|
القاسم ابن الحسن
هذا جسام يزينب هذا جسام طرّوا الهام يزينب طرّوا الهام ********* يوم دارت آل اميه عالمخيم بالطفوف امـّه جابتله الوصيه امن الحسن ڴالتله شوف عرف مضمون الوصية او طب عله ذيـﭺ الألوف راح يم عمــّه الحسين ڴلـه امرك ياالحنين هذا جسام يزينب هذا جسام طرّوا الهام يزينب طرّوا الهام ********** راح يم عمه الحسين اومن كعد يمه حـﭼــه ڴام قدمله الوصيه شافهه احسين او بـﭼــه صار ابو السجاد يبـﭼـي او عالرمح ڴام انتـﭼـه ڴــام يصرخ يافحل عالحسن عينه اتهمل هذا جسام يزينب هذا جسام طرّوا الهام يزينب طرّوا الهام ********* يوم شاف احسين هذا اللي جره اوهذا السده ڴلــّه ياجسام يبني ڴوم رد عنــّه العده راح طب الغاضريه واليلاجيه شرّده ڴام بالعسكر يصول يفتر اعليهم يجول هذا جسام يزينب هذا جسام طرّوا الهام يزينب طرّوا الهام ******** من تعنــّه الغاضريه لابس اعمامه اورداء صال بجيوش ال اميه او نــزّل عليهم بلاء صاعقه ونزلت عليهم سيفه يرعد بالسماء طــّشّر اجموع الكفر ذبحـّاهم عالنهر هذا جسام يزينب هذا جسام طرّوا الهام يزينب طرّوا الهام ********* ڴـلب يسراهه اعله كيفه إلنوب رد اعله اليمين والحراير واليتامه تنظر الوجه الحسين رمله من شافت ابنهه للحسن دارتله عين ابني جاسم يالحبيب انصر احسين الغريب هذا جسام يزينب هذا جسام طرّوا الهام يزينب طرّوا الهام ******** من نزل للساحه جاسم شافته جيوش الغدر داروا اعليه بالسيوف او كلهم ارجاس وكفر راح ليه ابن الصميده شاله للخيمه وذر ڴـلب زينب مـرّده يوم جابه او مدهه هذا جسام يزينب هذا جسام طرّوا الهام يزينب طرّوا الهام **** خادم اهل البيت علي عبد الرضا السعيدي |
مشكــــــــــــوور
قصيدة رااائعهـ يعطيك العافيهـ بااانتضاار جديدكـ |
يعطيك العافية
|
يعطيك العافية
|
| All times are GMT +3. The time now is 01:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc.
الحقوق محفوظه لمنتدى صوت الرادود