قصيدة - امنياتي_باسم الكربلائي مكتوبه - للشاعر ميرزا عادل اشكناني

[الراهن...]

امنياتي_باسم الكربلائي مكتوبه
#######

ان لم اكن مناصر والكف عنك قاصر
فتلكم العناصر امنياتي امنياتي

يا حسين اذا عن نصرتك منعتني الايام
اتمنى اكون اي عنصر يخفف هالالام
البسني جوشن عالصدر اتلكه الاسهام
احفرني خندق محترك حتى احمي الخيام
اخذني بيمنتك سيف ارد كيد اليكيدك
اخذني خاتم يروح فداء لخنصر ايدك

فيا ذبيح ربي كان رجاء قلبي
عطفا بان تلبي امنياتي امنياتي

اتمنى جن ويه الكمر عالشاطي موجود
نخله واحذره من تخفه لكطع الزنود
لو خوذه عن راسه واصد ضربة العامود
ولا انظرك تنحب على الجفين والجود
السهم صوبني ياريت ولا عينه تصوب
عسه يصب منحري ولا اشاهد جوده ينصب
مصابه مصابي كجوده انسكابي
سالت على التراب امنياتي امنياتي

عنان الفرس اتمنى اصير بجف الاكبر
اعدل مسيرة مهره ليضيع المعسكر
لو سرج اصير وما اخليه يتكنطر
ولاشوفه اربا اربا كبالي يتوذر
حصير افرشني عالكاع الم جسمه التوزع
واذا منك عضو يطيح اكلك سيدي ارجع
ونسخة البشير كا جسمه العفير
لملمت في الحصير امنياتي امنياتي

بصينية القاسم ردت تعلكني شمعه
تعجني حنه بزفته تحنيله صبعه
لمن تلبسه لامته خليني درعه
خل ينكطع كلبي ولا ينكطع شسعه
لون بيدي الامر جان اكطّع عمري لاجله
واصيرن ساعة اوداع اتزود منها رمله
ياليتني اوافي شبل بني مناف
نثرت في الزفاف امنياتي امنياتي

ياريت اصيرن ريح اشيلن شوك وتراب
واعميها عين التنظر لربات الحجاب
لو زاجل اكصد للنجف واتعنه بكتاب
ألحكـ بناتك بالسبي يا داحي الباب
تمنيت انكلب ليل ستار لزينب انمد
واصير لزين العباد عصا عليها يتسند
في رحلة السبايا في عاصف الرزايا
تبعثرت بقايا امنياتي امنياتي

يا سيدي بهودج ضعنكم شدني غيمه
اغسلي منحر دامي لو اطفيلي خيمه
لو اصير كسرة ظل وافييلي يتيمه
وارعد على الرايد تراجيه غنيمه
لرضيعك انعصر ماي واصب روحي عالشفته
واطمن عمته عليه وابشر امه واخته
بالنوح ما عساني اعيد من زماني
ضاعت مع الاماني امنياتي امنياتي
@@

للشاعر:للشاعر ميرزا عادل اشكناني

[سيهاتي....]

احسنت وبارك الله فيك