[كرار العيساوي]

جفاكم نار يشبه لهبة انفاسي
تعالو شكَد شعر تلكَون بأحساسي
مشيتو وراحت أحلى سنيني وياكم
شكثر حاجيته كَلبي ورفض ينساكم
بعيدين وصوركم باقيه براسي
/
مشيتو ونار ضلت تاكل بصبري
وعلى ريحة صوركم خلصت عمري
ألسوالف والليالي ألتمن بعيني
وبعدكم كَمت أحس بالمآي يجويني
وأنه بنص الشماته وجيب اليواسي
بعيدين وصوركم باقيه براسي
/
بعيدين وقريب الموت من روحي
تنآم اخباركم ويفزن جروحي
على دروب الشماته تبدت أيامي
وبرخص التراب انباعت أحلامي
وكلام الناس سيف ويجرح احساسي
بعيدين وصوركم باقيه براسي ؟
/
أتنفس هواكم وأشرب الذكرى
وكَلّبي يريدكم هالليله شيصبره ؟
دورت السوالف بلكت الكَاكم
لكَيت آخر حجايه حجيتهه وياكم
( محروسين بالله ) لهسه ما ناسي
بعيدين وصوركم تاكل براسي




للشاعر زياد البصراوي ~