~ موسوعة قصائد مواليد وأنشايد مكتوبة ~

[مجنونة الشوق...]

بين الجنه و بين النار
بين الجنة وبين والنار لا تحتار بالأطهار
خيرك الباري اشتختار هم أنوار في أنوار
أولهم محمد وآخرهم محمد
أولهم محمد كلهم من محمد
.......................
محمد علي فاطمة حسن حسين
أهل البيت منجاتك في شداتك هداهم في ظلام الدنيا مصباح
وان حبيت حب طه وأهل طه تمسك بالله والخمسة الأشبال
...
رسول الله وعلي بكتره والحسنين والزهرة
خمسة الله بيهم نور الكون
في مركب نوح تلقاهم الله بنوره سواهم
سوى الناس حق ليهم يعشقون
...
يمدحهم الله بالكتاب وبالباب للحساب
ولي يواليهم ما خاب لا ترتاب بالأطياب
هم حصن ومناعة وأصحاب الشفاعة

بين الجنة وبين النار لا تحتار بالأطهار
خيرك الباري اشتختار هم أنوار في أنوار
أولهم محمد وآخرهم محمد
أولهم محمد كلهم من محمد
.......................
السجاد الباقر الصادق
ومن هالنور تتوالى وتتلاله ثلاث نجوم صارت بالله مشكاة
بين الدور تضوينا وتهدينا ومن سقف السما تزهر ثريات
...
علي السجاد إلك ناصر بعده محمد الباقر
تالي جعفر الصادق على الدوم
من أولهم نجم زاهر ثانيهم علم زاخر
ثالثهم بحر من تقوى وعلوم
...
شاطي من الحكمة والآيات في أبيات بدايات
للناس هم عصمة ومنجاة بدايات نهايات
هم أهل الكرامة في يوم القيامة
.......................
بين الجنة وبين النار لا تحتار بالأطهار
خيرك الباري اشتختار هم أنوار في أنوار
أولهم محمد وآخرهم محمد
وأولهم محمد كلهم من محمد
.......................
الكاظم الرضا الجواد
ومن هالعين تتفرع وتتشعشع كرامة ومنزلة ونور على نور
نور العين هالعترة من الزهرة مثلهم الله ما سوى من الكون
...
من الكاظم تربينا ومن علم الرضا ودينه
من جود الجواد احنا كرمنا
كظمنا كل غصب جاري نرضى بقسمة الباري
ونجود بدمانا وما يهمنا
...
همنا وذبنا بحب الآل بالأعمال في كل حال
زيت المشكاة السيال من آمال ولا زال
مشعل للهداية في درب الولاية
.......................
بين الجنة وبين النار لا تحتار بالأطهار
خيرك الباري اشتختار هم أنوار في أنوار
أولهم محمد وآخرهم محمد
وأولهم محمد كلهم من محمد
.......................
الهادي العسكري المهدي
تالي الخير في التالي لكل غالي
حسن عالي ومن يعول السماء بال
بالتطهير ممدوحة ومشروحة لو تراجعها في سورة الأحزاب
...
مناير من علي الهادي نور العسكري البادي
شمس المنتظر زهرة الأيام
اكتمل منهم ضوى العصمة في أرباتعش نجمة
خاتمها ثلاثة مسك الختام
...
لا تحير بالك يا صاح هم اصباح في إصباح
مد ليهم بالحب الراح وبسلاح للأرواح
مد قلبك إليهم وتوكل عليهم
بين الجنة وبين النار لا تحتار بالأطهار
خيرك الباري اشتختار هم أنوار في أنوار
أولهم محمد وآخرهم محمد
وأولهم محمد كلهم من محمد

[مجنونة الشوق...]

كعبة الزوار
كعبةونطوف عليها كربلا كربلا
زوار اشتقنا ليها كربلا كربلا
يا ساكن بها لعين انت الامل يحسين كربلا كربلا
.................................................. ........
يللي تسافر ليها كربلا كربلا
سلم على واديها كربلا كربلا
والساكن اللي فيها كربلا كربلا
قولوا قولوا يالله قولوا قولا يالله
ياللي تزور اعتابه كربلا كربلا
لاتنسى تلثم بابه كربلا كربلا
والنا تجيب اترابه كربلا كربلا
..........................................
جينا وقصدنا اديارك كربلا كربلا
احبابك وزوارك كربلا كربلا
نتبرك بأسوارك كربلا كربلا
قولوا قولوا يالله قولوا قولوا يالله
لزيارتك نعنى كربلا كربلا
هذي طريق الجنه كربلا كربلا
فيها الذي نتمنى كربلا كربلا
..........................................
ياربي سهل لينا كربلا كربلا
للحاير تعنينا كربلا كربلا
نوره يهل علينا كربلا كربلا
قولوا قولوا يالله قولوا قولوا يالله
نتشرف بلزيارة كربلا كربلا
متشوقين اخباره كربلا كربلا
هذافرح وبشارة كربلا كربلا
....................................
يامرحبا بالزاير كربلا كربلا
شاف القبر والحاير كربلا كربلا
قلبي برجوعه طاير كربلا كربلا
قولوا قولوايالله قولوا قولوا يالله
سلموا على زواره كربلا كربلا
ورد المحب وازهاره كربلا كربلا
ونتعطر بأنواره كربلا كربلا
......................................
ياربي تودينا كربلا كربلا
بتوفيقك تراعينا كربلا كربلا
ونروح الى والينا كربلا كربلا
قولوا قولوا يالله قولوا قولوا يالله
سلامي علأنصاره كربلا كربلا
ولملاك هلي بداره كربلا كربلا
مستقبله زواره كربلا كربلا

[مجنونة الشوق...]

للرادود باسم الكربلائي و الشاعر علي السقاي
إصدار / ريحانه
عنك إذا سئلوني - تفضحني بيك عيوني
يا المجتبي وبحبك - مفتونك يسموني
هالحب ساكن أجفاني
يا المجتبي وبحبك - مفتونك يسموني
يا نور العين
عنك إذا سئلوني - تفضحني بيك عيوني

إنت الحسن وبذاتك كل الحسن يتجمع - من أصلك اللاهوتي معنى القدس يتفرع
خيوط الشمس من وجهك عالدنية تزهي او تسطع - سيد شباب الجنة والجنة دونك بلقع
لاون گلت ما أبالغ بيك الرسل تتولع - موسى ابعصى ثعبانه إلساحر جمالك يخضع
داوود تكسر درعه ابشوگك لون يتدرع - أيوب لو يتصبر صبره ابمجبتك يجزع
سبحانه رب القدرة يا قدرة قادر - يا الحسن صاغك أمره بالحسن الزاهر
حسنك أجل من فكرة ينظمها الشاعر - يامن ابأول نظرة يهواك الناظر
يل جمالك - من كمالك
مرهونة روحي ابكيفك - وأرخصها حتى إلشوفة طيفك
يل بيك اجنوني

للهادي يا ريحانة بضلوعي شوگك يكبر - ما أملك أكبر منه بس چلمة الله أكبر
كل سائل إليسألني عنك يا ضنوة حيدر - بعيوني يلگة اجوابي ابحبك او ما يتغير
حبك أحضنه ابجفني جفني اويا حبك يسهر - دجلة او فرات آمالي تروي لي حلمي الأخضر
وعيوني كل ما ترمش كل ما محبتك تكثر - عاد إحسب اشچم مرة والناتج اشيتقرر
وإحسب ابعالم صدري چم نبضة ابگلبي - كل نبضة لاون تدري اتعبر عن حبي
دمي ابمحبتك يجري او خل يشهد ربي - فدوة إلك كل عمري يا راسم دربي
عمري فدوة - للي أهوى
ابعمري إشتريت اوصالك - بس لحظة تصفالي او أدنالك
لا تخيب اظنوني

حگه البدر بوجودك ما يظهر إلا خلافك - حين إلي تسهر حگه هالليل لو ما عافك
بدر او شمس واتلاگن و صار الوجه مضيافك - من وجهك او أنواره اتغار الشمس وتخافك
هالعالم ابكل حسنه إلهامه من ألطافك - للحسن تفصيلاته والمختصر بشفافك
حتى إلي ما يتغزل يتغزل ابأوصافك - الأخرس تنطق السانه يا المجتبي لو شافك
كل الذي يتأمل بعض امن آياتك - ابلا رادة لن يتغزل ويوصف ذاتك
ايحير اشيوصفه الأول يبدي ابقسماتك - لو يلي جفنك أكحل يبدي ابنظراتك
ابهالمحاسن - والمفاتن
حاير شگولن عنك - وأسهر ليالي او أشكي لحسنك
ذوبت اجفوني

معجم مضامين الحب ما يفتهم مضمونك - كل المعاني إحتارت يا سيدي بعيونك
أهمس لون أنظرهن هونك عليه هونك - سهم الرمش لو تدري صوب گلب مفتونك
وبهالعشگ لو گالوا قيسك أنا او مجنونك - سبعين قيس ابمثلي ما گدروا ايعشگونك
عاشگ أنا او هالوادم يدروني رهن اجفونك - خاف أحچي عنك وأحچي ايحسدوني ويحسدونك
خل كل حسود او لايم يتركني ابحالي - مهما يريد ايساوم ما أبيع الغالي
آنه ابإمامي هايم وأكتب آمالي - گلبي اعلى كل حب صايم هالحب اهلالي
يا إمامي - يا هيامي
أقسم ابإسمك أقسم - ماعوفك او عذالي ما يهم
خلي يلوموني

[مجنونة الشوق...]

الملا باسم الكربلائي من إصدار ريحانه ..

مولد النور
غمرتنه الأفراح يا مولد النور - صبح الأمل لاح والهادي مسرور

حان الوعد حان من بعد الأحلام - عند النبي اليوم من أحلى الأيام
يا زهرة الكون يا أم الأكرام - يا شمعة الخير في درب الإسلام
صوت الفرح صاح دين الله منصور

يا سيد الكون هالليلة بشراك - بالذروة الأملاك فرحانة وياك
ما ظلت اغيوم ومنورة دنياك - إلصبرك المعبود بالزهرة جازاك
للرحمة مصباح هاي أم البدور

كل شيعي فرحان وتعني الگلوب - هالليلة ميلاد غفران الذنوب
مفتوحة الأبواب للرايد ايتوب - اويا كتاب الحساب هالأجر مكتوب
والحفل فواح بأنواع العطور

يا شيعي مبروك إخذ الخبر هاك - ها بالك ايصير همك ابدنياك
فاطمة الزهرة لا تظن تنساك - بالحشر تنطيك اكتابك ابيمناك
والحزن ينزاح والذنب مغفور

كل عمل للخير عند الله مقبول - من تدعي ابإيمان كل همك ايزول
صادق أهل البيت يا المؤمن ايگول - إليرضي الزهراء بالرحمة مشمول
بالجنة ترتاح واتحفك الحور

[مجنونة الشوق...]

تزدهر
نور الله ابأعياده
للهادي واولاده
ولشيعتهم أعظم أجر

إليكم يالموالين المعنى
إليكم الله بالولاية هنَّى
إليكم كوثر اتشربون منه
إليكم امن الله العيدية جنة


عيدك امبارك
عيدك امبارك
مسعد ايامك
والفرح جارك


يا اموالي العترة
أيامك مزدهرة
باعياد البيها تبتهل
الله ابفضله زادك
ثلاثة أعيادك
كل سنة بيهم تحتفل
عيدين وثالثهم
يوم الغدير ابهم
يتكمَّل اعليك الفضل
وابكل سنة اتعيد
بـ 14 مولــــد
وافراحك بيهم تكتمل


في عيدك جدد أعيادك كلها
في عيدك روحك اتأمل فضلها
في عيدك باقة للآل ارسلها
في عيدك دنيتك ما في مثلها


عيدك امبارك
عيدك امبارك
مسعد ايامك
والفرح جارك

[مجنونة الشوق...]

باسم الكربلائي ..

محبتك يا حبيبي عبادة


محبتك يا حبيبي عبادة ولائك يا نبينا سعادة
إلك جينا بأمانينا تدلينا يا أبو العترة

حبيبي يا حبيب الله إجيتك وقلبي فرحان
محمد يا محمد
إلك هذا القلب أصبح ربابة ويعزف ألحان
محمد يا محمد
بشير الحب يبشرني بولادة سيد الأكوان
محمد يا محمد
وإجيتك أقطع رموشي وإلك أزرعهن الأغصان
محمد يا محمد

نحبك إحنه لا تظن عجيبة
قبلنا الباري رادك حبيبه
يا قدوتنه محبتنه مودتنا على الفطرة

إلك جينا بأمانينا تدلينا يا أبو العترة
محبتك يا حبيبي عبادة ولائك يا نبينا سعادة
إلك جينا بأمانينا تدلينا يا أبو العترة

عاجز بمولد ظهرت ومناقب تحمل آيات
محمد يا محمد
وليد بساعة المولد شعاعك سكن بالذات
محمد يا محمد
يا هادم كل ملك كسرى إلك جفت بحيرات
محمد يا محمد
يا من بحر الكرم جفك شكثر عندك كرامات
محمد يا محمد

يا من بيه لاذك أصبح عجايب
شكثر يا الهادي عندك مناقب

أمر ربك ورض حبك
يا من قلبك حفظ سره

إلك جينا بأمانينا تدلينا يا أبو العترة
محبتك يا حبيبي عبادة ولائك يا نبينا سعادة
إلك جينا بأمانينا تدلينا يا أبو العترة


قبل ما تنولد أسمك على ساقي العرش مكتوب
محمد يا محمد
لون جدك خليل الله الحبيب أنته يا محبوب
محمد يا محمد

زليخه هامت بيوسف جماله مالك قلوب
محمد يا محمد
إذا يوسف إجى وشافك أكيد بحبك يذوب
محمد يا محمد

ذليلي ع المحبة تودد حبيب الله وحبيبي محمد

نبع صافي العشق غافي على شفافي نثر سحره

إلك جينا بأمانينا تدلينا يا أبو العترة
محبتك يا حبيبي عبادة ولائك يا نبينا سعادة
إلك جينا بأمانينا تدلينا يا أبو العترة

عشق قيس وسحر ليلى يضربوهم بالأمثال
محمد يا محمد
عشقهم ذرة من عشقي ولا يبلغ المثقال
محمد يا محمد

تعال وأدخل بقلبي وتعال إسمع إشقال
محمد يا محمد

أني اللي صايم بشوقك وراقب وجهك هلال
محمد يا محمد

زكاتي صومي أنته وصلاتي
إلك روحي رخيصه وحياتي

العهد صنته ولا خنته الحبيب ته يا أبو الزهرة

إلك جينا بأمانينا تدلينا يا أبو العترة
محبتك يا حبيبي عبادة ولائك يا نبينا سعادة
إلك جينا بأمانينا تدلينا يا أبو العترة

على جناح الهوى العذري طرت وأشواقك جناح
محمد يا محمد
نثرت بعالم ظنوني إلك أزهار الأفراح
محمد يا محمد

إذا ليل الوقت عصعص أجوفك أنته مصباح
محمد يا محمد
إذا يذبل ورد عمري أشم عطرك الفواح
محمد يا محمد

مثل حب الخميلة لوردها
أحب سيرة حياتك وأودها

خمايلنا محافلنا وإيجيتلنا أعز بشرى

إلك جينا بأمانينا تدلينا يا أبو العترة
محبتك يا حبيبي عبادة ولائك يا نبينا سعادة
إلك جينا بأمانينا تدلينا يا أبو العترة

مثل ماكل نبي ومرسل بشا لأمته راح
محمد يا محمد
رسول الشوق بشرنا بفرح ليلة الميلاد
محمد يا محمد
لقينا العيد بالمولد يظاهي كل الأعياد
محمد يا محمد
حرزنا بمولدك طيبة وسعاده وعزة وأمجاد
محمد يا محمد

يا من باسمك تحقق مجدنا
نجم سعدك يغازل سعدنا

بفرح صرنا تبصرنا ظمايرنا إلك مسره

إلك جينا بأمانينا تدلينا يا أبو العترة
محبتك يا حبيبي عبادة ولائك يا نبينا سعادة
إلك جينا بأمانينا تدلينا يا أبو العترة

[مجنونة الشوق...]

قصيده من اصدار يا مولاي لصالح المؤمن
ياهدى التوحيد

أنا إلي عشقتك عشق ماتفهة الدنيا يابوالحسنين ... بيك أبتدى عمري أو صرت عاشق قبل لا أفتح الجفنين

أتئمل ابذاتك وأشوفك سيدي من بعيد ... أنتة الذي دونك بعد ماينفع التوحيد

ياهدى التوحيد

...

علي أنا إلي بيك انرسمت أيامي ... عشقتك وأرفعت فوق الشمس هامي

علي وانتة الصرت أيمان أسلامي ... صلاتي بلا ولائك شنهي وأصيامي

علي يالهفة المختار .. علي مبالغ أبشعار .. علي يامصدر إلهامي

هالچلمة أحچيها العبادة بلا علي شتفيد ... أنتة الذي دونك بعد ماينفع التوحيد

ياهدى التوحيد

...

يانسمات العشق ياأعذب أنفاسي ... كريم أو شوقة كسر نبلي وأشواقي

چذب لو قال قلبي أنساك مناسي ... حرير أخيوط حبك يزغل أحساسي

يكل مابية هايم بيك .. علي وشنو اليعز عليك .. فداك أنا وهلي وناسي

أتشهد بإسمك علي ويحيني هالترديد ... أنتة الذي دونك بعد ماينفع التوحيد

ياهدى التوحيد

...

تسهرني محبتك وبحبر ليلي ... على صفحات القمر أكتب موويلي

علي او لون تناشدني أعلى جبريلي ... ألف جبريل مو واحد اليوحيلي

غدت تتنزل الآيات .. صدى صوت الغرى الأبيات .. يجود لي ويغنيلي

أبياتي آياتي وأحسها أبكل نزول أتعيد ... أنتة الذي دونك بعد ماينفع التوحيد

ياهدى التوحيد

[مجنونة الشوق...]

قصيده من اصدار يا مولاي لصاالح المؤمن
قصيدة رااائعه
الليلة الليلة

الليلة محلاها .. بارينا زكاها

...

ترقص الدنيا فرح وبالهمسى فرحانة الليلة الليلة

والنجوم الزاهرة من هالفرح خجلانة الليلة الليلة

نور طه ويا خديجة اتناثرة إلوانة الليلة الليلة

الوجود أبهالعشق يعزف جميل إلحانة الليلة الليلة

...

شلون ليلة ابكل جلالة او كل قدس مضوية الليلة الليلة

تزدهي بيها خديجة بالفخر قدسية الليلة الليلة

مضرب الحشمة أبحسنها راضية أو مرضية الليلة الليلة

زهرة وبماي الطاهرة والفضل مروية الليلة الليلة

...

الليلة زفتها على خير البشر هنونها الليلة الليلة

الحور كلها عالنبي أبثوب الفخر زفوها الليلة الليلة

طيبة جنة طاهرة هذا المسى رشوها الليلة الليلة

شلون حنى من السمى أبچف القدس حنوها الليلة الليلة

...

من خديجة ناخذ الحشمة ومعاني العفة الليلة الليلة

قدوة تبقى للتريد الفوز يوم الوقفة الليلة الليلة

الله شرفها بمحمد يوم عقد إلالفة الليلة الليلة

كاملة ومكملة أو هم الرسول أتكشفة الليلة الليلة

...

قعدت أبكرسي الجلالة والحيى كاسيها الليلة الليلة

أو نور طه المصطفى من كل كتر يغشيها الليلة الليلة

العرش وأملاكة كلها حضرت أتهنيها الليلة الليلة

زفت النور الألهي الخالق أنسميها الليلة الليلة

...