.. فندق موفنبيك برج هاجر مكة ..

[الوهيج الأخضر]

.. السلامـ عليكمـ ورحمة اللهـ وبركاتهـ ..

مسآء و صبآح الخير

هالتقرير تأخرت كثير بطرحه ولكن اعتقد الحين اجازة

ورمضان باذن الله قرّب بلغنا الله واياكم الشهر وجعلنا من صوامه

وقوامه و نسأله سبحانه ان يكتبنا فيه من العتقاء من النآر


في اجازة نصف العام الدراسي في شهر 2 هجري

سافرنا الى مكة لـ أدآء العمرة وجلسنا لمدة اسبوع



سكنّا في فندق موفنبيك برج هاجر مكة

سعر الغرفة في الليلة 700 ريال غير مطلة .. و .. المطلة بـ 750 ريال

لوبي الفندق في الدور الـ 11 مثل كل فنادق الأبراج وفندق الموفنبيك

مبناه خلفي حتى الغرف المطلة على الحرم الاطلالة فيها غير كآملة .

.. اترككم مع الصور ..

مدخل الفندق وعلى اليمين يوجد مستشفى






الممر المؤدي لـ المصاعد



الجلسات اللي في أخر الممر هذي مخصصة لـ موظف يقدم الشاي المغربي



من بعد صلاة العصر وحتى قبل صلاة المغرب كل يومي ومجاني طبعا

وعند المدخل يقدمون التمر والقهوة



نفس الممر من نهايته



مركز رجال الاعمال خدمة الانترنت متوفرة فيه واير لس مجاني
ولكن بالكيبل بالساعه اعتقد الساعه بـ 30 ريال غير متأكده
وفي الغرف غير متوفرة خدمة الانترنت حاليا



الجلسات الجانبية والانترنت متوفر فيها مجاني



المصاعد









الأدوار ديكورها مختلف حسب ادوار الملآك او الفندق

مصاعد الدور



الممر بين الغرف



بطاقات الغرف



الغرف فيها ميزة سلبية وايجابية لانها كلها كونكتد

مناسبة للعوائل لكن مزعجة اذا كان جيرانك معاهم اطفال



الغرف مقاساتها مختلفة خصوصا اللي فيها زوايا بتكون أكبر











المطبخ مافيه غير الثلاجة والكهرباء مفصولة عن المطبخ بأمر من الدفاع المدني

وحسب كلام الموظفين اذا احد رغب في تشغيلها بطلب من مدير الفندق





وكهدية من الفندق يعطونك سجادة عند المغادرة



يوميا يقدمون لك 2 ماء مع لوازم المشروبات الساخنة مجانا او عند الطلب



احلى شيء في جميع فنادق الابراج النقل المباشر بالصوت للاذان والصلوات من الحرم



دورة المياه











آخر يوم نزلت بوفيه الفطور بس لأجل أصوره لكم

البوفيه منوع و حلو يرضي جميع الأذواق لكن ماقدرت اصوره كامل

لان المكان ازدحم وصار صعب التصوير والناس موجودة

والبوفيه وقته من الساعه 6 الى 10 ونص






































هذا كان فطوري برتقال طبيعي



ومثل ما بدأت التقرير بصورة للحرم انهيه بصورة للحرم

الله لايحرم مسلم من زيارة بيت الله الحرام و يرزقنا عمرة في رمضان



اتمنى التقرير يفيدكم وتقضون اجازة سعيدة في أطهر بقاع الأرض

تقبل الله منا ومنكم صالح الأعمال

[سيهاتي....]

وااااااااااااااو من صجك الوهيك الاخضر انت اللي راحت

الليله 700ريال متأكد بييييييييه واااايد والله


التصوير خيال والفندق احلى

نساكم العمره شكله خخخخخخخ

[براءة...]

كووووووووووووول
مرة يجنن عدل عدل عدل

يسلمو

[الوهيج الأخضر]

السلام عليكم اخوي سيهاتي
تعرف يعني قريب للحرم وهذا الاسعار توها <<لانه الفندق جديد ماصار له 4 شهور
كم تدفع عشانة من تقديرك انت
مشكورة براءة على المرور

[سيهاتي....]

والله يستاااااااهل بصراحه هذا السعر

[الوهيج الأخضر]

بدون الفطور ب 600