 |
 |
 |
|
|
|
|
|
|
|||||||
| قصائدَ الرواديد المكتَوبة يحتوى على قصائد الرواديد التي انشدت |
 |
|
|
أدوات الموضوع |
|
#1
11-10-2013, 03:55 PM
|
||||
|
||||
|
شاعر/سعد محسن جايان
أنين المصاب تعال اسمع بجي عيالك ونزف دمعي عله اوصالك *********************** كلت باجر يمر طيفك وشوفنك يبن امــــي يمر ليلي واّنه الوحدي الحزن والهم صفن يمي تعال امسح دمع عيني يمن جيتك شفه الهمي عليك اقسم يبو السجاد بدمه المحسن وضلع امي تعال امروعه اطفالك تريد اتشاهد اخيالك ********************** بخرابه موسطه العدوان ولاهاشم سوى السجاد عليل ودمعه هم يجري وتزجره شما حجه الاوغاد ورقيه بالاسر ماتت حزينه من كثر البـــــــــــــعاد ويزيد الصَّدر احكامه علينه بكل حقد وعنـــــــــاد ظلام ادركنه بنوارك علينه طالت اخبارك ********************* ابطشت خويه انوضع راسك وعلينه تضرب جفوف ايزيد ويبجيني لواك اليوم عليه تظهر دماء الــــــــــــــــــــحيد سبايا احنه بلاد الشام صفه العاشر عليـــــــــــــــهم عيد يسبّون الوصي حيدر وابونه الثبت التــــــــــــــــــــــ وحيد حزينه اموحشه اديارك يخويه ارجع من اسفارك ******************** لون رايد يخويه الماي تطك كل عين لك زمـــــزم ولون تطلب دوه الجرحك اكص شرياني الك مرهم شفت عينك تصد ليه بعد ما راسك اتـــــــــــــكلم نحيب اختك عليك ايطول الك بكليبي ظل مأتم بتربتك شفنه اسرارك عليهه اتصلي زوارك ******************* الشاعر الحسيني سعد محسن جايان الجمعه 28/10/2011 أحزان القاسم الحسن ثبت بالوصية يبني لأترحم أميه ************************ طلع جاسم والوجه مثل الكمر والعيون من الغضب صارن حمر لأجل عمه وغربته يفدي العمر الشجاعة أوسامهم ولهم سجيه ************************* رجف حتى الكون من طب للنزال تنطره امن بعيد وتهابه الرجال عرف بنفسه وجاوب بالسؤال أنا محبوب الحسن سيد البرية ************************ حصد روس الكوم راعي المر جله من سطوته الشمر خاف وحرمله بالجثث والدم غطه كربله وشرب العدوان كاسات المنيه *********************** ورث هذا الزود من جده علي جده ابوالحسنين مولانه الولي نزله الباري باشرف منزلي صولته بالطف صوله حيدريه ********************* دمه بالميدان أصبح حنته والمثل هليوم أمه جابته للجنان الحيد صارت زفته رمله تبجي عليه بهموم وآذيه ********************* عاشق القاسم سعد محسن جايان الحسيني المشايه يزوار السبط اقسم عليكم توصلوله سلامي وي مشيكم لابن الوصي الكرار قسيم الجنه والنار بحرمه فاطمه وجده نبيكم &&&&&&&&&&&& ابشر بالسعد يلزاير حسين ذنبك ينمحي وتلكه المسرات اقصد تربته وشوف البراهين من تنخه السبط ماتبقى حاجات حبهم بالحشريملي الموازين واضحى للملى نص واشارات اصعب مشكله يكضيهه الحسين ربك فضله بهاي الكراما ت ذكرو طلبتي برفعت اديكم يزوار السبط اقسم عليكم &&&&&&&&&&&&& ثوره من العشك فجرهه بأسمه وعمت هالكلب كبل الميادين رسمته اعله الجرح والآمي بسمه وشلته اعله الصدر مثل النياشين همه اهل العبا والعدد خمسه ومن عدهم ظهر تسعه سلاطين أضحى للشمس والثرى جسمه وجاد ابهل النفس في نصره الدين دمعي وخافقي يترجهبيكم يزوار السبط اقسم عليكم &&&&&&&&&&&&&&& منك ياسبط ناخذ تعاليم موبس المشي وطول المسا فه أخلاق وصبر دين ومفاهيم ونسجد للاله طاعه ومخافه الناس اتعنتك من الاقاليم نور واصبحت مركز ثقافه انجسد ثورتك شعر وترانيم وبس الحضرتك تحله الخلافه وصلوا محبتي الحضرة وليكم يزوار السبط اقسم عليكم &&&&&&&&&&&& روحي تنتمي ليكم يالبرار خطي جعفري والاصل حيدر تنزل دمعتي وامزجها بشعار جمره تحولت بعيوني تسعر امشبك بالحزن والقلب محتار ادعي للولي يايوم يظهر يوصل كربله وينادي بثأر هوالمرتجى وبسيفه يكدر انا ومهجتي فدوه المشيكم يزوار السبط اقسم عليكم &&&&&&&&&&&&& خادم الامام الحسين سعد محسن جايان موبايل /07808157846البصره ثوره المختار (رض) لبس أجفانه ونزل للمعركة بطل مغوار السماء أتباركه !!!!!!!!!!!!!!!!!! هذا ابواسحاق اتقن فن الحرب بقلب مصعب ادخل انواع الرعب طبر وبسيف وبده يضرب ضرب نزل للحومه مثل نار الشهب لامهلب لاسهام التــــــــربكه بدد ابعزمه الجيوش المشركه !!!!!!!!!!!!!!!!!!!!!! أسد مقدام وطلب ثار الحسين فرح السجاد في بضعه سنين ثوره الإيمان نور أعله الجبين تنطفي هيهات فد يوم وتلين صبح عار أعله الألوف ألتركته نقضت البيعة بصلافه وخانته !!!!!!!!!!!!!!!!!!!!!! قاده بيهم تقتدي عرب وعجم ابن كامل ثم كيسان الشهم وابن الاشتر احمر وسائب فهم رفعوا علام المبادي والقيم مقتل المظلوم نار وجوته لكن التمار رجع بسمته !!!!!!!!!!!!!!!!!!!!! جلس يوم أصباه في حجر الولي وعلى رأسه بطيب مرجفة علي بعث بيه الحب والرأي الجلي ونادى بالمحراب أرجو مقتلي امتطى دلدل والنبال أمشابكه والدمه بجفه الحديدي يسفكه !!!!!!!!!!!!!!!!!!!!!!! (كلنا راحلون ولكن لكل منا عاقبه فسآلو الله حسن العاقبة ورحم الله المختار وأصحابه) خادم لكل ثائر لدم الإمام الحسين المظلوم الشاعر سعد محسن جايان نعي/زينب ودفن الرؤؤس صب عله الكبر مايك يدفان ابن امي انذبح بالحومه عطشان بلكي الماي من ينزل يرويه ويبرد دليله الوجر بنـــــــــيران ولاتلمس ضلوعه بيدك وتاذيه اضلوعه للحوافر هالغدت ميدان مطروح الجسد والشمس تحرك بيه ومذبوح النحر متوسد التربان مبتور الصبع والكوم تسلب بيه ماحفضو وصيه سيد الاكوان ومجان السهم ياعين التصد ليه حفر قلب الزجي وحوله نهران واّثار الطعن والنبل عاليه يهز حتى الصخر ويحرك الوجدان ورضيعه اعله الصدر راده يخليه يطب بيه الحشر ويقابل الرحمن ومن عند النحر بالدم يناغيه ويبشره بظهور السيد السلطان ابو صالح يروح الكربله ندريه ويسلم اعله جده بدمعه الولهان يستلم الطفل ويرفعه بين اديه مظلوم الرضيع بنبله العدوان ينادي والملاتتوافد عليه رضيعه بيا ذانب ينذبح عطشان يتقدم جيوشه والوحي يماشيه ويزلزل عروش الكفر والطغيان وعرج عالنهر بالله يدفان من عندي الغضنفر مستحي وخجلان اريد ابجي اعله جافلني وحاجيه واشكيله بدموعي طبت الديوان الشاعر الحُسيني وخادم الحوراء سعدمحسن جايان نشامى خايف عليهه اختي سبيه تروح خايف عليهه خايف عليه بنتي وسط هالكوم يكثر بيجيه ************** ياخويه ياعباس انا التريدَ الناس هاي الحرم واطفال ابسدك يراعي الباس دمي الدريده الكوم وصدري بظلم ينداس اعليهم ياخويه ذود من تهجم الارجاس وبعد ارويهه من العطش ياخويه اطفالي رويهه ************* اختاض الفحل عباس وناده يخويه حسين منهو الذي يكدر يمسك ينور العــــــــين انا اعتني للكوم وافديلك الجفــــــــــــــين بعيني لجيب الماي رغما على الباغين اطفالي ارويهه واختي يبعد العين بروحي احميهه *************** صاح بحماس حسين والله وسبعه انعام منك يبو الكلفات زينب بمان تنــــــــــام حيدر علي وصاك لو جارت الايـــــــــام بسيفك اخذ واحصد في زمره الظـــــلام الجثث خليهه تملي ضفاف الشط الجثث خليهه ************* بهمه نهض عباس وحزنه انجلى وانزاح من سمع حجي حسين طاب وشفت الجراح نوره بزغ بالطفت مثل الشمس وضاح وترجف بقت هالكوم من الاسد لو صاح اليوم اغطيهه هاي الجثث بالدم اليوم اغطيهه ************** الشاعر الحُسيني سعد محسن جايان 21/10/2011م الجمعه وفاء العباس (ع) هذه القصيده على طور يرسمك بكائي لمله باسم هذي دمائي تحكي وفائي ابقى فدائي حبيبي حسين يخويه الموت بسهامه خذاني بعيد وعليك اتحوم ياخويه ذئاب البيد تمنيت النفس بيه وترد لي الأيد لرد عنك يخويه كل حشود أيزيد هذا ولائي كفي ولوائي أبقى فدائي حبيبي حسين ********************* يخويه الماي هليجري وتظل عطشان وأحس جبدك يخويه يسعر بنيران أحاول انهض بسيفي لجن حيران جفوفي مباعدة عني بغدر عدوان هاك ندائي يملأ فضائي أبقى فدائي حبيبي حسين *********************** يخوي حسين أوصيك بحفظ أختي لأن يحسين طلعت زينب بذمتي يخويه خايف اعليهه بعد موتي طريح عالنهر خويه اشعمل وكتي عزائك عزائي في صبحي ومسائي ابقى فدائي حبيبي حسين يخويه حسين أوصيك بحفظ أختي لاانـــــــــصار يمهم لا ولا خوتك يخويه سالم ويمهم تظل ريتك يمن الأملاك ناحت من اثر صوتك عليك بكائي من عيني ودمائي أبقى فدائي حبيبي حسين ********************** خادم الإمام الحسين سعد محسن جايان سفينه النجاة تربتك نسجد عليها بصلاه لان دمك طاهر وأسمك علم يلي رخصت العمر لجل الاله وصحت هيهات بوجه كل الظلم ************************* نهر يامولاي دمك من جرى والجسد مطروح ظلم علثرى وجدك المختار بمصابك درى وبكلب كل شيعي يسعر هالألم ************************ كل دعاء مقبول داخل كبته والتسع أنوار ولده وعترته وبالحشر ياربي نطلب وكفته ومنبع الاحسان هو والحلم ************************** كل سنه يحسين تزحف شيعتك وبالدموع اتسيل موج بحضرتك مانهاب الموت نمشي ابهيبتك تنزف الاوراق من يحجي القلم ************************ حبك بدمي ويسري بالوريد ارفض الانذال والعن بيزيد ومن يفجروني اخضر من جديد ياسفينه ومن صعد فاز وسلم ************************** والله ماننساك ولاخر عمر وباالطبك مولاي نتحول جمر يخسئ كل ايزيد ويخسئ كل شمر خالده ذكراك ياطيب الكلم ************************ الى الشاعر المبدع سعد محسن جايان الحسيني زياره الاربعين اربعينك ياحسين اربعينك ياحسين اربعينك ياحسين **************** هاي الافواج اتسابك تهتف بحزن وانين من عراقك تمشي هيه من بلاد المسلمين وحتى اديان وطوائف تزحف بدرب اليقين انت نبراس الكرامه وانت نور الخافقين شبهونه بافعى سوده تزحف والهه رنين نمشي والعالم يصور هذا حبنه للحسين نمشي ومتهمنه النواصب ويمشي ويانه الجنين ننهض بعزم واراده كل عمرنه والسنين يوصلك حتى المريض ويهمل دموع الحنين ياسماء اليوم شهدي وياارض لاتنكرين من حدودالبصره للطف بالسواد محزمين احنه مانخشه الاعادي وعالذبح امعودين كل عروش الدنيه تهتز والملأيصرخ حسين عالعهد تبقه الجموع وماتغيرها السنين تحيي بأخلاص الشعائر وعن طريقك ماتلين شلون حال الحره زينب من رجع راس الحسين واّه يادمع اليتامى لهف نفسي بلامعين جينه نتلكه الرؤؤس انواسي زين العابدين بالولاء المطلق احنه نرفع اعلام الحسين وباليقين الصادق احنه نكصد الكبرالحسين سيدي اشما نعمل احنه نبقه دوم امقصرين ********************** الشاعر الحُسيني سعد محسن جايان دموع الأكبر(ع) ظلت الأجساد تدمي علثره والعدة المن الخوف ضنوحيدره ************************* علي شبل أحسين وأشبه بالرسول برز للحومه ابن فحل الفحول مايهاب الموت عالكثره يصول وبكر بالميدان جثته اموذره ************************* علي بالميدان فرقهه الحشود ولأجل دين الله مولانه يذود فنه قاده وجيش ليزيد الدود ياعزم عباس سبع الكنطرنه *********************** تفتخر هاشم لان منهم علي ابجفه يكضي الكوم الهم ينجلي وسيفه مثل النار يغليهم غلي هوه رفعه رأس وزود ومفخره ********************** علي ياسلواي ناداك الحسين شلي بدنياي ولموتك يحين ردت يبني دوم أعوام وسنين روحي هسه عليك حيل مكدره *********************** إنا كبل الشمس يوليدي أغيب الحك بعباس وأصحابي وحبيب وتبقى هلعيله بدموع ونحيب الأجل ياسلواي ربك قدره ********************** ليله يم الباب تسمع هالكلام وبكلب مكسور تنظر للإمام تدري قصده حسين معنى الحمام وابدمه الأكبر ليله معفره ************************ خادم نقرتين لعرض الصورة في صفحة مستقلة الشـــــــــاعر سعد محسن جايان الحسيني خادم الحسين اذا رتم تنعتوني عبد لحسين سموني عزه وهم فخر ليه وفوز بكل معانيه &&&&&&&&& اظل خادم لبوا لعتره واطش عمري فده لعمره القصيده بكل حرف عبره بحزن اكتبه في ذكره دمه تبجيله اعيوني عبد لحسين وصفوني &&&&&&&&&&& ا نه الخادم كتبت أشعار أدون هموم ضنه الكرار دمع عيني جرى انهار يوم الطف جواني بنار حبه أصبح جنوني عبد لحسين تدروني &&&&&&&&&& انا الخادم واظل لدوم ارثي واندب المظلوم وزينب انعى وكلثوم وعباس الوكع مهضوم حسيني يل تسألوني عبد ياناس نادوني &&&&&&&&&&&&&&& انا الخادم نلت الجاه عبد حسين بعد الله ياربي انحشر وياه في الجنه التي مثواه افرح من تلقبوني خادم يل تنشدوني &&&&&&&&&&&& للشاعر الحسيني سعد محسن جايان أحزان القاسم الحسن ثبت بالوصية يبني لأترحم أميه ************************ طلع جاسم والوجه مثل الكمر والعيون من الغضب صارن حمر لأجل عمه وغربته يفدي العمر الشجاعة أوسامهم ولهم سجيه ************************* رجف حتى الكون من طب للنزال تنطره امن بعيد وتهابه الرجال عرف بنفسه وجاوب بالسؤال أنا محبوب الحسن سيد البرية ************************ حصد روس الكوم راعي المر جله من سطوته الشمر خاف وحرمله بالجثث والدم غطه كربله وشرب العدوان كاسات المنيه *********************** ورث هذا الزود من جده علي جده ابوالحسنين مولانه الولي نزله الباري باشرف منزلي صولته بالطف صوله حيدريه ********************* دمه بالميدان أصبح حنته والمثل هليوم أمه جابته للجنان الحيد صارت زفته رمله تبجي عليه بهموم وآذيه ********************* عاشق القاسم سعد محسن جايان الحسيني عذراً للاخطاء المطبعية عظم الله اجونا واجوركم ونسألكم الدعاء 
|
|
#4
11-13-2013, 01:51 AM
|
|||
|
|||
|
جعله الله في ميزان حسناتك
|
|
| مواقع النشر (المفضلة) |
| الكلمات الدلالية (Tags) |
| مجموعة, لشعراء, حسينيه, قصائد |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مجموعة قصائد للمجموعه رواديد العراق المبدعين 2013روووعه | عباس البصري | صَدىَ أَفرَاحَ آلَ الَبيَت "ع" | 25 | 09-11-2013 07:23 PM |
| مجموعة قصائد لذكره وفاة السيده زينب ع 2013 | عباس البصري | صَدىَ أحزان آلَ الَبيَت "ع" | 2 | 05-22-2013 10:18 PM |
| مجموعة قصائد للرادود المبدع احمد الشمري 2012 | سيهاتي. | صَدىَ أحزان آلَ الَبيَت "ع" | 18 | 02-23-2013 03:25 AM |
| مجموعة قصائد للرادود ,, همام الخفاجي ,, | ولد آل مسبح | صَدىَ أَفرَاحَ آلَ الَبيَت "ع" | 15 | 02-16-2012 02:37 PM |
مجموعة قصائد حسينيه لشعراء
