منتدى صوت الرادود - يشهد لي .., لؤي البغدادي

يشهد لي رب الجلالة .. بعيوني ساكن خياله

شاغلني احسين بجماله .. ما غيره يصيرأبـبداله

-

يأخذني طيف الهوى امن أشتاق لحسين

ما أدري يجري العشق لوماي بالعين
ضليت دمع العشق بالعين سـﭼاب
شيطيب جرح القلب ياحسين لوذاب
أنته الحبيب ..أنته النصيب .. أنتهالقريب
ياأغلى من غالي
محبوبي وَساكن عيوني .. ما غيرك شاغل ظنوني
ياشوقي وحبي وجنوني .. يالهيّم قلبي ابوصاله

* *

الله الله من هالعشق الله الله

ذوّب دليلي الغرام و ذاب وياه

يا ناس هايم أناوَ بحسين جنيت
ما غير هذا الأسم بالكون حبيب
ابجنح الحمام .. أبعث سلام .. وَهالغرام
ما غيره يحلالي
يرويني وَ تحرقني ناره .. تأخذني ألـ حب العذاره
محبوبي طالإنتظاره .. يابدر اعيوني وكماله

* *

عذّبها روحي الدليل وحار وياك

هاجرني قلبي ونساني و ذاب بهواك

يا هو أليداوي أليحب ويصيرمجنون
من غير قلبه الليالي ايعيشه اشلون
طال المغيب .. أبلا حبيب .. و شلون أطيب
بيموت دلاّلي
ما غيره ايداويها روحي.. محبوبي وبلسم جروحي
ما لحظة يفارقني نوحي .. إلا قبالي ايمرخياله

* *

ريت آنه أصيرن حمامة تطير و تشوف

كلما يهزها العشق بأشواقها أتطوف

كل يوم بشفافي باب احسين ينباس
و يصير شاهد على الدمعات عباس
أنته الصبر .. وأنته البدر .. وأنته العمر
ياشوقي وآمالي
من عاشق ذايب دليله .. من عاشق هام ابخليله
من عاشق حبك سبيله .. و ألـ نهجك من زغر هوالى