عَجْلِيْ يَا ِسِنينْ وُ فَرِّحِينِيْ بِلِقَاهْ

همسهـ آحســآآس · #1 01-01-2012, 11:34 AM

وُ إِگْتِبِي لِيْ مَعَاه أَحْلَى لِيْلَةْ عُمُرْ

وُ لَبْسِينِيْ الفُسْتَانْ الأَبْيَض وُ صَوْرِينِيْ مَعَاه
وُ إِشْبِگِيْ يِدِّيْ بِيَدَّهْ وَلاَ تِفَرْقِينَا دَهَرْ

وُ خَلِّيْ گِلْ حَاسِدْ يِمُوتْ مِنْ الحَرَّهْ وَرَاهْ
وُ رَبِّيْ بِعِينَه يِحْرِسْنَا مِنْ عُيُونْ البِشَرْ

أَبِيْ گِلْ هَالعَالَمْ تِحْگِيْ عَنْ قِصَّةْ غَلاَه
وُ رَبِّيْ يِبَارِگْ بِهَاللِّيلَه وُ يِنَزِّلْ مِطَرْ

وُ حَلِّينِيْ بِعْيُونَه گِنِّيْ قُمَرْ بِسِمَاهْ
وُ خَلِّيه بِعْيُونِيْ گَمَا نُورِ البَدِرْ

وُ إِحْفِظِي مَحَبَّتْنَا وَلاَ تِذَوقِينِيْ جِفَاهْ
وُ جَدِّدِي غَلاَنَا مَهْمَا الأَيَّامْ ِتمِرْ

لاَ تَعَبْ خِلِّي خَلِّينِي طَبِيبَه وُ دُوَاهْ
وُلاَ ضَاقْ صَدْرَهْ بَگُونْ لَهْ أَوْسَعْ صَدِرْ

وُ إِذَا هَدَّتْنِيْ الدِّنْيَا لاَ تِحْرِمِينِيْ دِفَاه
وُ إِذَا أَعْمَتْنِي يِگُونْ لِعْيُونِي النِّظَرْ

وُ فَرْحِينَا بِطِفِلْ يَمْلِي عَالَمْنَا بِحَلاَهْ
وُ يِزْعِجْنَا بِآخِرْ اللِّيلْ صِيَاحْ وُ سَهَرْ

وُ بَعْدِهْ طِفْلَه تِشَارِكْ أَخُوهَا بِهَوَاهْ
وُ يِگْبَرْونْ قِدَّامْ عِينِي شَهَرْ وَرَى شَهَرْ

هَذِيْ أَحْلَى أَحْلاَمِيْ سَطَّرْتَهَا لَحْظَةْ لِقَاه
طَلَبْتِگْ يَا سِنِينْ عَجْلِيْ وُمِرَّيْ بِلَمْحِ البَصَرْ