<
< هات يدك بيدي خلنا وحدنا ..
خلها جلسة حب وانسى من تكون ..>>
سجى ناظرته وهو ياكل بهدوء غريب على تركي .. كان سرحان ويفكر ...
من اول مادخلوا لهذا الكوفي .. ماحكوا مع بعض ..
وش الموضوع اللي طالبها علشانه .. وليه ساكت يناظرها ..
خافت وقلبها دق بسرعه ..
بيطلقها اكيــــــد بيطلقها ..
ليـــه ساكت كذا ..كرهت نفسها .. تحس باحساس بشع وقله ثقه بالنفس ..
ليه يرفضها..؟ معقوله 7 شهور تثريبا وهم سوا ماحس فيها وباخلاقها . ..او ماناظر بجمالها وسحرته فيه ..
تركي حاس بتوتر سجى وتاففها .. تهز رجلها بتوتر ..وتضرب باظافرها الطاوله ..
كان مبتسم بداخله
وبنفس الوقت .. مرتبك ...
كيف بيحكي لها ..؟ ... او يشرح لها ...؟
مسح ايده بالمنديل واخذكوب الكابتشينو يشرب ... وعيونه على صحن سجى ... الكروسان بمحله ماكلت منه شي ..والعصير شبه فاضي .. شربت ثلاث اربعه من التوتر ...وريقها جااف ..
سجى كان نفسها تاخذ السكين اللي بجنبها وتطعنه فيها .. بـــــــــارد قهرها ..
ناظرت فيه يشرب العصير ببرود ... فكرت علشان تخفف التوتر اللي حاسه فيه .. تطلع المبرد من شنطتها وتبرد اظافرها .. تفرغ شحنات العصبيه باظافرها ..
تركي قطع الصمت الطويل وهو يناظر بالكوفي ..: يعجبني هذا الكوفي لان فيه بارتشنات
سجى (( لاااا ياشيخ ساكت ومانظقت الا على هذي ..
اكيــــــــــد تعمل مقدمات للمصيبه اللي بتفجرها بوجعي ))
تركي ناظرها وجاءت عيونه بعيونها المتوتره : اول مره تجي لهنا ..؟
سجى من الارتبك ماعرفت وش تحكي : ايوه ... اقصد لا.. ماعرف هذي المنطقه .. واول مره ادري عنها بالرياض ..
تركي هز راسه بهدوء .. : عارف .. متعب حكالي ..
رجعوا يسكتون وكانهم اول مره يجلسوا سوا ..
سجى (( لااااااااااااااااا رجع يسكت .. ياربي والله ببكي ..))
تركي طلع محفظته وحط الفلوس على الطاوله ..: مشينا ..
سجى فتحت فمها فاهيه ..ولاتحركت من مكانها ..
ولاقد بحياتها فكرت تفتح محفظه تركي او تناظر داخلها ..
صورتها فيه .. صورتها ببوكه ...
لا وصورتها وهي بكندا .. كيف وصل لها .. وليه حاطها ببوكه وش يبغى في صوتها تكون .. قدام عيونه دايم ..
تركي ابتسم لها .. بلهاء ماتعرف تخبي انفعالاتها او تصطنع شي ..
يبان على وجهها الشفاف كل اللي داخلها ..
سكر بوكه وقال بصوت واثق .. : سجى نمشي ..
سجى وقفت ولبست النقاب بسرعه ...وارتباكها زاد وش ناوي عليه تركي ..
مشت معه لعند السياره .. بس تركي مادخل لسياره كمل طريقه مشي : تعالي في مجمع قريب من هنا وش رايك نتمشى ..
مشت معه وصبرها ملها .. قالت بنفاذ صبر : تـــركي .. ايش فيه ..؟ ايش ناوي عليه ..؟
تركي ابتسم لها اكثر وهو يسحبها من ايدها تقطع معه الشارع ..
دخلوا للمجمع المزحوم شوي .. دخلها تركي لمحل ملابس رجاليه : وش رايك تختاري لي بدله على ذوقك ..
اختارت له بدله ولا تدري كيف هي بس تبغى تخلص وتعرف نهايتها مع تركي ..
لفوا بالمجمع نص ساعه وهم على نفس الصمت والسكوت ..
المجمع كان رجالي تقريبا ..اغلب المحلات رجاليه ..
طلعوا من المجمع لعند السياره .. وتركي رافع اكياس كثيرها كلها على ذوق سجى ..
سجى كانت مبســــوطه مره انها تختار لتركي على ذوقها بس خوفها انه يطلقها او يحكي لها انه بيتزوج حنين ..
يقتل فرحتها ..
دخلوا لسياره واول ماتسكر الباب ..
سجى بعصبيه ... : تركي اعصابي تلفت ايش فيه ..؟
تركي ابتسم.. مد ايده لورى اخذ منه باقه ورد جوري كبيـــــــره .. ومدها لها ... ولمعه عيونه: سلامة راسك بس حاب اعتذر لك عن حركتي اللي امس ..
سجى ناظرت بالورد وبوجه تركي .. وقلبها يدق بسرعه كبيره .. ملامح تركي وهو يبتسم انحفرت براسها ..
تحب تركي لكن ماوصلت لدرجه العشق ... : وتضن كذا بقبل اعتذارك او بســ
تركي ابتسم بجاذبيه .. وطلع من جيبه علبه صغيره.. وكمل بصوته الجذاب الهادي .. : انا متاكد واثق انك بتعذريني لان قلبك طيب .. تفضلي ..
سجى هنا جد فهت ..
(( مطلعها لكوفي ..
وهاللحين لمجمع ..
وبعد هديه ..
ويعتذر ..))
تركي فتح العلبه وكان بروش من الفضه .. وفيه حجره صغيره اللون النيلي ..
ناظر بعيونها المستغربه ..: انا اســـف ياسجى ..
سجى مثل السحر يجذبها لتركي .. ابتسمت بخحل تحت الغطاء .. واخذت الورد والعلبه بايد مرتجفه ..ماردت عليه لان في مكان بقلبها حاقد على تصرفات تركي ..
: ..
تركي : خلاص يانانه سامحتيني ...
سجى ناظرت بالورد وعيونها مغرقه (( اسامحك على ايش والا ايش ياتركي ..
نفسي اسالك انت سامحتني ..ونسيت اللي عملته والا اعتذارك بس عن امس واذا رجعنا للبيت تنسى كل هذا ...))
تركي اشر بايده قدام وجهها : لاتفكري كثيــــــر يانانه .. انسي .. يكفي الوقت اللي ضاع باشياء تافهه ..
سجى (( يانـــــــــــــــــاس عيونه ذي بتذبحني وابتسامته ...
اي كرامه هذي اللي ادور عنها مع غميزاته يااارب ))
تركي حس بتردد ها مسك ايدها وهويغمز لها : وش رايك نطلع لمزرعه ..كم يوم ..
سجى : نطلع .. انا .. وانت ..ومن قالـ
تركي ابتسم اكثر وهو يبوس ايدها : ايوه ..
سجى سبلت عيونها وهي تناظره .. بعد ماباس ايدها ..تـــــــــركي .. تركـــــــــــان يبوس ايدها ..
رمشت مستغربه .. : واهلك واهل القصيم ..؟
تركي : بعد بكره اهل القصيم بيطيروا لشرقيه .. واهلي انتي .. مو انتي زوجتي انتي صرتي اهلي ..
سجى خافت وماحست انها مرتاحه ... ليه تركي يعاملها كذا وش وراه ..
تركي ضغط على ايدها وطمنها بنظراته : لاتخافي .. مايصير الا الخير ..نانه .. اوعدك الجاي احسن ..
وين تحبي اخذك .. هاللحين ..؟
سجى نفضت ايده عنه ولفت وجهها : ولا مكان ابغى ارجع للبيت ..
تركي لفها وجهها لعنده : افا ماخبرك حاقده كذا ..؟ تدللي وين ماتبغي اخذك ..
سجى (( ياويلي على عيونه ياناس .. هي سر عذابي بهالكون كله .. والله ماقدر ارفض له طلب.. قلبي مايطاوعني ))
قالت بدون نفس : اي مكان ..؟ ..
تركي برواقه .. : اوكي
لف لطريق وهو يطلع سيارته من المواقف ..(( ليه اعقد الامور .ز واتعب حالي واتعبها .. اذا رب العباد يسامح انا ماسامح ..
ابسمعها وبسامحها ... وبعيش معها .. – لف ناظر سجى وهي تمرر اصباعها على الورد بنعومه – والله ... حياتي بدونها ماتسوى ريال .. ))
• بدايه الخير ...
* ياحلو الفرج بعد ضيقه ..
**********************
عشاق من احفاد الشيطان ... روايه رومنسيه حزينه .. ... وخياليه
**************************