نجدد عهد
قل هو الله أحد ولحيدر نجدد عهد
أجمل هبة حيدر يا مرحبا
قل هو الله أحد بارينا
طه نبينا شافع وهادينا
حيدر ولينا والنعم والينا
حيدر علي خير العمل
إسلامنا بيه اكتمل
أجمل هبة حيدر يا مرحبا
نفس النبي وقطب الرحى بإيمانه
قرآن ناطق والعدل عنوانه
باب العلم نور الحلم وجدانه
ما شارك بهاي الصفة
غير البشير المصطفى
أجمل هبة حيدر يا مرحبا
نفسه أبية وبالورع موصوفة
بر وعطوف ورأفته معروفة
كفوف المعاجز بالحروب كفوفه
كفوفه قلعت باب العدة
بيبان خيبر شاهدة
أجمل هبة حيدر يا مرحبا
كف الشجاعة شاهد لمجهوده
نور الإمامة اتفرع بمولوده
تحلى الولاية ولعلي معقودة
مولودة ضي عدله انتشر
بمصيبة كل واعي ابتشر
أجمل هبة حيدر يا مرحبا
فرحة ولينا والخلق مسرورة
نور الهداية بالقلب من نورة
طلعت وجوده ازدانت المعمورة
وانكتبت بلوح الفضى
مبروك عيد المرتضى
أجمل هبة حيدر يا مرحبا
مبروك عيدك يالنعيش اعيادك
نفخر يوالي من نعيش أمجادك
أولادك إحنا واستمع لولادك
لأولادك انجدد عهد
وياك حيدر للأبد
أجمل هبة حيدر يا مرحبا
عهد الولاية يا علي منعوفك
تحضرنا لابد بالحشر وانشوفك
صك العبور أنقبضه من كفوفك
منك نريد الجايزة
تأيدك بيوم الجزة
أجمل هبة حيدر يا مرحبا
وياك حيدر للأبد
للرادود الحاج ملا جليل الكربلائي
للشاعر هيثم سعّودي الكربلائي