[مؤسسة كليم الحسين الفاطمية]

يا سيد العرب يا سيد الاوطــــــــــــــان نعم رمز الحضاره من يسمونك

منو مثلك وطن لو نقرأ بالتأريخ انته بكلـــــــــــــــشي أول من يعدونك

صباحك نور ومسائك خير يعراق يا دجلة وفرات الخــــــــــير مجنونك

يا ريحة العنبر يا موطن الخيرات يا جرح القلب خايف يحســـــــــدونك



لا تبكي يا وطن أرجاك لتنوح صح انــــــــــــــــــته حزين ابدم يحنونك

أشكد حليم انته يا طبع السماح تنوح انــــــــــــته حتى اعله اليذبحونك

يشلعون الورد من كاعك الطيبه واحقاد وظلم وســـــــــــــفه يزرعونك

صيح ابزود زودك يا عراق النورعراقيــــين بأسمك تعرفهم ويعرفونك



عيش بزود جودك يا عراق حسين الغيره والعلم والحلم كلهم يطوفونك

وطن يحضن علي لا ما يطخ الراس ارفع رايـــــــتك خلها على امتونك

منو مثلك وطن يا اخضر التربان ورث دم الحسين احــــمر صبح لونك

وافتخر حتى الفخر بأسمك تسمه أني عراق وبالـــــعراقي قرها عيونك



كليم الحسين بسام الشمري