منتدى صوت الرادود - أجيك بقصّة الورده تجيني بقصّة التفاح

لأنّي مختلف جداً وأغامر وأنفعل وأجتاح
خطوطٍ لونها أحمر على كيفي الوّنها
وأحب أعكس خطوط السير وأمشيها وأنا مرتاح
لانّي تقدر تقول العب اللعبه وضامنها
إذا غنّوا على النعناع قمت آغازل اللقّّاح
واجيب أشياء غريبه وآتحدى لين أبرهنها
وأحب أركب سياحي دام الأولى تجمع السيّاح
وأحس انّي أعرف أسرار واجد مادروا عنها
ولكن يوم حبّيتك عرفت إن الدموع سلاح
وعرفت إن الاوادم فعلها من طيب معدنها
أنا من جيت فى دربك وأنا أرسم على الأرباح
وكنت أحسب بأنّك خابز الشغله وعاجنها
لقيت إنّك تشك بنفسك وفيني وفي اللي راح
وكلماتك إذا استعجلت مايمديك تــوزنها
يجيك الجني الأزرق وتملي فكرك الأشباح
شياطينٍ جعل ربي يسكّنها مساكنها
أجيك بقصّة الورده تجيني بقصّة التفاح
تحسب إن الأوآدم كلها آدم ملقّنها
أنا لي فيك حاجه مثل ماللقفل بالمفتاح
تضيق بصدري الدنيا ولا غيرك يهوّنها
حبيبي يوم خلّيت الدروب الخافتات شحاح
وأنا يومياً أحفرها عشر مرآت وأدفنها
مع ان اللي ذبحني فيك كانت دمعة التمساح
ولكن دامها منّك جعلني ما خلآ منها