عَـزفُ عَلـىً الآهَـآتْ

[عـازف الآهـات]

الصور والرسايل والغلا والجروح
وألف كلمة من شفاهك على مسمعي

ذكرياتك تلاحقني وأنا وين أروح
وين مارحت فالدنيا أحسّك معي

[عـازف الآهـات]

خايف أكون بحياتك مثل جوالك
لامرّ شهرين ترمينه لأجل ثاني ..!

[عـازف الآهـات]

يامصدر الحب والإحساس دبّر لي
فرحة لقاء لو سلف بأسكّت دموعي ..!

[عـازف الآهـات]

تطيح نجمة وباقي فالسماء نجمة
ويغيب صوتك ويبقى طيفك بعيني

صدمة غيابك ترى ماعدّها صدمة
منت أول اللي يغيب وطعنته فيني ..!

ماهمّني لو تروح وتاخذ البسمة
خذ مني الصدق حتى لو تبكّيني :

الدمعة اللي تسيل تسيل محتشمة
تنزل من العين بس تطيح فـ يديني ..!

[عـازف الآهـات]

تخيّلي
البارحة فالحلم شفتك مو معي

حاولت أبتكلم
بكيت

حاولت أخليك
وبكيت

حاولت ماأبكي
بكيت


ماأقدر أتخيل أعيش بدون :
صوتك
ضحكتك
كلمة حبيبي
غيرتك
حتى زعلك من أتفه الأشياء ..!
رسايلك

تخيلي
حتى وأنا أحلم بإنك مو معي

تخنقني العبرة وأبكي

وشلون لو تطلع حقيقة ..!

تخيلي
يمكن أموت ..!

[عـازف الآهـات]

لاجيت تعشق شخص شف ويش ماضيه
وإن كان قد حبّ , اسأله : ليه فارقت ؟

حاول تعرف أي شي عنّك مخبّيه
لاتنصدم في غيبته لاتضايقت

لاتعشقه نزوة وإذا راح تبكيه
ماعاد ينفعك الندم لاتعلقت

الحب يبغى وقت لاجيت تبنيه
حتى أجمل الأبيات تاخذ لها وقت ..!

[عـازف الآهـات]

علّم اللي معاك يبوس يدّه
ويحمد الله على إنك في حياته

دام مثلك يراعيه ويودّه
وش بقى له من أعظم امنياته ؟

[عـازف الآهـات]

لاتحسب إني نسيتك ماتذكرتك
شفني موقّف على الأطلال وأتذكّر :

جرحك , خيانتك , تقصيرك , مكابرتك
أذكر هداياك هذي وأقعد أتشكّر