الى شعراء الطرب والغناء
انه الومضه انه الشاعر ــــــــــــــ انه الكراس والحاضر
خادم ابقه لهل البيت ـــــــــــــــــــــــ قلم عندي يضل ثائر
وانته ابقه بغنه الشيطان ـــــــــــــــــــــ وخله ينفعك باجر
يل عايف رضه الرحمان ـــــــــــــــ او بالدنيه صرت تاجر
متغرني ابدهيهات لاتدنه ياكافر لاتشاطرني بالابيات ماتكدرلي ياشاطر
خادم انه للطيبين ـــــــــــــــــــــــــــــــــ وللحجه انه مناطر
وانته بعالم الاوهام ـــــــــــــــــــــــــ ومن سيفه تضل طافر
لو اكتب شعر وجدان ــــــــــــــــــــــــ يبجي ويكسر الخاطر
من اكتب على الزهراء ـــــــــــــــــــــــ واذكر منحر الطاهر
تلعب انته بالوجدان ـــــــــــــــــــــــــــــــــ ودور شعر ظاهر
تكتب بيت للسياب ـــــــــــــــــــــــــــــــــ وتذكر كاظم الساهر
حبر دمي ودموع العين ـــــــــــــــــــــــــــ وبيهن انه متفاخر
دفاتر عندي بالاوزان ــــــــــــــــــــــــــــ عجيبه تريدنه اناظر
مانتناظر انه وياك ــــــــــــــــــــــــــــــــــ انصحك ابعد وهاجر
طكـ احجي من الاخر ـــــــــــــــــــــــــــــــــ لحسين العمر ناذر