اخي العزيز ابو طه اليك هذه القصيده تجليه واذا اعجبك الباقي سوف ارسله لك
اعتنيتك ياجفيلي وياضوه عيوني
مهضومه وعلايم صوط بمتوني
***************
اعتنيتك ياضخرنه البالخدر كفال
واشكيلك يخويه الماخطر عالبال
تدري شلون عكبك من ولتنه انذال
انه الحره الجنت بحماك سلبوني
****************
سلبوني واثرهم علمتن نيشان
واحشم ياعضيدي ومابكت وليان
بكت ونه بدليلي تحشم الخوان
لجن رده الصده وخانت تره ضنوني
*******************
ضني خاب عكبك ياعضيد حسين
وكصت بيه النوايب ياضوه العينين
وعلينه الكوم صالت يلاخو صوبين
تمنيتك عدل يلبيك فجعوني
**************
تمنيتك عدل يلكلك مروه
وتفزع للاخت ياصفوة الخوه
وتشوف شلون من الصوط اتلوه
وصيحن يخوتي ولا من تسمعوني
*********************
ردت منكم تسمعوني وردت نخار
يفزع للحرم ويخمد الها النار
يلم ايتام وياي الغدت طشار
وعلمصاب السده علينه تصبروني
****************
تصبروني يصبربي اللي تبده وضاع
واخبرك ياعضيدي اللي تهابه سباع
طمع بينه عكبكم كل جلف طماع
ومسينه اسره واسمعهم يشتموني
*****************
اسره امست حرمكم ياكمر هاشم
وانت بعيد عنها وعلترب نايم
كوم الها يصلها وجرد الصارم
وكر عيون يلبسمك تنادوني
****************
كر عيون اختك والحرم تتناك
وتدري بيك غانم للذي ينخاك
وانه بنخوه نخيتك وارتجي نخواك
دنهض ياعجيدي اعداك وصلوني
*******************
دنهض ياعجيدي ورجب زنودك
وزم السيف يلسيفك علي بزودك
وخل تحتار بيك الوصلت احدودك
وادري بيك تزعل من يهضموني
*****************
مهضومه ولفيتك ياعزيز الوح
ورست بيه يبن عودي جثيره جروح
ماتبره عكبكم لاتبطل النوح
دواها اخواك شح بيها وتركتوني
***************
تمت والحمدلله
************
خادم خدام الحسين
الشاعر ياسين الوائلي
****
وتحياتي الى خادم الحسين
الرادود مله ياسين الوائلي