منتدى صوت الرادود - مديرة أعمال لكن حسّها راقي

مديرة أعمال لكن حسّها راقي
فضلًا عن حسابها اللي ياكثر قلّه

لاحاسبت عمرها ماتطلب الباقي
ماهو فسق بس مشغوله ومعتلّه

بالشاعر اللي لاهو مريّح ولا شاقي
كل ماكتب بيت علّ الناس به علّه

يقول صوتك وهو يروي بي أرماقي
ابداع عبد المجيد بـ (اغنية قلّه)

مسامعي ريق و حبالك هي الساقي
لو غيرك ينشّفه ماغيرك يبلّه

ياودي اشربك و آذوبك بأعماقي
واعلّمك صبّة الفنجال والدلّه

لا صار عمك سعـودي وخالك عراقي
واللهجه ملبّكه وحروفها فلّـه

وشلون ما اصيح باسمك واكشف أوراقي
واسمك مثل حلم ماني قادر آوصل له

لو آوصله آآهـ ياويلك من عناقي
وان مت في سكّتك هذا الشّرف كلّه

وان موتوني عليك اقول من لاقي
يصير عنتر وقيس وباقي الشلّه

تصدّقين ان زينك خرّب اخلاقي
لاني لا شفتك (آكـنسل) كل خلق الله

أغلف الشوف وأقطع عرق خفّّاقي
وأضحك إذا جاب غيري سيره لخلّه

يابنت شوفك (ملف أوراق علّاقي)
وعشاقك كثار كلٍ يحلم بطلّه

تدرين لو كل هالعشّاق عشّاقي
اخاف بآثامهم لا اخرج عن الملّه

انا براهن عليك بكامل اشواقي
واصير من حط كل (البيض) في سلّه

عشقٍ يظلل علي من راسي لـ ساقي
والا على القلب والأشواق خلف الله

ان جيت من دون وصلك وجهك الباقي
وان مت في سكتك هذا الشرف كلّه