[السـ جرح عيوني ــهر•._.•...]

لا ضاق صدرك يا هوى البال ضقنا
وان ضامتك دنياك يا شوق انا لك

هذا الزمن طبعه من الله خلقنا
لا بد ما يخذلك مهما صفالــك

لا يزعجك ما صار غيرك سبقنا
مافي يدك دبره ولو ضاق بالك

ياما من الأقدار والمر ذقنا
ما ودي إن الهم يدخل مجالك

لحظة زعل منك تلخبط ورقنا
تضيق بي دنياي لا شان حالك

أمر الزمن لو ما انتبهنا سرقنا
تمضي بنا الأيام لا لي ولا لك

في حلوها في مرها ما وثقنا
لو هي تضحك لك وتبدي دلالك

انته وانا في اللي جمعنا صدقنا
اضحك وانا بضحك وكل الغلا لك

والحمدلله في غلانا اتفقنا
لبي وعمري لك وروحي حلالك