|
وحـنّـآ صـ غ ـآر
وحنا صغار .. زرعنا في تراب الحلم ... حلم ويشبه العصفور ..! لكن طار !! وكنا صغار .. ويتفتّح صباح ٍ غارق بغيّه مثل تفتيحة الازهار ولاندري متى نمنا !؟ وكم نمنا ..! وش اللي صار !! وصوت الوالد المرحوم : يالله قوم ! أمان ودمعة استغفار !! وريحك يارغيف امي .. سوالف هاااااادئه واشعار !! وأتريق مع اخواني .. وتتريّق عيوني وجه ابوي الدافي الحاني .. واصك ّ زرااار !! وآخذ ( حُبّه ) من أمي .. وفي يدي " ربع دينار " !! وآخذ شنطة أحلامي على اكتافي .. واصحّي بـخطوتي درب طويل ومظلم وغافي !! وتصحى اشجار !! واروح امشي لـ مدرستي .. واناديها : يامدرستي ..! علامك ماتنفستي !؟ سوالف طفل ضحكاته أناشيد وغنا وامطار! متى نرحل عن اسوارك .. بعد ماكنّا شطّارك .. نبي مره ولو مره نحس ّ إنّا غدينا كبار !! هِنا كانوا لي اصحابي .. هِنا ضاعوا مع العابي ..! هِنا ياكم نخبّي من براءة فـ علبة الأسرار ! وصرنا مثل ماكنّا إنتمنّى !! والغريب اشـ صار !! رجعنا كبار تنمنى لو إنّا بس بقينا صغار !! شاعر أنا ياحنين الأمس محتاجك ....................... أبغاك لامن طرقت الباب .. تفتح لي ! مشتاق والله كثير لراحة إزعاجك ....................... مشتاق أحسّك مثل ماكنت تفرح لي ماتذكر الحلم يوم ينام بـ ادراجك ....................... تعال فسّر غيابه ليه !؟ واشرح لي ! مشتاق أداعب بحرك وألمس امواجك ...................... مشتاق ألامس عميقك وانت تسبح لي تعال واشعل بصمتي كلمة سراجك ..................... تعال لكن إذا ماجيت لك ... رح لي !! ماجيت شايل جروحي قاصد احراجك ..................... جيتك أببكي وابيك الحين تسمح لي !! بـ بكي على الناس والإحساس لاماجك .................... بـ بكي على الموت يوم إنه يلمّح لي !! بـ بكي على الجوع والموجوع لاداجك ................... بـ بكي على الكون والمدفون في وحلي !! بـ بكي على الروح والمجروح لا هاجك .................. بـ بكي على الحب يوم الحب ... لوّح لي !! ياخطوة الحلم نامي وسط ديباجك ! .................. وإلا اتركيني .. وخليّ الدرب .. وارتحلي !! الموت لامن بكيت وجيت .. محتاجك ! ................. وطرقت بابك .. ولابه ناس .. تفتح لي !! واروح اشرب .! هوى ذيك البراءة .. وابكي .. و .. أهرب ! |
صح السااااااااااانك
لاعدمنا عطاء ك المميز اخوي :1 (8): |
وه ؟؟!
ززي الصحيــح تهببببببببــل تصصصصصصصصصصصصصصصصصصصلــم خيووـو :1 (11): |
سيـهـآتي
ما اجمل حلة الأوراق بربيع حرفك تكتسي ألوان قوس قزح وتبعث في الحرف أنفآآآس اللغة شكراً كما تليق بنبضك الرقيق لأناملك حبات المطر |
سـمو البـرآءهـ
لا تكاد حروفي النطق خجلاً من تواجدك العطر هل تعلمين كلماتك بالنسبة لي ثلة من نور تضيء لي الروح قبل الكلم لك من الترحيب لباقة لا تليق إلا بك وشكراً لن أكتبها بل بدلاً منها باقآآآآت تقدير ... |
ويش اقول ويش اخلي
تجنن روووعه يسلمو خيو |
سـ ج ـى
ما اجمل أوراقي أن لا مست أناملك يرقد حرفك بين ثنايا الروح ليبعث فيني أملاً وفرحا جلل شكرا لروحك الغداقة بكل جميل ومن ثم شكراً لنبضك الصادق الذي يزخر بالرقة والعذوبة كوني كما أنتِ لروحك الزيزفون |
وااااااااااااااااااو
عفر جاتني الصيحة وش جا عازف روووووووووعة يسلمو |
بـرآءهـ وأرنو لترانيم همسك المتضرّم شقائق حرف ملائكي يهوى الرقة كما الماء الزلل عبق كلماتك ينعش خاطري ومرورك يزيد من بهاء الصفحات كوني دوما بالجوار فاضلتي لروحك دافئ البسمات تحياتي |
| All times are GMT +3. The time now is 10:24 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc.
الحقوق محفوظه لمنتدى صوت الرادود