[مجنونة الشوق...]

شريط (ألهام في حب الحسين)
مهدي العبودي
2- حبك يداويني

حبك يداويني يالساكن أبعيني * * يا شمعة اسنيني ليك آنه مشتاق
مشتاقة لك روحي يا بلسم أجروحي * * ما بطلت نوحي عذبني الفراق
صوت يصرخ من جرح غايب طبيبه * * من مُحب ما نشّف أدموعه حبيبه

يا امطول الغيبة ما لحظة ننساك * محبوبي شيجيبه دلاّلي ناداك
لو تسمع آهاتي تاخذني وياك * يالمهدي دمعاتي دم تجري بهواك
حبك ذبحني أبسيف والحب فرض مو كيف *صرت أنته أول ضيف دلاّلي لاقاك
يا شوقي وأحلامي .. يا جرحي وآلامي .. يا فرحة أيامي .. يا قرة العين
يالساكن أنفاسي .. تذكرني لو ناسي .. ما شيّبت راسي .. شيّبت السنين
من غريب اوعايش أبدنيه غريبة .. من مُحب ما نشّف أدموعه حبيبه
* * *
يالمهدي لو نورك نوّر على العين * * نتعنه وأنزورك عالهامة ماشين
من ترفع الراية تبجي الموالين * * يمكن ندق ثايه دم الشرايين
يمك ندق الروح .. يا بلسم المجروح * * بينه العشق مفضوح مثل المجانين
بيك القلب ذايب فوق الضلع كاتب * * ناسيني يالغايب لو تذكر أشصار
محبوبي سميتك .. وأبروحي ضميتك .. وأبدمي خطّيتك وأضلوعي تذكار
من قلب مجمور ما يطفه لهيبه .. من محب ما نشّف أدموعه حبيبه
* *

نار أوتجوّيني ما يخمد الشوق * * تشعلني وأطفيني يا أغلى معشوق
من غيبتك صوتي بالعبرة مخنوق * * قلبي ألوعد موتي من صبره محروق
بلساني ما ضل صوت حبك صبح تابوت * * عاشق وأضل للموت لعيونك أيلوق
حال الجمر حالي صرت أنته دلاّلي * * مثل النبض غالي يا مرهم الروح
بعدك هدم حيلي .. نوحي اومواويلي .. كسرت قلب ليلي من كثر الجروح
من جفن صاير دمع عينك نصيبه .. من محب ما نشّف أدموعه حبيبه
* * *

طال الوعد يا يوم تتلاقى الأحباب * * من صبري يالمظلوم راس القلب شاب
مو بس دليلي أيذوب قلب الصخر ذاب ** من شوقي للمحبوب دلاّلي ما طاب
بيك العشق بركان ينفض دمع وأحزان * * شيصبر الولهان وأحبابه غيّاب
لجروحك أتألم عيسى أنته أليعدم * * وآنه أبعشق مريم صرت أبجي وأنعاك
لا ما يبعدوني .. يلساكن أعيوني .. خلهم أيلوموني ما أقدر أنساك
هاي قصة شوق ما أضنها عجيبة .. من محب ما نشّف أدموعه حبيبه
* * *

يـآي مــآآقـدر تـجـنـن