أربعة قصائد لمولد الاميرعلي جديدة ودفعة واحده

[مؤسسة كليم الحسين الفاطمية]

السلام عليكم
ومبارك عليكم المولد
بعد الترشيحات
على موضوع رشح واحد من اربعه
شفت ترشيح متفاوت مع اكثرية الى الرابعه
وبصراحة لا اريد ان اكسر بخاطر احد
فتوكلت على الله وببركات امير المؤمنين روحي فداه
واول مرة اكتب اربعة قصائد بصورة متتالية دون توقف او فاصل

وها هي القصائد بين يديكم

1
ربيب المصطفى

هاليلة مــــــيلآدك علي صرختنه بأسمك تعتلي
أشعلنه شــمعات الفرح قلب اليوآليك أنشرح
هاليلة ميلادك علي

يا محله أيام السعد متنوره بنوار الأسد
ميلاد ابو الغيره علي فرحتنه بالحب تحتلي
وأتنادي يا حيدر علي

رآية فرحنه أمرفرفه أتبارك نبينه المصطفه
أبثالث عشر منك رجب مولد علي بيك ووجب
انعادي من عاده علي

هاليلة ميلآد الامير يتفاوح الحب بالعبير
بالمرتضى عود الحسن الشر تهدم والوثن
وأتعلى دين الله ابعلي

حيدر ربيب المصطفه بحجره ربه بحضنه غفه
وأصبح وزيره ومنيته عونه ونصيره أبدعوته
كل عترته سرها علي

حامي السنن حامي الحمه يا محله أسمه ومرسمه
شيعته أحنه ونفتخر وأنردد ايات النصر
منصورة يا راية علي



خطينه بالدم هالعهد يا علــي ونبقه وللأبد
ياراية الحق رفرفي يا مهدي يا مهدي أهتفي
بيدة ترف تصرخ علي








2
فطره وعقيدة

ساكن دليلــــي حيدر حبي وخليلي حيدر
غازي حــياتي حيدر كل امـنياتــــي حيدر

حبك حبيبي حيدر وأصبح نصيبي حيدر
يجلي نحيبي حيدر عمري وغلاتي حيدر

مالك وجودي حيدر يا سر خلودي حيدر
تصرخ عهودي حيدر بالماضي وآتي حيدر


ما عندي غيره حيدر طاهر السيره حيدر
عمري نصيره حيدر حبي و نجاتي حيدر

أحلامي قربه حيدر دوم اعلـ دربه حيدر
انوده ونحبه حيدر وأصبح صلآتي حيدر

لو دورونـــــي حيدر بقبره لكــوني حيدر
تنزف عيوني حيدر كل ذكرياتي حيدر

فطرة وعقيدة حيدر وآلي ونريدة حيدر
درة وفريدة حيدر طهر صفاتي حيدر

والينه يبقه حيدر انحبه ونعشقه حيدر
نور وننطقه حيدر خمسي وزكاتي حيدر







3
ميلاد الامل
هاليلة ميلاد الأمـــــــل حامــي الحميه
عون الحبيب المصطفه وروح الزجيه
هاليله عنوان ميلاد الايمان
هاليلة ميلاد الأمـــــــل حامــي الحميه


يا محله ساعات الفرح بأسم الصميده
كل قلب هاليلة انــشرح واصبح نشيده
باسم يروح المصطفى محفلنه معقود
انزف تهاني للبشر وانزفــــها بورود
فرحة وهلاهل بيها ونواصل
ترخص مهجنه الطاهرة الحيدر هدية

طير السعادة من وصل باركنــــــــه هاليوم
شفنه على وجهه الامل بالـــفرحه مرسوم
ويانه ساهر بالحـــــــــــفل يصرخ يحيدر
والحب فرح باسمك صدح والفرحة تكبر
ميلاد اسرار عمت بالانوار
كل نور من عندك ورث نوروسجيه

شفنه الفرح يمنه أستعد ويانه فرحان
وأيردد أيآت الســــــــعد خطينه عنوان
هاليلة محجوزه وتظل بأســـــــــمك يكرار
والفرحتك نهدي المهج ونرخصلك أعمار
يا علي وياك فرحتنه بحماك
فرحتنه منشوره والك وأخـــــذت تحيه

مثلك فلا واحــد أبد أعظم شرف حاز
أبيت الله بس انت انولدميلادك أعجاز
شرفك ربك ياعلي أنطاك السياده
من المهد حد اللحد ذكـــرك عباده
الباري سماك يا علي وحياك
بعد النبي انت الوصي لهل البريه









4
روح الدين
حيدر نبضات أكليبي كل نبضه تهتف حيدر
ابنبضاته يعله رآسي وعمري ابحبه اتبشر
هالحب ساكن انفاسي
هالحب ساكن انفاسي
ما اعوفه ولا ما اعوفه واشواكي ابحبه تكبر
تكبر
تهتف ياحيدر
:t hread_con:


من المهد ناديتك حــــــــــــيدر حيدر محبوبي
اسمك ساكن بعيوني ونورلي كــــــــل ادروبي
رحمة الباري ابحبك يالغالي اتصير ابصوبي
بيك امامي كل هيامي
ما يدري قلبي ابروحي
سر روحي وكل امالي ابحب المرتضى الاطهر
تكبر
تهتف يا حيدر
:t hread_con:


أحروفك مخطوطه ابدمي يا روح الهادي ونفسه

اسمك معشـــوقي واصبح اروع من حب وهمسه
أبحبك ذابت افــــــــــكاري انسه الروح وما انسه
سر وجودي يا خلودي
يا حيدر كل اسراري
انت وكل لحضه ابلحضه حبك ياغالي يكثر
يكبر
تهتف يا حيدر



ابحبك يا حب الهــادي عشنه وهالحب جننه
كل عاشك بأسمك يهتف اصـبح حبك كل فنه
هالحب ساكن وجداني واغلى من حب الجنه
يا جناني يا حناني
بكل رمشة عين انشوفك
وانحس ابحبك أقرب أقرب من شريان الابهر
يكبر
تهتف يا حيدر



عابس بحسين اتـــــــجنن وشوكك آني جنني
ابحبك عايش متـــــــقوي يل حبك اصبح مني
والحبك اهدي الغالي ويرخصلك واكثر عني
كل حياتي وكل صفاتي
منك عنك واتحدث
روح الدين انت واسمك ابروحي أذن كبر
يكبر
تهتف يا حيدر


كلمات
كليم الحسين بسام الشمري

[سيهاتي....]

ماشاء الله تبارك الله

انت كريم واحنا نستاهل

في ميزان اعمالك

[سحايب...]

ماشاءالله عليك ملآ
آبدآآآع لآ حدود له وكلمآآـت قمه في آلروعه
ربي يديمك
موفق بحق أمير آلمؤمنين
تحيآتيـ..

[عاشقة العترة...]

يسلموووووووووووووووووو

[دفئ القلوب]

اللهم صل على محمد وال محمد وعجل فرجهم ياكريم
ماشاء الله ماشاء الله عليك ياكليم الحسين
كلمات خارجه من قلب ولائي نوراني
سلمت اناملك الولائيه على هده الاحرف
تعجز الكلمات عن التعبير امام قلمك الدهبي
رزقك الله راحه وسعاده دائمه بحق من كتبت بحقه هده الالئ
تحياتى لروحك المفعمه بحب العتره

[فدوك...]

متباركين جميعا"

[حنين وانين...]

يسلمو تسلم الايادي

[خالد جاسم]

عطيك العافيه
وجزاك الله الف خير ي