حبك وجع غاير بصدري من أعوام

[عـازف الآهـات]

نـرجع لكـم مع الأخ عمّـي

فـضيت ورسلت لـه هذي الـقصيده

ورد علي

سـكتني والله خخخخخـ << مو هين عمي الله يرجه

يقول لكم رسلت له
هذي القصيدهـ

حبك وجع غاير بصدري من أعوام
حبك سبايب لوعتـي وإنكسـاري
عنك أبعدوني وأنكسر وجه الأحلام
ومات الربيع وجف ماي الزهاري
شفني بدونك جفن ساهـر ولا انـام
ما امل من طول السهر والمسـاري
وشفني بدونك طير مكسور ماقـام
طيرِِ كسيـر وعلتـه لـه تبـاري
قصوا جناحينه وقالوا ( لك أقـدام )
جاري وجيبه كان تقـدر تجـاري
وحـاول يقـدم خطوتينـه لقـدام
لكن تعثـر بيـن مبـدأ وشـاري
ومازال حبك فيه يكبر من أعـوام
وللحين حبك وسط الأعماق ساري

ولكـنه رد علي رد جـآمد خخخخخخخخخخخـ

وقال

ببتدي بسم الله وابهديك السلام
وتحية معطرة من عطر أزهاري
الله يديم المحبة بصدرك والهيام
ولا أنحرم منك يامشغل أفكاري
ترى بعادك حطم القلب تحطام
وانكسارك يابعد حيي أنكساري
خلك شديد الباس وللفرض قوام
وارفع يدينك فوق للخالق الباري
خلي همومك وراك وأنظر لقدام
ولا يشغلك بالهوى بايع ولا شاري
شفني جريح القلب من عدة أعوام
والناس ماتدري عن هوى داري
أضحك وأسولف وأقول اني تمام
والقلب يغرق في لواهيب ناري
كم لي أخط الحرف وأوزن لي كلام
وأنثر أحاسيسي في دفتر أشعاري
حبيب قلبي لك التقدير والاحترام
ومن لا يعرفك زين يحبك أجباري
حبك أشغلني وخلا عيوني ما تنام
وخلاني ما افرق بين ليلي ونهاري

ولكـن مـآ استسلمت ورديت عليه ارقـع فشيلتـي

ببتدي بسم الله وابهديك السلام
وتحية معطره من عطر ازهاري
الله يديم المحبة بصدرك والهيام
ولا انحرم منك يا مشغل افكاري

سلام عليك يا فنان
يا سارق قلبي بالحان
الله لا يحرمني منك
ويديمك لي لأزمان

ترى بعادك حطم القلب تحطام
وانكسارك يا بعد حيي انكساري
خلك شديد الباس وللفرض قوام
وارفع يدينك فوق للخالق الباري
خلي همومك وراك وانظر لقدام
ولا يشغلك بالهوى بايع ولا شاري

بعادي شاغل عقلك
ومدري كيف اوصل لك
ابدعي خالقي الباري
يساعدني على وصلك

شفني جريح القلب من عدة اعوام
والناس ما تدري عن هوى داري
اضحك واسولف واقول اني تمام
والقلب يغرق في لواهيب ناري
كم لي اخط الحرف واوزن لي كلام
وانثر احاسيسي في دفتر اشعاري

هوى دارك انا ادري به
حنون وممتلي طيبه
فقير الحظ لكنك
تكسر خشمه وتجيبه
(هذي قال جبتها على الجرح هع)

حبيب قلبي لك التقدير والاحترام
ومن لا يعرفك زين يحبك اجباري

احترامي احترامي
لعمي ماخذ اهتمامي
بلغوا اجمل سلامي
لأحلى واحد في عمامي

حبك اشغلني وخلا عيوني ما تنام
وخلاني ما افرق بين ليلي ونهاري

حبي اشغلك عن نومك
وصار اكبر من همومك
لخبط عقلك ولكن
عسى يومي قبل يومك

.....

انبهاري انبهاري
من الهجوم الانتحاري
هالقصيده عذبتني
وما دريت اني اجاري


وخل يجي واحد يقول خويه اللي كاتبها حق افقع خشمه .

[براءة...]

في المساء
وقبل قبلة أمي
تذكرت كلماتك
وأبتسمت

وبعدها
وقبل بزوغ الفجر
رأيت هذه الكلمات حولي
تشدني لأرقص معها
فهي تدعوني للسعادة
وكأني في حلم جميل
جميل جدا

كلمات احست بها برائي
>>من زمان ما اطلقت لقلمي العنان
اي صح بروح لعمي يكتب فيني شعر
خخخخخخخخ

[سيهاتي....]

روووعه اخوي عازف

[عـازف الآهـات]

بـرآءه

حضورك زخات مطر

ينبت على أثره زهر وفل
فاضتلي

شَيءٌ ما يشُدُّني للبهجةِ عُنوة كُلما لَمحتُ حرفك

و لا يَخبو ضوءٌ سُقياهُ أنتِ


امتناني بلا حدّ

[عـازف الآهـات]

سيـهاتي

دوما زيارتك لأحرفي

تبعث لها روح الإنتعاش

فتشرق من جديد

فقط لأنها

كانت عيناك وأحرفك

تتجول من حولها

لا عدمت ذاك الحضور الزاهي

كن بخير

[سمو البرـآءه...]

اووفففففف ليــه خـآلي مـآ يكتب لي كذـآآآآ
^^ شفيــك سموو مو كـل النـآس مثثل عم عـآزـززف
تههي يــآخي نـآس ونــآسس هأهأ
معليــش ـأتحـرطم بروـوحي >>

يديـــم ـأقلــآمــــــكم مببدعيين مـآ شـــآء الله
وو تـــدووـوم المحبــــــــــــه