عَـزفُ عَلـىً الآهَـآتْ

[عـازف الآهـات]

تدري وش اللي يذبح الرجال .. ويضيّق فضاه ..?
........................... لاجته طعنه .. من يمين اللي بنا حلمه عليه ..




وتدري وش اللي يكتم انفاسه .. ويلعن له ثواه ..?
........................... لاشاف موته بالعيون اللي تلونها ... وجيه ..




وش فيه أقسى من رجل و قته مع الحظ ابتلاه ..?!
........................... وش فيه أقسى من دموع الرجل لابلت يديه ..?!




لا انكسرت الهقوه وسال اللوم تحت اللي وطاه ..
........................... منهو يلوم اللي يلم اللوم ... في غالب نزيه ..




هذا هو اللي يكشف أوراقه .. ويبحث لك خفاه ..
........................... و يشرّع ابواب الكلام اللي من أول ما يبيه




تضيق فيه الأرض والأجواء ... وتغيّم سماه ..
........................... والعبره اللي واقفه من دون دربه .. وتحديه




يموت صوت .. وينثني حلم .. ويهد اللي بناه ..
........................... ويطيح من عينه كثير وكلهم منّه ... وفيه ..




هذا هو اللي يذبح الرجال ... ويضيّق فضاه ..
........................... لاجته طعنه .. من يمين اللي بنا حلمه عليه

[عـازف الآهـات]

ياشينها / لاضاع عمرك ورا حلم ..
....................... والعمر ضيعته .. وضيعت حلمك ..


ولاعاد تدري أنت في حلم أو علم ..
....................... لا الحلم طاولته ولازان ... علمك ..


تشكي من الدنيا والأقراب والظلم ..
....................... والضيق والمنفى وساعات ظلمك ..


حربٍ ضروس ولاتهيابها .. سلم ..
....................... دارت رحاها و انكسر فيك سلمك ..


والسيف ماعابه اذا بان به .. ثلم ..
....................... والا أنت موتك يافتى الجود ثلمك ..


لاتفتكر من ضيقتك تطلع بـ علم ..
....................... واحذر من انك تطلع بشين علمك ..


يامن حياتك عشتها حلم في حلم ..
....................... ليتك رفضت تعيش لو يوم حلمك ..

[عـازف الآهـات]

لآتحسـب إنك ( يوم تقفي ) أبرجيك
. . . . . . . . . . . ولآ تحسب إن ( الموت ) هـو يوم فرقاك

صحيح أحبك وأعشقك حيل وأغليك
. . . . . . . . . . . لكن : إذا قفيت ../ والله > لـ انّسآك

[عـازف الآهـات]

يآخي وينك ؟

واللي يرحم وآلدينك

كل حاجه في غيابك

والله تسأل عنك ( وينك ) ؟

[ الأمآني و الأغآني و الممرات الصغيره ]

من بعد ماغبت عني

إتقول لي : الله يعينك !

ياخي وينك ؟

[عـازف الآهـات]

والله كبرت بعيوني يا نظـر عينـي
يوم ٍنسيت الخطأ اللي صارمن زلـة
ومن كبر حجم الغلا مابينـك وبينـي
يصعب على عاذلي بالمكر ياصل لـه
مادام تسري غلاتـك فـي شرايينـي
كيف الغلا من صميم القلـب بيشلـه
دام أنت مثلي بماي العيـن شارينـي
خل الحقود الحسود يموت من غلـه
يكفيني انك على مـا بـي تراعينـي
وتنظر بعين الرضـى للخـل وتجلـه
وهذا الذي جابني لـك قبـل تأتينـي
ابغي مكـان ٍ خبرتـك فيـه وأدلـه
فيني ولع من على المقناص ناوينـي
والقلب سبقه من أقصى الجوف قد تله
محمي من الشوق كنه فرخ شاهينـي
صايد وراعيه دون الطعس حول لـه
ومن واهج ٍ دك صدري واشتعل فيني
القلب فـاح بغلاتـك فوحـة الدلـة
ومن يوم حطيت راحت يدْك بيدينـي
حسيت كني ملكـت الكـون ذا كلـه
وفي لحظة ٍ جات فيها عينك بعينـي
قلب العنى طاب مما فيه مـن علـة
مادام أنا أبغيك وأنت تقـول تبغينـي
خلني بغني لحن مغنـاي فـي شلـه
واخلي الناس تدعي لـك وتدعينـي
إني قتيل الهوى اللي مات فـي خلـه

[عـازف الآهـات]

من عيون الفقر / وأطرآف الحُطآم
. . . . . . . . . . كآن بآقي لي ( معزه ) > لـمنّي

شوفني في غيبتك مـآني تمآم !
. . . . . . . . . . كل حزن الكون بعـدك ضمنّي

ضقتّ ذرعاً في غيابك والسلآم
. . . . . . . . . . لعنبـوّ حيّـك غيآبك > سمنّي

[عـازف الآهـات]

,,

أثق بأنها هنا بين الزوار ترقب الجديد فهي وعدتني بذلك


تقُـــــوْل أتـَـــابـِـــع جِدِيــْــدَك مِنْ بِعِيـْـــد لْبِعِيـْـــد

واقُـــــوْل وِشْ قِيْمَــــة الحِضّــــــــار يَاغَـــــايْبَــه

الحِيـْــــن اشُوْفَـــــه مَـــعْ الزوّار تَقْــرَا الجِــدِيـْـد

لَيْتـَــــه تشــــــوْف العــــرُوْق اشْلــوْن هِي ذَايْبَه







/

[عـازف الآهـات]

.
.
.


(( عيونك وشلونها ؟؟ ))

ماشتاقت إلـ عيني ؟

تشوف..من دونها .!

وإلا .!؟ أغدرت فيني .!؟




........... .