قصيده استفهاميه لا تموت كيف تموت هيه اسمه
جينه ننشد كربله مضيعينه للحاج زاير الله يرحمه يكول
جينا ننشد كربلاء مضيعينها .. بيها زينب قالو ميسرينها
جينا ننشد كربلاء مضيعينها .. جينا ننشد كربلاء مضيعينها
يسروها و لا لها واحد فزع .. شال حادي ضعونها بساع و قطع
جينا ننشد وين أبو فاضل وقع.. ما تدلونا الشريعة وينها
*** *** ***
بس أشوفه و العتب مني يزول .. و أدري ابو فاضل على النخوة يجود
عذرة حقه يقول مـقطوع الزنود .. حال ملـك الموت بين بينه و بينها
جينا ننشد كربلاء عليها العتب .. نـقول هاي رجال و تدور الغلب
حرمة زينب بأيش مطلوبه بذنب .. فوق قتل حسين و مسلبينها
أرد انشدك كربلاء عن النزيل .. شلون ضعن الحرم شال بلا دليل
كان قلتيلي يعاونه العليل .. بالمرض مشدوه وينه و وينها
أرد انشدك هم صدق بالشام عيد .. و حطو بطشت الذهب راس الشهيد
و من نشد زينب بديوانه يزيد .. جاعده لو واجفة مخلينها