![]() |
![]() |
![]() |
|
قصص وحكايا قصص واقعية وخيالية نرسمها وننسجها لتحاكينا |
![]() |
|
أدوات الموضوع |
#1
|
|||
|
|||
البارت الاول
حلا بصراخ : جنى وصمخ ياام كشه مشينا جنى ترد عليها بكل برود : والله لأدعي عليكم وأقول جعلكم ماتتوفقون اذا مشيتوا من دوني حلا: يالخايسه احنا اهلك وش هالكلام ماتستحين جنى : انا في الطلعه ماعرف ابوي من امي خالت جدتي حلا: الله يخلف عليك ماتعرفين حتى تتكلمين ويقطع حديثهم صوت البوري طوط طوط سلطان : الشرها موعليكم الشرها على الي بتطلعون معاه ولا انتو حرام فيكم الصدقه سلطان (عمره 23 شكله خوقاق شعره ناعم واسود وعيونه عسليه وواسعه والي محليه اكثر واكثر السكسوكه ) حلا: واخيراَ خلصتي ياهانم جنى : ....................... بعد هدوء دام خمس دقائق وهذا طبعاَ شي غريب ولايصدق انو جنى تسكت طول هالفتره جنى (17سنه عربجيه ومطلعه قرون حق اهلها من شقاوتها بيضه وعيونها وساع وعسليه ورموشها طويله طالعه على ابوها وشعرها طويل اسود وعندها غمزات ) جنى :جوعــــــــــــــــــاااااانه ياناس حسو فيني حلا وسلطان : ههههههههههه سلطان : وانا اقول وش عندها ساكته لوتموتين مارح اجيبلك شي علشان مره ثانيه تخلينا بالشمس ننتظرعلى ماتخلصين يا صاحبه السمو حلا: امحق صاحبه السمو بصوت خافت <<<<< شغاله واجد عليها جنى : تاخذ علبه كلينكس وترميها عليها انا شغاله يالعبده جنى وحلا: يتهـــــــــــــــــــــــاوشون وبينما جنى وحلا يتهاوشون وسلطان في حاله من الذهول موعارف وش يسوي وبينه وبين نفسه خايف يدخل ويجيه شي وووفجئه تووووقفت السياره حلا وجنى وسلطان :........................... سلطان : نزل من السياره يشوف وش السالفه وحاول مره ومرتين يشغل السياره بدون فايده المشكله انو السياره توقفت بدوار وسيارات رايحه وجايه جنى : الله ياخذني ولاانا وجه طلعه ولاتمشيه حلا : توك تدرين ههههه جنى : اقول ماني ناقصتك حلا حلا شوفي حلا : وجع خرعتيني شنو جنى :شوفي سياره وقفت وتاشر لنا يمه كلها شباب الله يسترر شكلها اخر يوم في حياتي المهنيه والدراسيه حلا:ضحكت على كلام جنى وبنفس الوقت تبي تهديها عند سلطان : ياهلا عاش من شافكم (طلعو الشباب معرفه ) الشباب بصوت واحد : مات من شافك سلطان : امين تموتون فيني الشباب عدا سلطان : وووووووووووووووووووووويع الجميع : ههههههه فهد : عسى ماشر وش فيك سلطان :لا ابد بس السياره توقفت فجئه معاذ : خلينا نوديها عند المحطه قريبه من هنا جنى : حلا شوفي شوفي حلا : وش بعد جنى : فهد ومعاذ حلا : اه ياقلبي وش فيهم بعد جنى : واقفين عند سلطان حلا : ايه وش فيها واقفين جنبه مومستوعبه وش تقول وبعد ثانيه مع شهقه قويه شنو تقولين وشوووووو وينه وينه وريني جنى تاشر بصبعها :هناك ياريت كل مره نطلع توقف السياره عشان نشوف هالزين حلا: ههههههه حشى موبنت واحد من الشباب جنى : اخ ياقلبي مستعده أموت واتحلل واتبخرر وصير ورق تواليت بس يزوجني حلا: الله يقرفك وش هالحب الوصخ وخري بس خليني اامتع ناظري بفهودي حبيب قلبي جنى : اوووووخص يااااقيس ابن الملوح حلا: قيس ابن الملوح دارس عندي وانا الي معلمته الحب والغرام جنى : ااانطمي وخلينا نطالع موكل يوم تحصل لنا هالفرصه عند سلطان >>>>الجو كان حار مره والساعه صارت على 1الظهر فهد: معاذ الله يخليك طلعت روحنا من الشمس جرب شغل السياره سلطان : عينه على محركات السياره ومانتبه لكلام فهد معاذ : اففففففف طيب فتح باب السياره ووجلس على المقعد بكل هدواء لفت انتبها نظاره شمسيه كان شكلها روووعه اخذها وطالع في مرايه السياره وشـــــــــــــــــــــــاف تتوقعون وش راح يصير مع معاذ والبنات وش راح يسوي سلطان اذا شااافه جوا السياره لاتحرمونا من تعليقااتكم مع تحيات الكاتبه : دنيتي عيونك |
#2
|
|||
|
|||
|
#3
|
|||
|
|||
البارت الثاني
..رحت ملح بهواهـا وأنا واقف معاها.. ..صدقوني ياعـالم كم سحرني حلالهـا.. ..شفتها وجن عقلي ماادري شاللي حصلي.. ..لو اشوف حد غيري قلت خله يولي.. ..غرقت عيني بهواها وصار قلبي يبيها.. ..تخطف قلوب وعقول الله واكبر عليها.. ..قبل ماابدأ سلامي قمت ابين غرامي.. ..اذهلتني بحسنها وضعت بهيامي.. ...راحت وجننتني بعد ماولعتني.. ..قبل ماهي ترحل مني روحي اسلبتني.. ..رحت ملح بهواها وانا واقف معاها.. ..صدقوني ياعالم كم سحرني حلاها.. ****** فهد: معاذ الله يخليك طلعت روحنا من الشمس جرب شغل السياره سلطان : عينه على محركات السياره ومانتبه لكلام فهد معاذ : اففففففف طيب فتح باب السياره ووجلس على المقعد بكل هدواء لفت انتبها نظاره شمسيه كان شكلها روووعه اخذها وطالع في مرايه السياره وشـــــــــــــــــــــــاف جنى : حاطه الشيله على كتوفها من الحر ورافعه شعرها بربطه ورديه وحاطه غلوس وردي يبرز انوثتها طالعه ملاك معاذ : خق على جمالها موقادر يتحرك ونسى وش كان بسوي جنى: حدث ولاحرج من الخرعه ماتحركت من مكانها معاذ: اانتبه على نفسه وطلع من السياره قبل لايشوفه سلطان ويسوي له سالفه معاذ ( 23 بنفس عمر سلطان وهم اصدقاء من زمان معاذ انسان مرح وخفيف دم ملامحه بدويه ولون بشرته برونزي الي يشوفه يخق عليه على طول ) <<< طبعن بالنهايه السياره اشتغلت بعد ماطلعت روحهم سلطان : اسف شباب تعبتكم معي الكل : افا عليك بس ماسوينا الا الواجب في سياره الشباب : معاذ لسى ماصحى من الحلم الي شافه ويسال نفسه ياترا منهي هالبنت معقوله تكون اخت سلطان ولا وحده من قرايبه فهد : معاااذ وصمخ معاذ : وجع وش فيك تصارخ الي في السياره الثانيه اسمعوك الكل : ههههههههههه <<<<< <<<< <<<<<<<<<<<<<< في بيت ابو سلطان كانت ام سلطان تتفرج على تي في جنى وحلا:سلاااام عليكم يمه ام سلطان : هلا بناتي الحلاوت وش فيكم موعلى طبيعتكم جنى : وش اقولك يايمه وش احكيلك اه ياقلبي يجنن فديته <<< ناسيه نفسها ام سلطان مصدومه<<< حلا تصرف وهي تطالع جنى بحده :يمه تقصد سياره ولدك تجنن تخيلي وقفت علينا بنص الشارع اهئ اهئ ولاشتغلت الا بطلعت الروح جنى : ايه يمه تجنن مـــــــــــره ياريتك شفتيها حلا تسحب جنى من زندها : يالى ماماتي حبيبتي بنروح نريح اوك ام سلطان : طيب <<<<<<<<<< <<<<<وهم صاعدين على الدرج حلا بهمس : وووجع ماتعرفين تسكتين فضحتينا <<<<< <<<<<<<< في بيت ابوريان بعد ماخلصو العشا ابوريان :ياحرمه وين الشاهي (ابوريان اخو ابو سلطان وعلاقتهم قويه اب حنون وعايلته مكونه من ولدين( ريان 27سنه يدرس برا)( وطلال 24 سنه ) وبنتين( ساره دلوعه امها18 سنه) (وشهد 15 سنه) وزوجته المتسلطه رح تعرفونها اكثر في البارتات الجايه ) ام ريان بدون نفس : طــيــــــــــــــــــب ساره بدلع : بابا وين بنروح الويكند هذا ابو ريان: ياقلب ابوها امري انتي وين تبين تروحين ساره : اممممم وش ريك ناخذ لنا شاليه على البحر ابوريان : جبتيها بكلم اخوي يجي معنا ساره تتحلطم بصوت واطي : لاحول هالعم ورانا ورانا ابو ريان : وش تقولين يابنت ساره تعض على شفتها : سلامتك بابا <<<< << <<<<<<<< في غرفه حلا كانت منسدحه على فراشها بعد ماخذت لها شور سريع ومستعده للنوم وتوها بسكر عيونها .........الاطق طق جنى دخلت الغرفه ونطت على السرير : حلا بنام عندك حلابعصبيه : جنو انقلعي غرفتك جنى بدلع : افا تطرديني هذا وانا بحسبت اختك ومون عليك حلا : هههههه خبله انتي وش بحسبت اختي بروح اتاكد من ابوي جنى : هههه تعالي يالخبله امزح معك حلا: ههههه جنى : .................. حلا : اشفيك ساكته موبالعاده جنى : بصراحه موقادره انسى الموقف الي صار اليوم حلا:.................. جنى :تتوقعين بيجي يوم الله بيجمعني فيه لايروح بالك بعيد بالحلال ههه حلا: وجع هههه وش هالكلام اقول انا بنام انتي ماوراك الا القلق <<<<<< يوم الخميس الكل متحمس ويجهز اقراضه لطلعه وبعد مشوار طويل وصلو العايلتين الشاليه جنى : واااو شكله مره يجنن حلاتمسك زند جنى : تعالي خلينا نشوفه من جوا <<<<<< <<<<<الشاليه مكون من حديقة منسقةمليانه ورد وشلالات مائية شكلها يدوووخ و من اربع غرف نوم وصاله فاخره شاشة بلازما ومطبخ ستايل امريكي مفتوح على الصاله ومجلس خارجي ومسبح <<<< وبعد ماتفرجو على الشاليه ابو ريان وزوجته خذا غرفه وبو سلطان خذا غرفه والغرفتين الي بقو وحده للبنات وثانيه لشباب ابو ريان : خلونا نريح شوي قبل العشا الكل : طيب >>> في غرفه البنات ساره :قـــرف جنى : وش الي قرف ياست الحسن والجمال ساره بغنج : انتي جنى :هدوني عليها البقره حلا: هدي لاتنزلي نفسك لمستواها تعالي ننام احسن ساره :ماقدرت ترد يوم شافت جنى بتضربها (موووهينه هالبنت تخوف هه) <<<< نسمات الهوا تداعب خصلات شعرها الاسود وعيونها غرقانه بدموع معاذ بعد مامسح دموعها وطبع قبله على خدها : جنى وش فيك جنى : قبل لاتسالني بردانه بحضنك دفيني معاذ حضنها وبخوف : جنى حبيبتي وش فيك جنى : معاذ اهئ اهئ لاتخليني انا احبك معاذ : ................... <<< رفعت راسها من حضنه وتطالعه تشهههههههق ط ط طلال وين معاذ لالا مستحيل اكيد انا احلم جنى صحت من النوم وهي تصارخ : معاذ معاذ حلا صحت مخترعه : جنى بسم الله عليك وش فيك جنى بين دموعها : كابووس اهئ اهئ حلا: خلص سمي برحمن وتعوذي من بليس انتهى البارت الثاني انشاء الله البارت يعجبكم والحين جااا دور توقعاتكم تتوقعون حلم جنى مجرد كابوس وتتوقعون طلعت الشاليه راح تمر بسلام مع وجود ام ريان وتتوقعون حلا راح يكون لها قصه حب تعيشها |
#4
|
|||
|
|||
ابي اشووف ردوود ولا ماراح اكمل
|
#5
|
|||
|
|||
![]() ![]() ![]() ![]() ![]() ![]() ![]() |
#6
|
|||
|
|||
واوووو رروعه
يسلمو دياتكـ بنتظار البارت الجاي تقبلي مروري شوق الغلا ![]() |
#7
|
|||
|
|||
وين البارت تخرتي مرررررررررررررره
|
#8
|
|||
|
|||
البارت الثالث
******** ألم شعرك وأشبك يدي بيدك و أرش عطر الشوق كله حواليك أبعرف إن كان لي معزة بقلبك و أبيك تعرف ان كل جروحي تناديك طال انتظاري و طال بوحك و صمتك لا جيتني ولا خليتلي فرصة اجيك كلمة و أبيعا صدق هالحين منك يا تحبني يا تقول لي روح ما أبيك ................... مد ايده يفتح الستاره وهو يقول.. اصبحنا واصبح الملك لله.. يالى يابناتي الحلاوت صلاه جنى وحلا:ردو بصوت واحد صباح الخير بابا وباسوه على راسه وراحو يصلون طبعن ساره ....لساتها نايمه متعوده تصلي متاخر .. جنى : صلينا وخلصنا والبرنسيسه لساتها نايمه << تناظر حلا بخبث حلا : يالله صباح خير ههه بنت اهجدي مالي خلق هواش من الصبح جنى: تكلم داخلها والله ماكون بنت ابوي اذا ماربيتها هالمغروره وبكل برود تروح دوره المياه وانتم بكرامه وتجيب مويه في يدها حلا: لا انتي موصاحيه وتحاول تمنعها بس جنى سبقتها وكبت المويه علي وجه ساره صحت مفزوعه .........>> يممممممممممممممممممممه وهي تلهث يايا يا ح ماره ليه سويتي كذا جنى وحلا : ميتين ضحك على شكلها هههههههههه الابصووت ابو سلطان يناديهم يالى يابنات تعالو افطرو جنى وحلا ..... يالى مشينا وهم لساتهم يضحكون على بنت عمهم ساره بنفس عصبيتها : هين والله لاطلع حقي من عيونكم في المجلس عند الشباب ..... طلال :هذي حاله الله يرضى بكذا الشيبان قاعدين عند الحريم وموسعين صدورهم وحنا رامينا هنا .....الابدخلت ابوسلطان وبو ريان هاه لايكون تحشون فينا ....طلال عدل جلسته ومسوي فيها مستحي .....لا ابد ياعمي انت الخير والبركه ابوريان .... اقول وش ريكم نلعب كوره ... الكل ضحك على فكره ابو ريان طلال... ليه يبــى انت فيك حيل ابو ريان ... ايا قليل الحيا تقول عن ابوك كذا انا اقوى منك ابوسلطان.... هدووو انا عن نفسي رجولي ماتشيلني وانت بعد ياخوي عليك طلعات مدري كيف شكلك خرفت ....... ابو ريان الاانت ياخوي الي كبرت يالله حسن الخاتمه ههه ابوسلطان :الميدان ياحميدان الوعد هناك ........ <<<< الكل راح يبدل عشان المباره وبعد خمس دقايق تجمعو بالحديقه سلطان... (لابس تي شيرت ابيض وشورت اخضر زيتي ومسوي شعره كيرلي )طالع شكله يدوخ ............)( طلال.. لابس شورت فوق الركبه بني وتي شرت اسود خلونا نتكلم شويه عن طلال قلبه طيب ويحب الوناسه والفرفشه بشرته حنطيه وعيونه ناعسه وشعره بني ناعم ومطوله لنص الرقبه ) مابي اطووول عليكم <<< مرررت 10 دقايق ولسى ابو ريان موباين .... طلال انا بروح اشوف ابوي طولها وهي قصيره الابجيت ابو ريان.. الززززعيم ووصل الكل انفجررر من الضحك .... ابو ريان وش فيكم ...ابو ريان الله يصلحه كان لابس تي شيرت نص كم اخضر ومخطط باصفروشورت كآروهآت اسود واحمر شكله توحفه هههه سلطان موقادر يمسك نفسه من الضحك بصراحه ياعمي اهنيك على ذووقك بعد ماخلصوو ضحك جاااا دور الجد قسمو انفسهم لفريقين فريق ابوسلطان وبو ريان والفريق الثاني طلال وسلطان وووبدت المباره والكل متحمس ..... جنى وحلا مندمجين في السوالف ااسكتي ياااحلا طلع عند غلوي اخو وش اقوولك صاروخ ههه ........عاد انا قرارت اضبطها عشان اخذ اخوها تدرين لازم نفكر للمستقبل ههه..... حلا..جنو تسمعين الي اسمعه .... جنى ..اايه تعالي نشوف وش السالفه ...... جنى وحلا...فتحو الباب الرئيسي الي يفصل بين الحديقه والسكن فتحو عيونهم بوسعها... مومصدقين الي يشوفونه وبنفس الوقت مبسوطين هههه جنى وحلا يطالعون في بعض يالى مشينا لبسو عبايتهم وخبرو الكل وتجمعو وقعدو يشجعون وجنى متحمسه وتصارخ عاش عاش ابو سلطان طلال : عرف هالصوت وش لون مايعرفه وهو حب طفولته جنى ياحبي لك انتبهت لنظراته المليانه حب وشوق واشر لها على الكوره كان يبي يقولها هذا الهدف لعيونك جنى : جمدت مكانها وقلبها يدق بسرعه تذكره الكابوس يوم يحضنها بين ايدينه نزلت من عيونها دمعه ساخنه وراحت بسرعه للغرفه ماتبي احد يحس بوجعها حلالحقتها : جنوو جنى ردي علي وش فيك جنى : مافيني شي خليني بروحي تكفين اهئ اهئ انتهى اليوم الاول من الويكند بحلاوته وبمره صحت من النوم حست بالجوع راحت المطبخ تدور لها شي تاكله خذت عصير وبسكوت اولكر شوكلت بترجع الغرفه الا امها تناديها حبيبتي جنى : لبيه امريني مااما ام سلطان : مايامر عليك عدو حبيبتي روحي كنسي المجلس اخوك ولد عمك طلعو من شوي وراح يتاخرون جنى : ماماا مالقيتي غيري ام سلطان : بنت اسمعي الكلام جنى تتحلطم بداخلها : صرت شغاله اخر عمري لا ولمين حق طلول وسليطين كان ناسي مفتاح السياره رجع ياخذه داخل المجلس بسرعه جنى: شههههههقت حست قلبها بوقف من الخرعه يوم شافته قدامها يتبعّّّّّ |
![]() |
مواقع النشر (المفضلة) |
الكلمات الدلالية (Tags) |
يصلي, جن, شـآللي, شفتهـ, عقلي, ـمآدري, ـ¤¦¤, ¤¦¤ |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
لاتلوموني أخذ عقلي وسباني | كيان الزهراء | طلبات الأعضاء | 2 | 09-28-2011 09:21 PM |
حملت جنازة عقلي معي | فلسفة واقعنا | شعراء أهل البيت | 2 | 07-29-2011 02:21 PM |
●[ حَلى ڪَرـآت آلنۉتيلآ .. | ĝαℓαẍŷ | لذائــَذ الطبخَ | 6 | 06-20-2011 07:32 PM |
مقتدى الصدر يصلي بالسنه والشيعة في قطر | سيهاتي. | المرئَيآت الإسلامَيةَ | 3 | 05-14-2011 03:32 PM |