هل كل فتاة تكلم شابا تسمى قليلة ادب؟؟

[أميرة الجنة]

عيب

تكلم رجال

مثل شيخ او شي عادي

لأنها تستفسر عن أشياء

ما فيها شي

صداقة

ما في بنات ؟؟؟
ما يصير


اما اذا طولتها

استغفر الله

قلة ادب

[سمو البرـآءه...]

طيب إذا البنت فتحت مجال لنفسها انها تزامل شـآب ..
وش بـآقي . . . ؟

مجتمعنا رايح بداهيه على كذاا . .


أنا أحس انها تبتعد عن سبيل الشبهه نهائيــاً ,,
وبنظري كل بنت تكلم شاب قليله أدب .. ^^ تفكير سسطحي مرره .. عـآرفه بس إحنا كذا تربينا =$


>> طبعا لا يخلو الأمر من الطلبات و الحوارات ويمكن نقاشات .. بس مانقدر نقول عليها زماله ..

=) ..

[إيليا]

بسمه تعالى

عن نفسي اتكلم

هذا الموضوع يخص اي فئه اقصد اي منطقه

تقصدون القطيف او الكويت او البحرين او دوله من دول الخليج او خارج الشرق الاوسط



++++++++++++

المهم بالنسبه للقطيف

عادات وتقاليد لا تسمح بذلك ويسمى به شرف والى اخرهـ
=====
اي لا تتوقعون ان مافي بنات مايكلموا شباب او العكس

++++++++

البحرين << دول الخليج بشكل عام

يدرسوا البنات مع الشباب في الجامعه اي لا مانع بتكون علاقه مع بعض

اي في حدود الصداقه فقط لا غير

ما اقصد طلعات وجيات وروحات واتصالات ومسنجر وفيس بوك والخ ... وتويتر ومادري وش بعد فيهـ

المعنى في حدود المعرفه والعلم لا غير


++++++++++++

نعوووود للقطيف وواللي تسمى ((( الخط )))



لا علاقه مع شاب ولا فتاه الا بها حرام

الا من خاف الله

والقليل من يخاف الله في هذه الايام





_____ ------
والله ولي التوفيق


خادكم

bigger

[ملامح طفله]

لفت انتباهي موضوعك واشكرك صراااحه
في زمنا هذا مستحيل بنت ماتكلم ولد سوا كان زماله او صداقه او حب ..
بس احنا مجتمعنا مايرحم البنت اللي عندها علاقات حتى لو الشاب والبنت نيتهم طيبه وتعرفون القال والقيل بين الناس مايرحم.. غصب يطلعون البنت انها قليلة أدب .. الله يستر على الجميع
انا لا أمنع البنت انها تكلم لكن تكون مكالمات بحدووود
وآسفه على الأطاله

[قنوت...]

كل واحد وله وجهة نظر
شرفتواا
الموضوع

[دلوعة]

انا من وجهة نظري لو كانت العادات والتقاليد والمجتمع ان الوحدة تكلم زميل معاها ويشوفون الوضع عادي مافيها شي بالعكس يكون الوضع حلو ...بس مجتمعنا متخلف جدا جدا جدا ..فالوحدة تبتعد عن الزمالة الي راح تتحول لحب بعدين مشاكل بعدين ضياع سمعة البنت ..وبعدين شنو عاد يرقع البنت ...وهذي القصة المكرررة دائما الي تصير للاسف ....

[.."الشوق عـطري"..]

كل واحد وع حسب مجتمعه فالمجتمع السعودي
يعتبر انه البنت اليي تكلم ولد قليلة ادب
رغم ان البنت لم تكن تقصد
ربما فقط مجرد كلام مع البائع اعتبروهآ قلة ادب
طبعا الكلام ع حسب اذا كان شيء ضروري فلا يسمى قلة ادب
اما اذا كان لا صداقة اخوه ربمآ هالعلاقة تتحول إلى حب او شيء
والحين الكثير من الفتيات للأسف
صاروا يجلسوا مع اولاد خالهم وخالتهم حتى حجاب والله العظيم
يجلسوا جنبه كانه اخوهم لاحجاب ولا شيء
والقهر يقولوا ان البنت اليي تكلم ولد قلة ادب ...!
وهي اجل وش تسمي روحها ...!
يعني اعتقد الولد الخال لاشاف بنت خاله او عمه ماراح يتردد ع
انه يمزح معها و يكلمها ويضحك وكل شيء
لان هي البنت جرئية وبصراحة هني انا اعتبر هالبنت قليلة ادب
ليش لما البنت تكلم واحد بالمستشفى او تطلب خدمة قالو عنها قليلة ادب
وهذي اليي بدون حجاب والحياه عندها سهلة
يعني للأسف كثير وربي اعرفهم وللأسف من اهلي الله يستر عليهم
هالعادة هذي عندهم ليش اتغطى او اتحجب عن فلان توه صغير
لاتزوج او دخل الجامعة بتغطى .,!!
ليش صارت الحياه كذا معهم ..!
للأسف شيء يخجل ..
ان البنت الحين تجلس مع ولد خالها او عمها
البنت طبعا مو صغيره في الثانوية
وتدروا بنات هالايام ماشاء الله عليهم اليي يشوفهم بالعشرين
طول وجسم ماتخجل لما تجلس جنب ولد محرم عليها ..!
الله يستر ع الجميع
فأنأ برايي ع حسب كل بنت ونيتها
في بعض البنات تنعم بصوتها و حركات بس عشان
ولد عمها يعطيها اشاره او يكلمها او يرسل لها ايميله ..!<<< هذا بنات الايام للأسف
انا للأسف شفت وصديقاتي يقولوا لي قصص ..
البنات الحين هم صاروا يلاحقوا الاولاد ..
وانا اعتذر لكن هذه وجهة نظري ..
واتمنى ماحد يزعل وانا مثل ماقلت كل وحده ونيتها
ويسلموو ع الموضوع