[شهد الفتلاوي]

قصيدة عن الام،،أهداء لكل الامهات وهي من كتاباتي،،اتمنى ان تنال اعجابكم:

مقصر والله كلش بيش اجازيج _ وبياوصف يمة اكدر اوصفـــــــج

أنتي الدنيا كلهة وانتي تاج الراس _وصبر الكون مايوصل الصبرج
...
أنتي بلاية شك خصج آله الكون _قيمة التعبج ومنزلة القدرج

هدالج جنتة وهذا الج تقدير _ ورسولة الوصة بيج وكال عنـج

(أمك ثم أمك ثم أمك) كال _ يعني شكد عظيم بهذا حقج

ربيتي وتعبتي ويانة يمة هواي _ مشكورة ييمة بهذا تعبج

تبقين أنتي أمنة وشمعة البيت _وخيمة أعلينة انتي وغالي أسمج

وأنة اشسويت احس مقصر وياج _اعذريني ييمة أطلبهة منـــج

بس كلمة أكولن ردت الج هاليوم _أحبـــــــج والله يايمة أحبـــــــج

مع تحياتي
الشاعرة:
شهـــــــــدالفتلاوي(شمس العراق)
23/5/2011