كيف تعرف الحساوي؟؟؟؟؟

[شعلة تفائل...]

السلام عليكم ورحمته الله وبركاته
صباحكم/مساكــم
خير




الحساوي رجل يعيش في منطقة الأحساء بالمنطقة الشرقية في السعودية
اصل العائلة من الأحساء لا اتي من خارجها وسكن ولم يأخذ
جزاء من طباع اهلها الا السكن هذا ليس حساوي عذراً
فقط توضيح للمسمى حساوي

كيف تعرف الحساوي

1- إذا صلى الفرض وانتهى من صلاته .. وانتهى من التسبيح التفت على اللي في يمينه وسلم عليهم والتفت على اللي في شماله وسلم عليهم
2- إذا شافك وقابلك في الطريق سلم عليك سواءً كان يعرفك أو ما يعرفك
3- إذا جاورته ما لقيت من وراه أذيه .. يعني ارقد وآمن
4- تلاقيه بسيط .. طبيعي .. سموح .. وسيع صدر .. وعلى نياته
5- إذا طق عليك الباب عطاك سله فيها رطب اخلاص أو غرّ .. وإذا جاء وقت الصرام ما نساك من التمر الزين
6- تلاقيه غارس في بيته فسيله وتشوفه مهتم فيها بنفسه
7- تلاقي عنده سيارتين .. الأولى كابرس يروح عليها الشغل .. والثانيه سوبر حق طريق مكة
8- تلاقي طموح أبناءه إذا تخرجوا من الجامعه إنهم إما يصيرون مدرسين في الحكومه أو مهندسين في شركة أرامكو .. وأزيدك من الشعر بيت .. كل واحد منهم يبي يتزوج مدرسه ويسكن في شقه لحاله
9- اجتماعي من الطراز الاول .. يعني ما تمل من سوالفه
10- يزعل لكن قلبه أبيض بسرعه ينسى وعلشان كذا ما تلاقيه حقود .. وإذا كان حقود يعنى شاذ عن القاعده
11- إذا شاف شيء غريب أول مره يشوفه أو يسمع فيه .. قال: الله ..
12- إذا قلت له: على كيفك .. رد عليك وقال: ما يحصل
13- إذا جاء شهر رمضان طق عليك الباب وعطاك صحن هريس من طبخ أم عياله وتلاقيها متنغصته حق زوجتك
14- إذا طلع تقاعد .. تلاقي طموحه عماره في الخبر أو الدمام .. ومزرعه في الحسا فيها بركة سباحه .. وتنور حق المندي
15- يخاف من العين .. علشان كذا تلاقيه يقول لك .. قول ما شاء الله
16- اذا كان ساكن في الدمام ، الخبر ، الظهران ، الجبيل أو أي مدينه أخرى، وجاء يوم الاربعاء حرك ونزل الحسا .. وفوق كذا يحب يقضي العيد عند أهله وجماعته هناك..
17- ما ينساك في العزايم والمناسبات .. يعرف الأصول وكريم
18- إذا شميت ريحة المشموم " الريحان " في بيتك اعرف ان زوجته كانت تزور زوجتك
19- يستانس وينبسط لما يشوف ناس من أهل الحسا ..
20- يحب يقرأ اللي ينكتب عن الحساويه .. وعلشان كذا قرأ كل الكلام اللى أنا كتبته من 1 الى 20 ..

<<< الخيانة صارت ميانه : خوفي بكره كل منطقة يسوون زينا هههههههه
الغيرة كايده الناس ههههههه
...

تحياآآآآآآآآآآتي..

[سيهاتي....]

والله الكلام عن الحساويه صحيح

ودودين بسيطين وحقيييين فزعه

[فوفو]

تلاقي عنده سيارتين .. الأولى كابرس يروح عليها الشغل .. والثانيه سوبر حق طريق مكة
هههههههههههه اما عاد هاذي منتشره عندنا

عوااافي

[شمع الامل...]

اوه اوه مقدر انا
افتخر انا حسااوية والنعم فيني وفي اهل
اهل الحسا كلهم

والنعم باأهل المنتدا كلهم اجمعين
والنعم بااهل سيهات والدول الاخرى
مشكورة على الموضوع الجميل
تحياتي لك شموعه انا

[مجنونه بحبك]

والنعم باهل الفزعه ..

يابعد حي هم الحساوبيه ..

يعطيك الف عافية ع الموضوع الناس..
دمتي بالف خير ..

[نازفة القلب...]

يسلمو ع الموضوع الرائع

[فدوك...]

اي والله قريته من 1 الى 20

يعني حساويه 100%

هع



يسلمووووووو

[مرسال العشق...]

هههههههههه
حساااويه وافتخر
5- إذا طق عليك الباب عطاك سله فيها رطب اخلاص أو غرّ .. وإذا جاء وقت الصرام ما نساك من التمر الزين
امااا هااذي لازمنااا كل بيت عندنا ارطب من جرياانه ..100%
فديت الحسااااا
...\