصليت الصبح وخذت لي شور
وحطيت شوية طيب
ونمت
اتمنى عجبكم يومي
واتمنى نسوي كذا كل عطلة
بس بدون جوائز احس احلا
