07-31-2010, 01:37 PM
|
|
|
أنـا بـدوي يابنت ألاجـواد رحّــال
يشدني بعض المواقف شهامه
بيتي بنيتـه للرجاجيـل مدهــال
والنـار للسـاري دليل وعلامــه
بيتيَ شَعَـر راعي غنم راعي جمال
مرفوع راســي لك عسير انخدامه
طفـلٍ روى بيدين فارس وخيال
طفلِ نهض للسرب قبل إنفطامه
طفلٍ ليا منه فزع فـزعة رجـال
واذا تكلـم مربطـه في كلامـه
حـرٍ ليا منه شهـر تخمر اجوال
وليا نوى المنزال يرفع مقامـه
ذيبٍ ليا منه عوى تصرخ جبـال
وليا وقف يكبر عليـه انهزامـه
|