عَـزفُ عَلـىً الآهَـآتْ

[عـازف الآهـات]

أيّ عيد ! وأيّ حب ! وأيّ شوق !
وأنت حتى متصل مابستني..!

[عـازف الآهـات]

لو مرّ عيد الحب وأنتي بعيدة
مامرّت أيامي بلا دمع وأشواق

الناس تهدي ورد بس الجديدة :
إنك بـ عيد الحب تهديني فراق ..!

[عـازف الآهـات]

اليوم أنا مكسور خاطر ومهموم
وأنتي بعد متضايقة ! وش نسوّي ؟

أنتي لقيتي حل وأعلنتي النوم
وأنا ماعرف أنام لاضاق جوّي ..!

[عـازف الآهـات]

هنا طفاية وعلبة سجاير واستكانة شاي
هنا جوال يشبهني كثير بوضعه الصامت

وهنا لك صورةَ خبيّتها من عام بين أشياي
إذا ماشفتها في كل ليل , العين مانامت ..!

[عـازف الآهـات]

أنا إذا ضاقت بي الأرض جيتك
لكن تضيق وتنفرج ماتحسيّن

يامتعّبتني عادي أتعب فديتك
أهمّ حاجة لاتغيبين تكفين

عيني أثبّتها عليك إن لقيتك
ماودّي أرمش خايف أرمش تغيبين ..!

[عـازف الآهـات]

حسّيت بالبــرد , مدري أشعل النار
أو أتصل بك تدفّيني بصوتك ..!

[عـازف الآهـات]

سكّر الباب لايدخل أحد
ودي أجلس معَ نفسي ثواني

وأفتح العين وأشوف البلد
هو بقى به حبيبً مانساني ؟

[عـازف الآهـات]

تستحي مني وأنا راسي عنيد
الحياء مالاق لي لو لاق لك

كل يوم تقول لي : وش هو الجديد ؟
الجديد إني بديت أشتاق لك

أنت من هاليوم ماعادك وحيد
ياتجي بشويش يا أنساق لك ..!