[عـازف الآهـات]

يا دمعي اللي ما انهِمرْ
............ خلِّكْ وسط عيني سِجينْ

خلِّكْ بِعيد عْن النّظرْ
............ خلِّكْ على حزني أمينْ !

حتّى لَو فْوادي انْشطرْ
............. جرحٍ و آهاتْ و ونينْ

خبّرهم إنْ دربي خَضرْ
......... و إنّي مُحاطة بـِ ياسمينْ !

لا تِفضحْ اللي بي انسترْ
......... و ارتاحْ في جفنِ السّنينْ !

أدري بـ إن دربي وِعِرْ
............ لكنّ لي : " ربٍّ يِعينْ "

يا ربّ سخّر لي القدرْ
.............. يا ربّ ألهمني اليقينْ

خوفي على نفسي كِبَرْ
............ لاْنّ الفَرح فيّه حزينْ !