[عـازف الآهـات]

وشلون يسلى القلب والقلب مجروح
محبوس في صدره ولا أحدٍ درى به

على فراقك يا علي يكثر النوح
و إن جيت لأمك تل قلبي مصابه

أبعد عن الديره و أكثر من البوح
وأهيّض العبرات و أبكي غيابه
أشوف طيفك يا علي وين ما اروح
بالبيت و بالدكان بعتبـة بابه

و إن شفت خلّانك بدا صدري يفوح
أذكرك و أذكر لعبكم بالكعابه

يا من فقد جمّارة القلب والروح
كلٍ به من الضيق والهم ما به
الله يرضينا ما خط باللوح
الله وجلّت حكمته في كتابه