[أم ضياء...]

"مصر – القاهره "

بفيلا متوسطه الحجم ..كانت امس ظلام شديد ومافيها اي صوت .. اما اليوم كانها نجمه تنور بالسماء ..
الاصوات مرتفعه .. اللي يلعب بلاي ستيشن واللي يحوس في جواله واللي كان يكلم جوال واللي واللي ... وفي شخص معانق الحزن ومخاويه وجالس لوحده ..
احمد كان يناظر بشي بايده وهي صورة نجلاء اللي مافارته ابد .. ويتنهد لوهو اللي مات مكانها . كان اريح له ..

ندى تسولف مع نجود وكل شوي لافه عليه وشاغلها .. تموت وتعرف وش هاللي يناظره بيده ...

..

وشمس مع لمى بالبلاي شستيشن ..

سامي مع تلفونه يحكاكي امه ومشغول مع ندى .. يحس بنظراتها اللي تسرقها وهي تناظر احمد..ماركز امه وش تحكي .. تقوله قصه قديمه من زمان يعرفها.. اكتشفت ان ريان وشموخ يحبوا بعض ..
: اوكي يمه احاكيك بالليل ..يله مع السلامه ..

سكر السماعه ومشى لعند نجود وندى .. هو كاشخ انها فيلا ريان او بالاصح زوجه ريان بمصر ..

: ها صبايه وش رايكم ناكل شي ..

ندى متاففه طول وقتها بالغطاء والعبايه .. ومالها خلق اشكال سامي ..
لفت وجهها لعند شمس ولمى ..

نجود : ايوه انا مره جوعانه ..

سامي عصب من ندى بس ابتسم : وانتي ندى ..

ندى تحس بقشعره خفيفه بجسمها اذا سمعت اسم ندى بلسانه له طريقه خاصه بنطقها .. يرقق حروفه ..: لا شكرا شبعانه ..

سام : براحتك .. – رفع صوته ينه البقيه ..- يلـــه ياحلوين ناكل لنا شي ..

امتدت المسليات بمنتجاتها المصريه على طاوله الصاله .. واللكل جلس ..

صوت العود ملاء الدور الارضي كله .. ..
شمس تدندن باندماح ..
احمد مندمج ومغمض عيونه من زماااان مادق عود .. وهالحين رجع لعهده القديم يدق العود والذكريات مثل السيل تنزل بسرعه من راسه ..

ندى مبهوره قليله فيها .. تناظر باحمد مسحوره فيه ..
يدق عود بالحان خالد عبدالرحمن .. مطربها المفضل ..ومعشوقها الوحيد ..
احمد الثقيل دم والشخصيه يدق عود .. حست بتطور كبير .. وهي متاكده انه مغمض عيونه مو معهم ..(( اكيــد يفكر بزوجته الله يرحمها .. نفسي بس مره وحده اشوفها ..اكيد تهبل وكشخه اللي ماخذه عقله كذاا..))

سامي يهز برجله وهو يناظر البنات وهم فاهيات يناظروا بحمد .. تعود يكون هو .. هو بس جاذذب البنات ومعشوق الجماهير ...
واللي قهره اكثر .. ندى كيف مارفعت عيونها عنه ولا رمشت الا قليل ..
متبرقعه وتقز برجال وش هالتناقض ..

قطع سامي عليهم فجاءه : آآآف خلاص ياخي راسي بيتفجر ..

البنات ناظروه مستغربين ..

احمد وقف : وش فيك ..؟

سامي : راسي يعورني وانت جالس تدندن ..

احمد توه بيفتح فمه يرد .. بس لف على ندى اللي قالت بانفعال : انت راسك يعورك اطلع بره وخذ بندول .. حنا عاجبنا ..

سامي ناظرها بحقد وهي قباله ومسافه بينهم كبيره : انتي انكمتي مال دعوه ..

ندى : نعم .. انكتمي .. ماخذ وجه يالاخ .. ليكون على بالك ان شمس او وحده من .. استغفر الله ..

سامي مقهور منها : تاكلين تبن .. وتخسين تكوني وحده من اهلي او اعرفها ..

ندى: نعم اخســـى انا الغلطان – وقفت – انا نزلت مستواي وجلست مع هذي الاشكال ..

سامي وقف وهو نفسه يكسر العود على راسها : فاااارقي الباب قبالك .. يله ..يلـــــــه ..

ندى : انت هيـه ماحصلت حد تطلع عليه عبيدك غيري .. انت اللي بتفارق هنا ...لاتبغى تسمع وجالس منرفز ومعصب .. دام جلستنا مو عاجبتك فارق .. رح لوحده من هذولاء المصريات ..- احتقرته – تراهم رخاااص ..

سامي عصب من جد ومشى لعندها ورفع ايده / يابنت الـــ؟؟؟؟

كان يبغى يضرب ندى بس ايده وقفت مسكها احمد : سامــي مانت صاحي .. من انت علشان تضربها ..

ندى كان قلبها بيوقف ومغمضه عيونها بقوه ... وفتحتهم اول ماسمعت صوت احمد ..

سامي سحب ايده من احمد : انت اطلع منها وهي تعمر ..

.. خااافت البنت جالسين ماتحركوا من الصدمه ..

احمد معصب واقف قبال ندى وهي وراه مرعوبه .. وسامي معصب ويناظر بوجه احمد وندى بحقد ..

احمد : مو ماعندها حد تمد ايدك .. سامي ماهي بسايبه ...

سامي احتقر احمد واعطى ندى نظره ارعبتها ..: انا اعرف شغلي معها ..

احمد : وش دخلك فيها علشان تحط راسك براسها ..

سامي : انت وش تبي .. وش حاشرك انا معها نتفاهم

ندى حصلت ظهر تستند عليه : لاااا له دخل انت اللي مالك دخل ..

سامي بحقد رفع ايده باستسلام : اوكي اوكي ..
مشى لعند كرسيه وجلس بهدوء : استريحوا حصل خير ..

احمد ناظر سامي فتره .. وندى كانت بتبكي من الرعب ونظرات سامي ..
ندى : انا طالعه برجع لشقه نجود تيجي معي ..

نجود فتحت فمها قاطعها احمد : انتي ارتاحي انا باخذها لشقه – ناظر سامي بحقد – الطريق يخوف على وحده بصغرك ..

سامي باستهزاء : ياحنين ..

ندى ارعبها صوت سامي رمشت بقوه ومشت بسرعه تبغى تطلع من هنا ..
لحقها احمد وهو مانزل عيونه عن سامي ..
وسامي بكل وقاحه يناظر ندى من فوقها لتحتها ومبتسم بخبث ..وهو من داخله يغلي من وين طلع له هذا الاحمد ..

مشت ندى بسرعه واحمد وراها بمسافه وخطوات بطياءه .. يناظرها ومايمشي معها ..

ندى (( الحقيــر الغبـي على ايش مصدق حاله .. يضن بيقدر يمد ايده – ارتجفت وهي تذكر شكله يمشي بسرعه لعندها – يالله كان بيضربني وانا واقفه فاهيه .. ياااربي الحمدلله ارسلت احمد يوقفه عند حده ...
احمد صحيح وينه هذا قال بيوصلني – لفت وراها شافت احمد يمشي وراها بمسافه بس عيونه عليها .. قلبها دق بسرعه وتنهدت – فديتــه يجنن والله.. ياناس في حد كيوت مثله ))

وصلت لعند العماره وقفت لحد ماوقف احمد عندها : وش فيك اطلعي فوق ..

ندى بلعت ريقها وقالت وهي ماسكه ايدها الثنتين بتوتر : مشكور ..

احمد ابتسم : العفو وانتي مثل بنتي .. لوعندي بنت كان بعمرك ....يله اطلعي فوق واقفلي الباب عليك كويس ..

ندى هزت راسها وطلعت لفوق بسرعه (( بنته ...آآآفا والله ..ههههههههه))



**********************
عشاق من احفاد الشيطان ... روايه رومنسيه حزينه .. ... وخياليه
**************************

فتحت الباب بقوه وناظرت المكان بقرف ...

كاترين وامها وخواتها الثلاثه .. كانوا جالسين ضحك وسواليف مبسوطين بفلوس رياض الغبي ..

كاترين طاح كوبها وتناثر القزاز ..بكل مكان ..: ام ريـــاز ..

ام كاترين عارفه قوة ام رياض من حكي اللكل عنها بلعت ريقها : اهلا وسهلا ام رياز تفزلي

ام رياض رمت اللثمه من وجهها وبينت ملامحها القاسيه مع نظرت الغرور والشموخ : اتفضل تعزميني – اشرت على ام كاترين بقرف من فوق تحت – انتي تعزميني على بيتي وحلالي ..

ام كاتريين بنرفزه : لشووا هالحكي ام رياز

ام رياض اشرت بقرف : انكتمي ..انتي معها بسرعه لموا شنطكم ..

كاترين : شوووو

ام رياض اشرت لنوال وسهام يفتحوا الباب .. اطلعوا بره بالطيب احســن .. وانتي يالمسيحيه اولهم ...

كاترين ضحكت : ههه لا ياحبيبتي البي انتي يتطلع من هون اما انا مــ

قاطعتها ام رياض : انا اذا قلتلك تلمي اغراضك وتطلعي .. تطلعي ... هذا واحد ..
ثاني شي .. ماتاخذي معك ولاشي .. ولاريال من رياض دفعه لك ..

توها ام كاترين بتفتح فمها ..الا قاطعتها ام رياض وهي تجلس على كنبه براحه ورجل على رجال ..: انتم ممنوعين من دخول السعوديه .. واوراقكم المزوره يا لورلا تثبت كذا .. انا كنت حاسه من زمان ان وراك بلاء بس ماتوقعته ضايا مخله للادب – رمت من شنطتها اوراق – انا اذا حطيتك ببالي يارولا مامزح ..

كاترين ناظرت امها مصدومه .. كيف عرفت عن تزويرها لاسمها وعن قضاياها القديمه .. وانها ممنوعه من السعوديه ..

وقفت ام رياض وقربت لعند كاترين : ها يارولا عندك شي تحبي تحكيه قبل ماتشيلي قشك لبيروت ..او سوري نسيت انك من طرابلس مو من بيروت مثل ماكذبتي ..

ام كاترين : انتي انسانه بلا الب .. مابتحبي ابنك مبسوط مع يلي بيحبا

ام رياض احتقرتها وقالت من طرف انتها : مبسوط مع مسيحيه .. وكافره .. يله لاتكثروا حكي ولموا اغراضكم اطلعوا من هنا بالطيب احسن من اقدم اوراقكم هذي للمكان اللي مفروض تكون فيه ..
- باستهزاء كملت - شقق جده ..و الجوازات .. و..واسكت احسن

كاترين او بالاصح رولا .. ارتجفت من الخوف .. وناظرت باهلها المرعوبين : متل مابدك .. ورياز مــ

ام رياض قاطعتها وهي تهددها بالاوراق قبال وجهها : ها ..هــا وش حكيتي ..
وش رايضه هذي...
انتي تطيري من هنا وتنسي شي اسمه رياض ..
ولا تفكري تحاكيه .. لانه اذا ناظر بهذي الاوراق بس مجرد مايناظرها بيسافر لعندك يشرب من دمك يالمومس .. تضني كل بنات خلق الله مثلك ومثل اهلك ..

سكتوا محد رد ... كيف يردوا وهم الحلقه الاضعف .. ام رياض المحركه للكل ..

بعد ثواني والعائله اللبنانيه مصدومه وساكته ماتحركت من مكانها : سهام ..نوال .. اطلعوا لفوق لموا خلاقين اهلها وخلاقينها اللشينه لتحت ولا تنزلوا اي طقم يسوا سامعين ..- لفت على كاترين - اووه قبل مانسى.. في اورق تنازل لازم توقعيها .. ماتوقع وحده ممنوعه من دخول السعوديه تقدر تملك شي فيها .. باسماء مزوره ..


ماكان قدام رولا او كاترين خيار غير انها توقع .. تبغى تطلع من حدود السعوديه سالمه ..

ام رياض مارتاحت الا لما وصلتهم للمطار وهم يبكون .. وانتظرتهم لحد مادخلوا الطياره وطاروا .. طاروا بعيــد وطار معهم همهم ...

تنفست براحه وكان شي ثقيل انشال من صدرها ..
ابتسمت برضى وهي تناظر المطار من قزاز السياره ..
(( الله يحفظك لي يامتعب .. والله بدونك ماسوى شي ..))



**********************
عشاق من احفاد الشيطان ... روايه رومنسيه حزينه .. ... وخياليه
**************************

: احس اني شي شفاف قدامه .. مايناظره .. محتقرني لهذي الدرجه اجل ليه تزوجنــــي

هواجس بحبث : هو يعمل معك كذا لانه اخذك وعارف ان ماورااك ظهر ..

نور ناظرت بالغرفه اللي نايم فيها يزيد وتاركها مثل العاده ..: آآآف طفشت ياهوجد وش اعمل معه

هواجس : لااا تعطيه فرصه .. دام ماعندك حد يدافع عنك انتي دافعي عن نفسك ..

نور غرقه عيونها .. : بصراااحه هوجد .. انا اخاف منه بعد الحكي اللي قلتيه .. هذا يشرب خمر ..ومادري اخاف يضربني والا شي ..

هواجس(( كيف لوعرفتي انه مخدرات وبنات..ياحياتي ياختي ..))
: اقول اتركي عنك الدلع وهذا شره من شور ابوك ..خمر واكي بتطور الحاله وبيكون معه بنات

نور بانفعال: لاااا اعوذ بالله .. هوجد وش هالحكي .. اي راعي بنات مابناته ..

هواجس سكتت شوي .. لان نور بكت .. (( لاحووول مع هذي الحساسه .. يالله ياليتني مازينته بعيونك ..)) قالت بحنان وهي متضايقه علشان اختها ..: اسمعيني نور لاتبكي ..

نور بين دموعها : مقهـــــــوره وكاني رجل كرسي هنا .. اخذ شقه وقلنا اوكي مايبغى فندق علشان الازعاج .. بعد مايعطيني وجه .. تصوري ياهواجس يقفل على نفسه الغرفه ومايرضالي ادخل ..

هواجس تنهدت وتحس ان هذا انتقام يزيد الثاني منها ..: اسمعي واعملي اللي اقولك عليه ..

... .. .... ... ..

:كح كح .. كح كح ..
قتلته الكحه .. مايرتاح شوي الا راجعه له ...
نفسيته متحطمه بالارض ..
فاقد الاحساس بالحياه ويكبي بندم .. يبكي كل لحضه جمعته مع وحده بالحرام ..مع انه يقدر يتزوج ويحصل على اللي يبغاه بالحلال ..
بس الظاهر الحلال محروم منه ..

مايقابل نور الا قليل اذا اخذ الاكل من المطعم .. او طلع يجيب دواءه ... ومايحاول يحكي معها كثير ...

عدل جلسته وهو يحس بصداع فضيع يقطعه .. صداع لانه محتاج للمخدر لجسمه ..
ناظر بكاس الخمر اللي على الطاوله ..وتمنى يكسر ويفتته بيده ..
اخذه وصب له شوي .. شربه بدون ثلج .. حرق فمه وبلاعيمه .. مايهم .. ماعاد ياثر فيه الالم وهو كله يتالم بيموت ..

شد اسنانه وهو يحاول يتاسك من الالم .. مايقدر يستحمل لازم يرجع لسعوديه .. بس كيف ..كيـــــف يرجع وهو كذا ..

سمع صوت القزاز وقطرات من الدم تنزل على الشرشف" الملاة " الابيض ..

كسر الكاس بيده ..ناظر بدمه الغذر النجس ينزف بغزاره .. هو عنده مرض نقص المناعه الايدز .. يعني يتجرثم بسرعه وممكن يموت ..

ناظر بعيونه الزايغه من التعب النفسي قبل الجسدي ..ناظر قطعت القصدير اللي بداخلها المخدر الابيض ..لو حطت على دمه ايش ممكن يحصل اكيــد بيتخدر دمه ويرتاح من الالم ..

مشى بكسل يجر رجلينه .. جر ببنطلون البيجامه الارتكواز خصر واطي .. بدون بلوزه .. مكتومه مايحب شي على صدره ..

قتح الباب وهو ضام كفه اليمين يمنع الدم ينزل ..

اول ماطاحت عيونه على نور .. شعرها قصير لحد رقبتها ومغطي وجهها .. وجهها ابيض صافي ..شكلها وملامحها عاديه .. بس فيها مسحه براءه وطفوله ..
عوره قلبه عليها وش ذنبها في كل هذا ..؟
ليه تترمل وهي مابعد دخلت الواحد وعشرين ..

نور لفت عليه وتحرك شعرها العنابي القصير ..مقهوره منه وفتحت فمها بتصرخ معصبه او بترمي كلمه تبرد قهرها . بس صدمها شكل الدم اللي على الارض .. وعيون يزيد التعبانه ..

راحت بسرعه عند يزيد : يزيد ايش هذا ... ايش فيك ..؟

يزيد ناظرها بعيون سرحانه ..يحسه انه بعالم منفصل عنها نهايا ..
مشى بدون مايرد عليها ..

نور انقهرت .. وصرخت عليه وهو يمشي ببرود .. : انت هيــــــه انا احاكيك .. ليه تطنشني كذا ..؟ وبعدين معك والله طفشت ..

يزيد ضغط على اذانه ويحس صوتها عالي مرره بيفجر راسه ..
جسمه فيها اضطرابات ..
احيانا يثقل الصم عنده ..ويحس انه وصل لمرحله الصم ..
واحيانا ..يخف السمع واي صوت مرتفع ياذني اذنه ..

مشت نور لعنده معصبه ولفته بسرعه لعندها: ماني حشره عندك تسد اذنك .. احكي معي ..

يزيد اختل توازنه وكان بيطيح بس ثبت بالاخير .. مافيه قوه ولا حيــل : وش فيك ..؟ وش تبين ..؟

صوته تعبان ومبحوح .. هاادي دخل لجسم نور ببروده ارتجفت ..: ليه تزوجتني .. .؟

يزيد والها جاء على وتر حساس ..(( تزوجتك ابغى اتغير.. ابغى اعيش حياه مختلفه .. مع انسانه نظيفه طاهر ه.. بس الظاهر انا بشار والعفاف بشارع ..))
: سوالك مو بمحله ..ايدي تالمني ..

نور ناظرت ايده بحقد ولفت وجهها ..: ياارب تموت ..

جلست على نفس كرسيها ومسكت الريموت تغير المحطات ..معصبــه

" يارب تموت "
رنت كلماتها باذنها .. وعزفت موسيقى حزينه مه مشاعره ..
(( تستعجل بموتي وهو قريب مني ..))

فتح الصيدليه واحذ شاش وقطن ومطهر ..واول مافتح كفه اليمين حس بالم فضيع يمشي بكل ايده ..

: عطني ايدك ..

رفع راسه وناظر بنور وبعيونها هذاك الحنان اللي دوره وهو طفل يتيم .. باحضان زوجة عمه .. وماحصل الا القسوه منها ..

بعد ايده عن ايدها اللي مدتها له ..خاف ينتقل المرض اللي بدمه لدمها او لها ..مايبغى ياذي هالوجه البرياء ..: لااا شكرا ..

نور غمضت عيونها بعصبيه وفتحتهم وهي مغرقه .. وش هذي التصرفات ... ليه يعمل كل هذا ..

يزيد مسح ايده بالمعقم الطبي وشهق من الالم ..

نور مقهوره منه : تستاهل علشان تتركني اساعدك مره ثانيه ..

يزيد ناظر بعيوونها : ليه بتبكين ..؟ انا مابغى اتعبك معي بس ..

نور تحس هدوء صوته وحزنه في صوته انكسار.... يدخل لجسمها ويلامس وتر حساس بقلبها .. الامومه عندها او حنان الاخت والزوجه يندفع بدمها ونظراتها ..
: من قالك بتعب علشان لفت شاش .. اتركني اعملك ..

يزيد حس انه صغير قدام نور وهي تحاكيه بهالحنان ..
ناظر ايده وتاكد ان الدم وقف نزفه وماعاد فيه شي ..
ومدها له ..

نور لفت ايده وهي ترتجف ايدها دااافيه دااافيه كثير اقرب لساخنه ..وايدها بارده ..
ناظرت بوجهه احمر .. يمكن معه فلونزا ..

مدت ايده لجبهته ..تتحس الحراره ..كانت ساخنه مرره ..

يزيد بعد عنها وسحب ايده : لاعااد تعيديها ..

مشي بسرعه يهرب منها ومن مشاعر محتاج لها .. محتاج لايدها هذي.. محتاج للحنان ..

بس حرام .. يكفي هو يتعذب هي بعد تتعذب معه ..

نور ر رمت الشاش .. وغسلت ايدها معصبه (( مالـــت على ذا الوجه انا اللي مره بموت عليك .. صادقه هواجس هو بس يبغى يذلني ..))

وقفت عند باب الغرفه المقفل وصرخت علشان يسمعها : انا جد ماندمت على شي .. كثر ماندمت اني تزوجت واحد مثلك ...


**********************
عشاق من احفاد الشيطان ... روايه رومنسيه حزينه .. ... وخياليه
**************************

جد اليوم تطلع .. الله يبشرك بالخير يادكتور ناصر ..كيف اطلعها ..

د. ناصر: عادي تقدر تاخذها معك للبيت ..

ريان ابتسم من قلب وهو يناظر روان ..كبرت شوووي .. جسمها امتلاء عن قبل ..: اوكي باخذها معي ومشكور يادكتور مااقصرت ..

.. : ومن قالك اني بتركك تاخذها معنا .

لفوا لجهه الصوت ...منى واقفه بعبايتها وتاركه شكلها المقزز بدون غطاء.. وتناظر ريان بقوه