عَـزفُ عَلـىً الآهَـآتْ

[عـازف الآهـات]

ماهو طرب يوم اعزف العود يا بنـت
......................... ولاهو غلا مغنـاي لوشلـت عرضـه

هذا وانا من جـرح غيـري تكونـت
......................... وشلون ابطلب من عزى الغير قرضـه

جيتك اسلي مسمعـي ليـن مالنـت
......................... كلي وبعضي واكثـر الحـزن فرضـه

غنيت جرحي والوفاء مـات واعلنـت
......................... وطير السعاده ما عرف وجهـة ارضه

ولو لا الوفاء اللي في عيونـك تزينـت
......................... مالي ومـال الفـن طولـه وعرضـه

بك تفتخر كـل القصايـد وهيجنـت
......................... والشعر لجلـك زان نظمـه وقرضـه

هـذا وفـاي وبالغـلا مـا تهاونـت
......................... ولجل الغلا شلت اعذب الشعر عرضه

[عـازف الآهـات]

للعيد فرحه / وابتسامه / واجواء !
.......................... لو عاشها المنفي / بكت ذكرياته !






تبكي على الجهرا / واهلها / وتيماء !
.......................... وامه وابوه وما مضى من حياته !






واصحاب / منهم مابقى غير الأسماء !
.......................... والصاحب اللي كنت كل أمنياته !







للعيد صوتٍ في خفوقي له اصداء !
.......................... الصوت غربه / والصدا ياشقاته !






ياصاحبي !






ياصاحبي واشياء تُذكرك / واشياء !
.......................... الوقت يحجب ذكرها من رداته !






ماهيب [ مرثيه ] ولاهيب [ إهـداء ] !
.......................... ولاهي بمرار الوقت / والا حلاته !






للعيد حسره في خفوقي / واجواء !
.......................... عايدبها [ المنفي ] ألم ذكرياته !

[عـازف الآهـات]

...
اسمع كلام اللي يعزك ويغليك//وافهم وش المقصود في كل الاحوال
هذي نصيحه قلتها بين اياديك//وهذا كلام الحق مع ناس عقال
اللي يسوي الخير وان كان يعنيك//قصده شريف وخاطره واسع البال
في ساعه الضيقات لابد ويجيك//وياخذ من هموم الزمن كل الاهوال
احرص على شرواه ربي يعافيك//وابذل على شانه ولو زدت بالمال
هذا صديق الامس قد غاب طاريك//قليل شكله غير عن كل الاشكال
ليا زمانٍ فات وش لو نبغيك//راح الزمان اللي عليه اشكي الحال
اما الزمن هذا ترى عكس ماضيك//هذا زمان الكذب والغدر وهبال
خل الردي جعله يروح بتهاليك//ماودك انه لابسٍ ثوب رجال
قل السنع والظلم مافيه تشكيك//والحسد والنمّه وصده ولااقبال
والمشكله لاصار يعني حواليك//ماينصح مره وقفل بالاقفال
اطلب رضا ربك وربي يجازيك//وخل الدعاء قدمك وكبّر ولاتبال
هذي نصيحه قلتها بين اياديك//وترى الحظيظ اللي فهم كل ماقال

[عـازف الآهـات]

يابوي وش بك للعرب تشكي الويـل

جور الزمن يابوي مافيـه حيلـه ..

كنتـم وكنّـا يايبـه نعشـق الليـل

وغير القصايـد بالهـوا مانشيلـه ..

ادلالنا عشق .. وولهنـا لهـا هيـل

ويفوح من جمر البطا ريح هيلـه ..

واليوم واعـزي لحـال المواصيـل

تشكي البطا وابكيه انا كـل ليلـه ..

ماكنت احسب ان الغلا لـه مداهيـل

ولاكنت احسب إن المشاعر ثقيلـه ..

يابوي ولدك عمره يعيشـه بميـل

تسعة عشرعامـاً ولاهـي قليلـه ..

مابين مرّ الفقـد لاقصـى البهااذيـل

ورضيتْ به يابـوي والله وكيلـه ..

واللي ينسّينـي عنـاا هـدة الحيـل

شوف الوليف اللي عنايـه يزيلـه ..

ادري به اليا ابطا يشـبّ المهازيـل

وتوي دريت الروح وش به عليله ..

ياجعل يومي قبـل يومـه واذا قيـل

من خوفي اني افقـده مـا اجي لـه ..

دمـع بعيونـي لا تخيلتـه يسـيـل

أحس كنّـي مـن خياالـي قتيلـه ..

وارجـع وكنّـي بالعزا والغرابـيـل

وادعي عسى يومي ليومه عديلـه ..

وجعل السحاب اللي معه يدرج السيل

يم الحفر ورمااح يـدرج بسيلـه ..

ويآآقف على دار الولايـف مخاييـل

ويمطر على قبرٍ علي في شليلـه ..

ومن زود مايمطرعلى أمي هماليـل

ادعي عسى يارب دآآآآآآآآيم هميله ..

[عـازف الآهـات]

شفني أعيش وميّتٍ فيني الحس
. . . . . . . لآ صوت لآ نبرة ولآ كنّي إنسآن
في مظهري شخصٍ يعآني من المس
. . . . . . وفي دآخلي شآدت لعلآتي أوطآن
أبدّل أفرآحي بالأترآح وألبس
. . . . . . . متذريٍّ دوني عن النآس بيبآن
لآ حآنيٍ يرفق ولآ عآطف يحس
. . . . . . . ولآ عآد به غير الهمآليل خلآن
تعلّني وليآ أقبل الليل وأدمس
. . . . . . جرّيت من جوفي تنآهيت ندمآن
شآنه زمآنه يوم كشّر وعبّس
. . . . . واستوطن بخآفيه لوعآت الأحزآن
أجآذب الونة ليآ الرّيح نسنس
. . . . . . صبٍ دموعي كنّه مزون هتآن
كن الغلآ سمٍّ بالأضلآع مندس
. . . . . . . لآ فآد به كيٍّ ولآ طبّ فهمآن
شفقآن خلّي يوم خلّي تونّس
. . . . . . . عنّي بعيد وخلّه اليوم شفقآن
ومْن المجآفآ صرت حيٍّ بلآ حس
. . . . . . لآ صوت لآ نبرة ولآ كنّي إنسآن

[عـازف الآهـات]

ياقلب لاتعشق من اليـوم خـلان
ماعاد فالخـلان خيـرٍ وخيـره
بدل حبيبك باقرب الوقت يافـلان
ماينجبـر كسـرٍ بليـا جبيـره
طعنتني بالغـدر والظلـم عنـوان
وصدمتني وجروح قلبي خطيـره
ياقلب خله يبتعـد قـدر الامكـان
لايمكن ارجع واعشقه شفت غيره
هذا سبب فعلك ولاتقـول نكـران
اخلصت في حبٍ توفـى مصيـره
اقطف ورود الحزن في كل بستان
فقدت طيب الورد مـدري عبيـره
ماني على بعض السواليف شفقان
بعت الوفي اللي مابـاح السريـره
ذبحت روح الحب واصبحت خوان
وغرتني الذكرى ونفسي غريـره
لاتفكر ان الزين في هيئة انسـان
الزين في روح البشـر يابصيـره
ارحل وفارق واترك القلب عطشان
يضمى بشاطي الحب ويموت طيـره

[عـازف الآهـات]

شف دمعة الشوق لآمن جآك يشكي لك
. . . . . . . . لآ تنهره وأنت كل النآس بعيونه
مآ يمسح الدمع كود أطرآف منديلك
. . . . . . . ولآ يسعد القلب غير اللي يوآسونه
رْضآك غآية فؤآدٍ بآت يبكي لك
. . . . . . . . يبكي حبيبٍ غشآه الهم من دونه
ألملم الجرح وأرحل عن تفآصيلك
. . . . . . . وأثآري الدرب منك وفيك مضمونه
أخلي النآس بين النآس وآجي لك
. . . . . . . . وأصآرع اليآس لو بالقلب مكنونه
مآدآم مآلي غنآةٍ عن موآصيلك
. . . . . . . لآ تنهر الشوق وأنت النآس بعيونه

[عـازف الآهـات]