[أم ضياء...]

.............................

ريان طوال الطريق بالسياره يفكر بشموخ ..

معقوله تكون حبت فيصل .. وتعلقت فيه .. وهو كيف بتنساه ..
هي من متى تحبه علشان تنساه ..

ماله الا الهروب .. يسافر يمكن يقدر ينسى..
خيانه اخوه
زواج حبيبته
مرض بنته
مراهقه زوجته ..

" قال لها يوماً : ما يريده الرجل من المرأة أن تفهمه ..
فصاحت المرأة في وجهه قائلة ً: وان كل ما تريده المرأة من الرجل هو أن يحبها ! "



واقفه قبال النافذه .. وتراقب المطر .. ومزاجها يعكس الجو الرمادي ..
و ايدها تلاحق قطره مطر .. وهي تتامل ..

فيصل من امس مارجع .. طلع من وقت الغداء ..ومارجع .. مايهمها عمره مارجع .. بس لو انها بالسعوديه كان اوكي ..بس هي برشلونه ..

المطر زاد والجو مشتد .. وهي لوحدها بشقه هذي ..

حست بايد تمتد لخصرها بنعومه .. كانت بتصرخ من الخوف اللمسه ذكرتها بايام المستشفى ..بس سكتت لما باسها فيصل بخدها بنعومه : كيفك ..؟

شموخ مالفت عليه وضلت تناظر المطر .. فيصل يدفيها ..وهو .. ضامها من ظهرها ..

همس باذنها ..: بعدك مانمتي ..

شموخ هزت راسها .. " لا "..ولفت عليه وسندت جسمها لنافذه ...وفيصل قبالها .. مسكت بلوزته وقربت منه ضمته ..: لاتتركني مره ثانيه كذا ..

فيصل : ماتــاخــــــ

شموخ تسللت ريحه عطر نسائي .. عطر إيتيرنتي لوفي النسائي ..
بعدت عنه بسرعه ونفرت نفسها ..: وين كنت.. ؟

فيصل ناظرها مستغرب بعدت عنه كذا : وش فيك ..؟

شموخ : من كنت معه .. من هذي .. ؟ريحه العطر النسائي ماكذبها ..

فيصل ببرود : عادي كنت بالهايد بارك ..

شموخ قلبها دق بسرعه وهي تناظره: ايش هايد بارك .. انت عايش وين ...؟ .. فلم اجنبي هو ..ياقذر ..

فيصل : كلي تبن .. انا مو حق زواج واخذتك كذا متعه سامعه ماتزوجتك الا للكيف والمزاج ...تسليه ...وخلاص مليت منك طوال وقتك تبكي ..

شموخ مشت تبعد عنه اقرفها .. كيف يجي يمسكها وهو لامس غيرها .. اخر شي تصورته الخيانه ...

فيصل سحبها بقوه لعنده وقال بين اسنانه وهو يحشرها بايده .. : انتي عارفه اني ماخذك عبده لفراشي ...فلا تعملي فيها تغاري .. او مهتمه ..

شموخ رمشت اكثر من مره .. كل ثانيه تكره فيصل وحياتها معه ..: اتركني .. يامقرف ..

فيصل : وربي مايلبق لك .. اتركي الحركاات هذي لغيرك ..

شموخ : حرقت عيونها الدموع بس ليه تبكي وعلى مين ..: رجعني لسعوديه ..

فيصل سحبها : تعالي وانتي ساكته ..

الم فضيع تحس فيه .. داخل قلبها ..
يلمسها واحد لامس غيرها .. بدون كرامه . ولا احترام منه .. هي بس شي يشبع فيه رغباته لا ويدور عليها بره بعد ..

لو هي اضخم منه كان بعدته .. وصرخت فيه .. ماتطيقه ...تكرهه ...

الشمس ماليه المزرعه .. والجو حلو ..

سجى تضحك لتركي وهو لابس بنطلون جينز .. مثل رعاه البقر وقميص بيج .. وقبعه من الجلد .. ومبتسم مع غميزاته ..

تركي : تركبي خيل ..

سجى بخوف : لاااا اكيد لا..

تركي يناظرها من فوق لتحت .. شورت جينز مقطع بالاخير.. وتيشرت اخضر فسفوري وتركه شعرها مفتوح بدون ستشوار والهواء يطيره ..: تخافي

سجى ايدها معقود لورى ظهرها و رجلها تلعب بالتراب .. نزلت عيونها بخجل ورمشها لامس خدها : ايوه ..

تركي : تخافي وانا معك .. بركبك معي ..

سجى هزت راسها وشعرها يتحرك : لااااا مابغى .. اخاف ..

تركي : ههههه يابنت الحلال بتكوني قدامي ..

سجى ناظرته وهي ماده بوزها .. وقالت بنعومتها : واذا طحت ..؟

تركي تنهد من عيونها الذباحه .. طفله وربي طفله : اطيح وراك ..

سجى: لااا .. وش تطيح وراي ..هههههههه

تركي مسك ايدها : تعالي معي ولاتخافي ...

سجى مثل الطير اللي طلع من قفصه .. انطلقت بكل حريه معه .. ياحلو الحياه اذا كانت كذا ..
عندها ملايين وعاشت بقصور .. وسافرت اهم دول العالم واشهرها وافخمها .. وماقد حست بمثثل هالسعاده : ههههه اوكي ..

ركب تركي وسحبها ركبه قدامه .. ثبت ايدها على السرج وحط ايده عليها : يلــه مستعده

سجى قلبها يدق بسرعه .. بلعت ريقها .. خايفه: اوكي ..

الحلو بالموضوع تحس دقات قلب تركي بظهرها .. ركض الخيل تراجعت لورى خايفه ..وتركي علاء صوته بالضحك : خوافه .. هههههههههههه

سجى الدم رجع يمشي بعروقها .. ضحكته هذي تكفيها .. بس خلاص ماتبغى شي ..

تركي : المسبح جاهز .. وش رايك نتروش ههههههه ..

سجى : خلنا على الخيل احسن هههههه


**********************
عشاق من احفاد الشيطان ... روايه رومنسيه حزينه .. ... وخياليه
**************************


بو رياض : وش اخبار سجى .. وينها من زمان عنها ..؟

ام رياض بكذب : قبل امس كانت عندنا .. بس انت الله يهداك مارجعت الا متاخر ..

بو رياض : وانا هذا حظي معها ياحليلها ..دايم تطلع قبل لاشوفها .. من زمااان اخر مره عرس رياض ..

ام رياض : مشتاق لها .. زورها ..

بو رياض ناظر ساعته : ماعندي وقت .. مشاريعي تتعطل علشانها .. – وقف – سلمي عليها ..

ام رياض : اوكي .. انت طالع ..؟

بورياض : ايوه

ام رياض : انا طالعه لجده .. قبل زواج فيصل ..

بو رياض : براحتك ..

ام رياض : انا ماستاذن اعطيك خبر

بو رياض : اوكي

طلع وتركها .. القصر كائيب محد من عياله فيه .. غير هذي العجوز ..



**********************
عشاق من احفاد الشيطان ... روايه رومنسيه حزينه .. ... وخياليه
**************************


الجو متوتر بينهم ..

يزيد جالس على الكنبه الشاميه ..وراه مخدات كثيره .. فجاءه متلاء جسمه بالمرض .. وانتشر التخدير بكل جسمه ..

فهد واقف قباله متوتر يروح ويجي ويشد شعره بينجن ..: انت صاحي تحكي عن زوجتك ..

يزيد بضيقه وهو يكح وصوته ضعيف : كح كــــح .. عارف .. انـ هــ ـا ز و جـ تـ ـي علـ شــان كـ ـذا .. ابـ
كح كح ..

فهد ركض لعنده ورفع له كاس المويه ..: خلاص لاتحكي ..لاتجهد نفسك ..

قلبه يوجعه على صاحبه .. كيف
كيف يزيد مريض بالايدز ..
وين جماله وسامته وشبابه وصحته .. قبل كم يوم بس ..
قبل كم يوم كان معرس وباجمل طله .. وفجاءه لما درى عن مرضه تغيرت احواله ..
حس بالدموع تتجمع بعيونه مايتخيل حياته بدون يزيد ..يزيد اخوه اللي مايعرف غيره ..
طاحت رجوله اول ماحكى معه بايطاليا وطلب منه يجي لسوريا مستعجل .. خاف ان ناقصه فلوس او مشاكل مع السفاره لكن المصيبه انه مريض بمرض مياوس منه ..
وتهون هذي المصيبه قدام طلبه المستحيل ..كيف يطلب منه يتزوج نور بعده ...كيف يبغاه يتزوج اخت نور عيونه هواجس .. يتزوج زوجته اللي حكاله عن حياته كيف بتتغير اول مايتزوجها .. وبيترك الحريم ويتوب ....

يزيد رجع راسه لورى وجسمه يصرخ من الالم .. مسك ايد فهد بقوه : تكفي يافهد وصيتي.. نور ..نووور .. نور .. مافي غيرك اامنه عليها ..

فهد ماتحرك ولا حكى شي ..
صعب .. الاختيار صعب ..
صاحبه راحته بين ايديه وهو بيودع ..
وعذابه هو وهواجس بيد صاحبه يزيد ..

يزيد ناظر بعيون فهد : هواجس .. مراح تكون لك .. هي لعمي ..وعنده .. اتركها تعيش حياتها ..

فهد فتح عيونه على الاخير .. يزيد عارف عن علاقته بهواجس وساكت ..
: كيف ..؟؟

يزيد بلع ريقه ولف وجهه بعيد عن فهد ..
تذكر حكي فهد عن هواجس لما كان سكران ..
بنفس يوم ملكه يزيد على نور .. فهد انهار وشرب لحد ماثمل ..
مايشرب ولا يحب الخمر .. بس جلسته مع خالد وفيصل ويزيد .. وهمومه بصد هواجس ..جبرته يشرب ..ومادرى انه بالحكي اللي هلوس فيه .. سلم ليزيد سكينه يقطع فيها علاقته مع هواجس ..

قال بصوت مرتجف وتعبان : سامحني ياخوي ..- لف ناظر فهد-انا ماطلعت بهالدنيا بغيرك وغير عمي .. كنت مابغى اخسركم اثنينكم .. ..- بلع ريقه وخنقته العبره - .. انتم الوحيدين اللي لي .. وتمنيت تكون نور لي .. وابيع اللكل علشانها بس

سكت وناظر بايده والبشاعه اللي وصلت لها مع تطور مراحل المرض بجسمه : انا اللي جبته لنفسي..واستاهله ..

فهد ابتسم ليزيد يخفف عنه : يزيد وش هالحكي – راح صوته – وكانك تودع ..يارجال لهالحين ماشبعت منك ..

يزيد ضغط على راسه بيده : العلاج مايفيد المخدرات ..مانعه اي دواء يخدر جسمي ..او يخفف من المها .. ياليتني سمعت حكيك يافهد ياليتني تركت طريق فيصل وخالد ..

فهد يصبره : يزيد خــلاص لاتندم على شي .. انت لازم تسافر وتتعالج .. ان بكون معك بالمانيا .. وبترجع مثل قبل ..

يزيد ابتسم : ومن قالك اني ابغى ارجع مثل قبل .. اعوذ بالله من هذاك الطريق ..انا احمد ربي على النعمه .. لوما المرض كان ماتبت ولاعرفت الحق ..- سكت فتره وهذا طبعه بالفتره الاخيره - فهد تكفى اوعدني ..

فهد تنهد :اوعدك ..بايش ..؟

يزيد : اوعدني قبل .. ريحني ياخوي ..

فهد هـــ...