[إيليا]

ما تنسي خيبر لا والله يا حيدر لا و الله يا حيدر ما تنسي خيبر
يالطبعك أطباع الأسد يالمعدنك جوهر كلما يمر بيك الزمن تغله بعد أكثر
*
طبع الذهب يا با الحسن من تصهره النار يكثر صفاءه و يرتفع و اتزيد لسعار
و انته ادخلت نار الحرب يا حامي الجار كلما يهيجون اللهب تصمد يكرار
يا أصفه كل معدن يالقيمتك أثمن
يالقيمتك أثمن يا أصفه كل معدن
كل شي سعر بيه و ثمن و انته الما تتسعر
كلما يمر بيك الزمن تغله بعد أكثر
*
كَالوا علي الذر و الذهب و الوادم اتراب ابهاي الذهب هوه انمدح يا داحي الباب
كل ذره تخضع للسعر تخضع للحساب و انته اللي ما يحدك ثمن يا ذر الألباب
سعر العرش سعرك و ابها القدر قدرك
و ابها القدر قدرك سعر العرش سعرك
كلما نطالع سيرتك يتوضح المصدر
*
اتبعنه موارد سيرتك و اليتبعك فاز كل شي ابحياتك معجزه و مصدر للإعجاز
من مولدك الحد مقتلك مجموعة ألغاز بالكعبه نورك ينولد هذا أول إنجاز
من هذا برهانك ربك رفع شانك
ربك رفع شانك من هذا برهانك
كلما كبر عمر الدهر مجدك بعد يكبر
*
ابحجر النبي الهادي إنشأت و ابطلفه رباك مفتاح أبواب العلم يالمرتضه إنطاك
كل باب ألف باب انفتح و ابعلمه أثراك هوه المدينه للعلم باب إلها خلاك
باب العلم انته سور العدل صنته
سور العدل صنته باب العلم انته
الوجهك سجد وجه الدهر و ابعالمك فكّر
*
ابكل غزوه جنت اويه النبي و تصنع بطولات و اندحرت ابسيفك هُبل و العزّه و اللآت
بالخندق و خيبر إلك ظهرت كرامات ادحرت اليهود ابهمتك يا أوحد الذات
مرحب إلك يشهد يا معجزة أحمد
يا معجزة أحمد مرحب إلك يشهد
رغم اليهود ارتفعت شانك فلا يزغر
*
تمضي اليهود اويه الزمن و اتخلف ايهود معركة خيبر يا علي تجدد اردوود
لبنان خيبر تلتهب و المعركه اشهود أشبالك اتصد الكفر بالهمه و الزود
خل يسمع المحتل ما نخضع و نندل
ما نخضع و نندل خل يسمع المحتل
تجدد خيبر من تشب انته ابعزم تظهر
*
أحفاد ابهاي الحرب يا نعم الأحفاد ابوجه اليهود استبسلت و اكتسبت أمجاد
أحقاد كلها ترتجز و اتصب الأحقاد صاروا عبيد ابها الأرض و أولادك أسياد
هسه الأرض تلهب يالجندلت مرحب
يالجندلت مرحب هسه الأرض تلهب
اوجوه اليهود امعتمه ووجهك يظل يزهر