15 حقيقة عن نفسكـ

[نبرة ألم]

مشكورة يالغلا على الأختيار

و بسم الله نبدأ

1- نبرة ألم من سكان الأحساء الحبيبه .. شخصيه صريحه جداااا بحدود الإحترام طبعا عصبيه بس على طول اهدأ < كلمة تجيبني و كلمة توديني .. قنوعه و هاااااديه و بشوشه طفوووليه في أغلب الأحيان
2- خجوووله .. طيبه حييييييييل و حساسه زيادة عن اللزوم .. دمعتي تنزل من أقل شي .. صايره ما اتحمل < طبعا نتيجه للظروف اللي مريت فيها .. يعني مو من فراغ
3- أحب البحر و الهدوء و الليل و الشتاء و المطر .. و أفضل أحيانا كثيره الظلام و العُزلة و الوحده
4- اكره الإستغلال و النفاق و الكذب و الحقد و الحسد و الظلم و الغرور و الخيانه و القيل و القال و الإشاعات
5- حكيمه في اتخاذي القرارات .. و شخصيه واعيه يلجؤون لي كثير لحتى احل لهم مشاكلهم اللي تواجهم
6- احب لعبة الإستغباء " اعمل حالي ما افهم شي و على نياتي .. لحتى اشوف الكذاب و المصلحشي لوين يبي يوصل "
7- مجرووووووووحه في الصميم .. و جروحي كثيره من القريب و البعيد
8- عانيت كثير و ماحد وقف جنبي إلا ظلالي
9- أحب الخير للكل و احب اساعد الناس .. و اذا ماكان بيدي شي .. احس بتأنيب الضمير بقوووة
10- من هواياتي : التصوير و كتابة الشعر و الخواطر و الرسم و الخط
11- احب الموسيقى الهاديه و احب الإستهبال و الفرفشه
12- امتلك الحاسه السادسه بشهادة الجميع و اعرف اللي قدامي وش يفكر فيه من ملامحه و تصرفاته
13- احب السفر .. و أحب اعيش في الخيال أكثر من الواقع
14- أعشق التراث القديم الأصيل و أحن له كثييييييير
15- أحب منتدى صوت الرادود لأنه منتدى شامل و متكامل و و تحس بمجرد انضامك فيه بالأريحيه و الأعضاء اللي فيه احسهم مثل أخواني و أخواتي < و أن ندرت أو انعدمت مشاركاتي فيه

فـشـكــــــــراآآآآ لكم جميعاً إداره و مشرفين و أعضاء
و شكر خاص لغاليتي ورود على استضافتي بهذا البرنامج
و أتمنى أكون ضيفه خفيفه على قلبكم

[ربانـة الصبـر]

طرح جميل
شكراً لكِ عزيزتي
لا عدمنا اطروحاتكِ ..

[شموخ أنثى]

مشكوووووووره ورود ع الطــرح الاكثر من راااائع
من جد استانست بالاستضافات انتظر دوري متى؟؟؟
شموخــــــــــــــــه ة

[عاشقة زينب والعباس]

عن جد ونااااااااااسه
وانا متى يجي دوري هههه!!!!!!

[ليال الانتظار]

والله واناسه متى يجي دوري

[انور سلطان]

يعطيك العافية

[الارجوان...]

روعه الطرح

يعطيك العافيه

[وروود]

اختي نبرة ألم

ماشاء الله عليك حقائق ولا اروع استمتعت جدا بقرائتها

عساني ما انحرم منك ويخليك دووم بصحه وسلامة

اختي ربانه الصبر.. شموخ أنثى.. عاشقة زينب والعباس.. ليال الانتظر ..الارجوان ..واخي انور سلطان

لوجودكم لمسة خاصه في متصفحي .. الله لايحرمني من تواجدم النير

وان شا الله دوركم جاي ^^

والآن نستضيف الاخت الغالية ع قلوبنا خجل الورد فلتفضل بالصلاة على محمد وال محمد

تحياتي