معا لمنع الردود السطحية ؟؟

[شمع الامل...]

السلام عليكم والرحمه
كيف حالكم جميعا عساكم بخيرات ان شاء الله

موضوعي اليوم معا لنمنع الردود السطحيه

انا بصراحه شفت كذا واحد من الاعضاء وليس الكل طبعا
يردون بمشكوور او يعطيك العافية
او يسلمووووووو فقط لا غير

طيب هو عادي ماقلنا شي بس حرااااام
الموضوع لو يحتاج منك نقاش
مايصير بس يعطيك العافية تسكت
مو تاعب اللي حاط الموضوع ويبي يشوف نتيجة على الاقل بالردود

يعني مثلا اتخيل تحط تصميمم
تبي رايهم فيه يقولن لك
يعطيك ربي الف عافية
يلا انت تستفيد شي

فياليت من الجميع يحسنون من الردود
ويطورون من نفسهم لانو ذلك يساعد كاتب الموضوع انو يكتب مواضيع
جديدة وراح تكون من نفسه مو منقوله بعد

وايضا يعطي دافع كبير للاعضاء اللي مايشاركون
انهم يشاركون لانو الردود تعجبهم
والردود صراحه اهم شي
سواء من المدير او المشرفين بشكل عااااام
او الاعضاء الموجودين بالمنتدا

فأتمنى من الكل يطور من ردوده ويخليها
عسل ياعسل انتو


وبانتظار ردودكم الحلوه على موضوعي
اتمنى انو افادكم
تحياااااااااتي لكم شمع الامل

[قطيفية...]

كلامك صحيح شموعه انا بعد احس ان الردود اللي مو سطحيه ترفع معنويات صاحب الموضوع و تحمسه لكتابة مواضيع اكثر و اكثر
يسعدني ان اكون اول من يرد على موضوعك الروووووعه لك شكري و امتناني تقبلي مروري

[شمع الامل...]

ياهلا بيك خيتو منوره
حياتو تسلمين على الرد اللي كله ذوق
يسلمووو يالغالية
واكيد يرفع المعنويات كثير
موفقة ان شاءا لله
تحياتي لك شموووووعه انا

[سيهاتي....]

ايه والله وانا معك في هذا الشي

من الطبيعي انه الواحد يرد برد لائق يعكس شخصيته

فأتمنى من الجميع ان ينتقوا الردود اللي تعجكس شخصيته

واول واحد انا

لاعدمنا عطاءك المميز

[شمع الامل...]

تسلم سيهاتي على الرد الجميل
والاكثر منرائع مرورك
اللي منورني دوما
ان شاءا لله الكل يستمع كلامك
ويطبقة تحياتي لك شاكره لك على المروور
شمع الامل

[مؤسسة كليم الحسين الفاطمية]

انا معك
وهناك موضوع ربما يحتاج صاحبه ساعه او اكثر لنقله وكتابته
وفي الاخير يأتي العضو المشارك
ويمكن ما قرأ الموضوع بعد
يجيب عليه بثلاث حروف
وهما
(اوك)
او
شكرا
يسلمو
احسنت

[شمع الامل...]

تسلم اخوي على المررررررور الجميل
صحيح والله كلامك اوك كان احرم اكتب بعد
ان شاء الله ربي يهديهم شوي
ويطورون في الردود
والف شكر لك على المرور الجميل والرائع
تحياتي لك شمع الامل

[احلام الفقير]

انا معك
بس بعض الاحيان مايعرف العضو شنو يكتب بكلمه صغيره يقدر يعبر عليها
مو ضروري انو يكتب واجد لنو يمكن يكتب عكس الي يبيه كاتب الموضوع
او من الي كتبه بطريقه مو صحيحه لن ومو عارف شنو يكتب
غلط وهوه يكون فاهم بس مو قادر يعبر فيعبر برد سطحي
اتمنى تتفهميني وشكرا ع الموضوع النايس