العتب ماهو زعل .. لو ضايقك كثر انفعالي !!
وانت لو ازعل على كل البشر .. ماازعل عليك ,,
بس ..
لاطال الغياب وضاقت صدور الليالي ..
سقت لك ماجا على البال وتحمل مايجيك ,,
يوم شفت الكون كله في غيابك شبه خالي ..
صحت في وجه الزمن وقلت فيك .. وفيك .. وفيك
وضاقت وساع الفجوج بعيني .. وزاد انشغالي
وين رحت ؟
وليه رحت؟
ولا متى وانا احتريك ؟
كنت ادور في عيون الناس اجابه لسؤالي
وين رحت ؟
وليه رحت ؟
وكيف اجيك ؟
كنت اقول لكل شارع.. ماوطتك اقدام غالي؟
من كثر ماكنت
ابي اوصلك
وابي قربك ..
وابيييييييييك ..
كنت اسأل عنك نسيم الصبح لامر متعالي
ماحمل يمي على دربه جواب من يديك !!
وامتلى صدري عتب.. وانت السبب فيما جرا لي
ومن بعد هول العتب.. جيت اشتكي لك واشتكيك !!
تدري انك .. كل عشقي "وان غيرك ماطرى لي "
وانك بقلبي لحالك وان مابه لك شريك ..
وان قلبي لو تفجر بالعتب وقت انفعالي
ما زعل منك ,, وغيابك مايزعلني عليك !!