[خالد جاسم]

حبيبتي .. لامن .. غديتي .. لي .. سراجً .. أتبعـه ..

كنـّي .. غديت من الضما / أركض ويطردني السراب


لاتبخلين : أذا شربتك / ماشربتك من سعـه

دامي من جروح الهموم الموجعـه كلي صواب


اليوم مرتني السواني / والفصول الأربعـه

اليوم مريت المواني والمباني والسحاب


يابنت : في خدّك وهج سيل الشموس الساطعـه

أحرق بداخل خافقي / أنسان ماهو : للتراب


واللي خلق ضمّ الليالي فالعيون الهاجعـه

أني من الحرمان أتسأل / وحرماني : جواب


يوم الوداع،، أتخيلي / مالي حبيب : أوادعـه

محروم انا،، وأتخيلـي / محروم حتى من : العـذاب