![]() |
![]() |
![]() |
#1
|
|||
|
|||
الك مني سلام والف مرحب
شكثر مرت صداقة وشكثر مر حب وحك الي طبر بالسيف مرحب تظل انت صديق واخو اليه افكر بيك يا حبي ولا انام ولا غمض جفن عيني ولا نـام احب اكعد يمك ولا نــــام بعيد وشوفتك حسرة عليــة روحي من الهجر ملت وسالت عليه احباب لانشدت وسالت الف دمعه الجرت مني وسالت ولادمعه الجرت منهم عليه يلي طعم شفاك أحلى من السكر وكلبي من محبتك ذاب وسكر وعقلي ظل بس ألك ولغيرك سكر مجنون وبشوفتك يرد عقلي أليه أحبك حب ما ينكتب وصفه وقلبي عليكم مثل الذهب وأصفه عليمن يكتب الدكتور وصفه عيونك والشفايف صيدلية سبحان الخلق طولك وشفتك ولون الورد بخدودك وشفتك أذا مريت من كبالي وشفتك أتخربط ومدري شيصير بيه احبك من تصل ليه واصل ليك واكطع كلبي بفراكك وصل ليك احسك ركعة كل ساعة اصليك واصيح اللة واكبر حن علية تظل نجمه ياضي العين بسماي ويضل اسمك صديق العمر بسماي ما يروي العطش بجفاك بس ماي العطش ترويه من تسأل عليه حياتي عكب شخصك شلي بيه وجميع اعضاي صارت شلل بيه توديلي رسايل شلي بيه اريدن شوفتك والكعدة سويه ياهذا الراس ماضل شعر بيك والكلب مال وحن وشعربيك حرت شكتبلك قصائد وشعر بيك إذا حتى القلم يرجف بين ايدية احباب اللي نحبهم مارادونا جفونا وبجفاهم مردونا ولك صرت طوبه ويلعب بيها مردونا مدكـــــلي ياكولجي بعد يلحكك عليه كرهت بعشرتة كلمن طلع خوان اليخون يخون ليش يخون خوان اني وياك نبقة سوة خوان طبعك يا وفي تسأل علية نشدت الناس عنك وانت هينه وعلى فراكك تلفنه وانتهينه الكلب انت تعذبه وانت هينه ويضل اسمك حلو وغالي عليه اكت دمعي التريدة هسه اكت لك وتريد لساني يسكت؟ هالستكلك اذا متكول احبك؟ هسه اكتلك واكوم انوب اكتل روحي بدية ردت خده ابوسه جفل ماراد الغده حبه لعند احشاي مارد لون مصباح وانه البيه مارد اصير بحدمته بس يرحم اشويه دجاجه يا الحبيبه وانا ديج واروح لذاك الصوب وانا ديج ابوج طلب مهر دجاجه وانا ديج وبيضت من غصبن عليه .. سكر كاس الخمر من ضاك نفسك و اكو غيرك حلو بس ماكو نفسك اريدك ياحبيبي اتبوس نفسك بس ابداخلك تنويها الية هاك الكلب بيدك حيل طحنه أمس فوك النجوم واليوم طحنه شبدينه وبالعشك ياناس طحنه غشمه وكلوبنا تحب الأذيه يعاذل نار شوكَي هل تمسني إهديني الشوف حبي والتمسني بجه من مد يمينه والتمسني لكَاني نفس ما مش جسد بيه ردت خده ابوسه جفل ماراد الغده حبه لعند احشاي مارد لون مصباح وانه البيه مارد اصير بحدمته بس يرحم اشويه حبيبي الفرح شوفة بلكي راسي إعلة جرفك حتى يهدأ بلكي راسي لسويها إعلة مودك بالكراسي بلكي من أنفشخ تسأل علية بس انت احبنك واريدك دشوف اسمي بس باوع وريدك خذت كلبي وضميتة ورة ايدك الك للموت خذ كلبي هدية انا الصياد صادتني شبكتك دخيل الله شكثر حلوة شبكتك ادك عليك مشغولة شبكتك كتلك بالجذب بس رمش عليه أحبك من صغر عودي وسني ومن حبك سقط شعري وسني على حالي بچه شيعي وسني وثالثهم مسيحي يون عليه خاطلع من جفن عينك ورد بيك واشتم العطر منك ورد بيك صرت مثل القصيده انت ورد بيك وصرت انت النبض والروح بيه فراكك هدني ولا خله بيه ابد حيل وياهو اشكيله يكلي يستاهل والف حيل كلما تدوس على كلبي اكولن بعد حيل دوس وخلي الوجع يزداد بيه |
#2
|
|||
|
|||
حبيبي الشاي خادر بإستكآنة
و سلسل أرياقك عسل بستكآنة بعجل مرة بحياتي بستك انه حبيبي أنت و لا تسأل عليّه جروحي للشمس ياخلق شرهن و ليالي الضيم مآ يتحمل شرهن الك عمرك رهنته بعد شرهن ؟ اذا حته العمر ما ظل اليه |
#3
|
|||
|
|||
حلو إسمك وأبوك شلون سماك
حبيبيك لو زعل وياك سماك صرت سمچه وانت الصرت سماك لو طحت بحنانك إعطف عليه |
![]() |
مواقع النشر (المفضلة) |
الكلمات الدلالية (Tags) |
♥, أَبِوذِيَآَتِ |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
بطاقــ♥ـاتُ فلاشية ♥بمناسبةُ ♥مولد السيدة الزهراء عليها السلامـــٌ♥ | الانوار الزاهره | السويتش والفلاش SwishMax | 6 | 09-15-2013 04:37 AM |
♥♥♥ ♥♥♥. . . لماذا الطفل يقول ...اغه | السـ جرح عيوني ــهر•._.• | المواضيع العامة | 12 | 03-10-2013 06:43 PM |
♥♥♥ ... نفحات مهدوية .. سيدي بحبك عاش قلبي ... ♥♥♥ | دمعة الحجة | صَدىَ أحزان آلَ الَبيَت "ع" | 4 | 07-11-2012 06:05 AM |
الاحتفــ♥ــالاتُ ♥ب♥مولد السيدة الزهراء عليها السلامـــٌ♥ محدثــ | الانوار الزاهره | أخبار الرواديد والتغطيات واعلانات الحسينيات والمساجد | 5 | 05-24-2011 05:25 AM |