لا,, للزواج

[إيليا]

لا,, للزواج

يسعد مساء الجميع وعساكم مرتاحيـــــن




قبل لاابدأ لاحد يقول تخرب عقولنـا وتشوشنا




وماتبينا نتزوج




لا ... انا راح ادخل بجوانب حلوه وجوانب مظلمه بهالمشروع



الخطير



الزواج وماادراك مالزواج ...



ياجنــــة يانـــــــــــــــار




او بمعنى اخر مثل الجحه يا حمره او بيضا

















الزواج سنة الحياة وعن طريقه يكمل الشخص نصف دينه




ولولاه كان انقرضت البشريه وماشفنا يهالو (احلى شي بصراحة)




ومن الأشياء الحلوه سواء للمرأه او الرجل انه يشعر بدوره



بهالحياة بشكل



جدي وفعلــــــــــي بمجرد انه يرتبط بالشريك





اضافة الى الإستقلاليه التامه عن الأهل والإعتماد على النفس



بمجرد الدخول في قفص الزواج





فالرجل يمسك دور الربان او القائـــــد والمرأه تمسكـ دور المساعد



او نقدر نقول الشريك اللي مايستغنى عنه ابدن في ادارة البيت



بالكامل ..



ولو اني اشوف من خلال نظرتي الخاصة جدا ان المرأه هي



القبطان الحقيقي


ذو النفوذ الأقوى في الأسره



والزوج هو المساعــــــــــد .. ياكبرها عند الرجال ..



بعد هالكم جانب الحلو بالزواج نجي لكم جانب مو حلوين بنوب


وماأبالغ لو قلت ان هالجوانب لهم تأثير خطير في فكرة تقبل الزواج


وخصوصا لمن يشهد حالات كذا في محيطه او لناس مقربين له


ويعيش معهم الحدث بكل تفاصيله بكل معاناته والآمه



ورغم ان الناس كلهم مو شكل واحد ومن شخص لآخر يختلف


الحظ والنصيب والقدر كمان لكن يظل الخوف يلازم اكثر


الأشخاص اللي شهدوا وعايشوا حالات زواج صعبه ..



من ضمن هالأشياء



التغير والإنقلاب اللي يحصل بعد الزواج ..



مو مشكله الظروف والضغوط لها دور لكن في حال وصل


هالإنقلاب للضرب المستمر واللامبالاة والإهمال والأنانيه ويمكن


اشياء ثانيه اكبر واعظم


فالشي يخوف بقوه ..





كذلكــ في اساليب قبيحه يتبعها بعض المتزوجين او المتزوجات


مع الشريكـ


ماتنكشف في الأغلب الا بعد الزواج



وهي المعايــــــر ..



انا عطيتكـ وانا سويت لكــ



ورزيتكـ



ولولا انا كان ظليتي ببيت اهلكـ



او المعاير من الناحيه الماديه



انا بنت عز وابوي واصل وخيرنا على الكل



حتى عليكـ



وممكن الرجل فيه العقده نفسها وتكون زوجته بنت ناس على قد


حالهم


فيتعامل معها بأسلوب الإستخفاف بوضع اهلها والتهميش فيها


وفيهم



ناسي او متناسي انه هواللي داق بابهم ..



هنا الوحده او الواحد ينفر ويقول ياليتني ماتزوجت ولا



هالمذله



وهم بعــــــد ..



لما تكون البنت او الولد خاتم او ريموت كنترول بيدين اهلهم


او بمعنى آخر ماعندها او ماعنده شخصيه



كلمة تودي وكلمه تجيب .. وغض النظركليا عن كلمة الشريكـ



ومحو وجوده ..



هنا وبلا شكـ ان هالشريكـ بينزعج


لأنه كان يطمح الى حياة يكون فيها مسؤل عن كل صغيره وكبيره


بمشاركة شريك عمره مو بمشاركه قبيلة الشريك كلها ....



وطبيعي بحال مثل هذا الزوج او الزوجه بيتندم على هالزواجه


الجماعيه


خ خ خ ..



اضافة الى حالات الطلاق المتزايده بشكل رهيب ومخيف جدا


/



هذي بعض الأمثله اللي تخلي الواحد يعيد النظر ألف مره في


فكرة الزواج خوف من فشلها وخاصة اللي يتأثرون ..



قصه من واقع مؤسف ..



بنت بداخلها عقدة من الزواج وكلما حاول المقربين تزيين الفكره


براسها وتغيير مفاهميها الخاطئه عن الزواج مو قادرين



والسبب ..



انها تعيش جو اسري عنيف جدا ومكهرب



الأب دايم الضرب لوالدتها



والمشاكل لاتتوقف ابدن



والأبناء يعيشون حالة ضياع



والبنات في حالة خوف وهلع ورعب



فكانت النتيجه



انها تفضل البقاء بدون زواج خوفا من اعادة نفس السيناريو


في حياتها المستقبليه ..





..

لاضمانات على الحياة الزوجيه ولكن ..


كيف يتفادى الشخص الوقوع في الندم من اتخاذه لقرار الزواج ؟


كيف يتخلص الشخص من مخاوفه وعقدته من امر الزواج ؟؟

وسؤال من زمان في بالـــــــــــــي

ليش الكثير من المتزوجين والمتزوجات يقولون العزوبيه احسن

وليتني ماتزوجت ووش اللي حدني على المرّ

افهم من كذا ان الزواج مرّ وعلقم ؟؟

وتحياتـــــــــــــــي .. لكم انساتي وسيداتي وسادتي ..

وعسى بس ماطولت عليكم

[نبضاتي جعفريه...]

اشكرك اخي على هذا الطرح
الله يعطيك العافيه

[سيهاتي....]

بس ماجوبتي اختي نبوضه ترى في اسئلة

[سيهاتي....]

كيف يتفادى الشخص الوقوع في الندم من اتخاذه لقرار الزواج ؟
الحلم سيد الاخلاق يجيب أن يكون الزوج حليم
وغير متسرع في اتخاذ القرارت لأن اي قرار راح
يؤثر على مسيرة حياته بالكامل ففي التأني السلامة والعجلة الندامه

كيف يتخلص الشخص من مخاوفه وعقدته من امر الزواج ؟؟
يتخلص بالثقه في النفس وارتباطه بالله عز وجل
وعدم الاستماع الى ابواق ابليس من الشواذ
وسؤال من زمان في بالـــــــــــــي

ليش الكثير من المتزوجين والمتزوجات يقولون العزوبيه احسن

وليتني ماتزوجت ووش اللي حدني على المرّ

افهم من كذا ان الزواج مرّ وعلقم ؟؟

ما اعتقد هذا الكلام صحيح واللي يقول كذا
معنى هذا انه في خلل في حياته


مشكور ايليا على الطرح والموضوع النايس

حبيته

[جبرني الوقت]

وسؤال من زمان في بالـــــــــــــي

ليش الكثير من المتزوجين والمتزوجات يقولون العزوبيه احسن

وليتني ماتزوجت ووش اللي حدني على المرّ

افهم من كذا ان الزواج مرّ وعلقم صراحه انا ماعرفة اجيب على بعض الاسئله المذكوره بس حبيت اجاوب على هذا السئال لانه صج كثير من المتزوجات يقولون كذا يمكن انه كانو وهم عزاب حريه معهم اكثر من هم متزوجات وعلى العموم جزيل اشكر لك