منتدى صوت الرادود - هوسات لميلاد أمير المؤمنين عليه السلام

هوسات بالطريقة العراقية لمولد أمير المؤمنين عليه السلام

هوسات

ألف لعنة اعلى ساسك ياللي ما تفهم علي حيدر ياجاهل حيدر الأعلم
طريق الما يجيه حيدر طريق اظلم
حيدر حيدر نور الجنة يالتجهل روح انشد عنه
بالقرآن وكتب السنة
***
إذا صاحي تصفح بالعقل يا ريت منو لاجله انشطر وانشق جدار البيت
تلاقي غير ابو الحسنين إلك جنيت
حيدر بس وماحد غيره يا مجنن مصكوك بحيره
موت بغيضك ومن الغيره
***
أثر واضح على الكعبة بقى ولليوم عشان الينكر بعينه يظل ملطوم
ورصاصه بقلبه وقلبه يظل ملجوم
كرار وبيت الله بيته واعلى العالم شايع صيته
من صغري حيدر حبيته
***
أبد منلومه لا الحاسد ولا المحسود لأن ذكر الوصي بكتابه ما موجود
وترى المحسود حقه لو بقى محسود
الولاية نعمة باريها والشيعة بس تفخر بيها
دام الكرار محّليها
***
ياجاهل أقصد الكعبة وحاكيها وقلها يامَرَه هاللي اندهت ليها
او يا مولودها هاللي انولد بيها
حيدر حيدر حيدر حيدر روح انشدها ومنها اتخبّر
بالكعبة اجوابك والمصدر
***

تأليف الشاعر الرادود / أحمد الحداد