السلام عليكم
اللهم صل وسلم على محمد وآله وصحبه
أنا من ناحيتي شريت جوالات الدنيا ماشاء الله
أول جوال شريته نتفه صغير مادري شسمه يقولون اسمه برج ايفل مادري شنو >>البنت مالها خلق تذكر هههه
المهم طبعا كنت رايحه ورازه عمري اول مره اطلع لي جوال بالكليه وحركات يعني وطبعا لازم مايصير عندنا جوال الا وللازم نرز عمرنا ونكون كاشخين يعني لون الجوال نطقم على لو ملابسنا وبكلات الشعر والشنطه الخ>>البنت مسويه قصه هههه امزح
المهم طبعا حطيت الشنطه على جنب وبروح الحمام وانا بالكليه وادخل واطلع الا الجوال الله يرحمه انسرق وازيدكم من الشعر بيت بعد انسرق العلك وياه ياجعل الكسر باسنان بليس واهله >>البنت متحسفه ع العلك هههه اكثر من الجوال
المهم قضينا ورحت شريت لي جوال عنيد نتفه معفن صغير بس جديد اهم شي يقول الو
وبعدين انكسر مادري شصار له بعد فتره
وبعدها شريت لي أن ستين وبعدين عاش وياي اوكي حلو فتره تقريبا سنه واكثر بس للاسف كنت ذاك اليوم ماخذه لي كوب شاي وارشف الشاي برقه وهدوء ووضعت الشاي على جنب وانا اسولف مع ابنة اخي والجوال تدحرج وطاح بوسط الشااااااااااااااي >>أهئ أهي بصيح
المهم الجوال اخترب من القهر رحت اخذته واخذت كاس ماي وقطيته في الكاس وكأنه كماج بقصم هههههههه وبعدين نشفته واشتغل خخ>>راح الشاي من داخل انغسل
طيب وبعدين قررت اغير جوالي وشريت ميوزك اكسبرس ميوزك نوكيا حليو ماشاء الله وظل فتره تقريبا سنه واكثر وبعدين طاح من ايدي وطفى صارت الشاشه بيضاء اللون هع >>ماينلام انفقع راسه طايح ع الرخام
المهم وبعدين شريت لي آخر جوال توني ماصار لي شهر تقريبا طبعا خلاص اذا انكسر ماني شاريه بخلي زوجي فديته يشتري لي زوج المستقبل >>الله يجيبه بالسلامه فديته بس >>اللي يشوف ريلها عند الباب هههه يلا بيجي اثق بالله مابيطول بإذن الله ماخاب من توكل على الله
الله كريم
وبسسسسسسسسس
طبعا مالي خلق احط الجوالات يكفي تعبير الكلام
ومشكووووووووووووووووور ع الموضوع الحلو ^_^
تحياتي وينك يالمهدي
|