وش بتخسر لو تـردّ المراسيـل
كيف حالك وأنا ماني بحولـك ؟
هي دموعك تجف وترجع تسيـل
هو غيابك بصمت آخر حلولك
في غيابك تعبت آحـط وآشيـل
صعب فرقاك والأصعب وصولك
جيتك أمشي بليـل بـلا قناديـل
مامعي غير خوفي مـن ذبولـك
ألمح الغيـم وآجـرّ المواويـل
وأسأل الليل عن لحظة حلولـك
قـدّ ماغـرّق الدمـع المناديـل
قدّ ما اجدبت واشتقـت لهطولـك
يمكـن أحيـى فالأيـام المقابيـل
ويمكن آموت لو غيري ينولـك
والله إنك بطل وأتقنـت تمثيـل
وأكثر جروح قلبـي صفقّوا لـك