فصيلة دمنه m

[مؤسسة كليم الحسين الفاطمية]

رسائل شوك
فصيلة دمنه





الك وحشة يمهدينه غيابك طوّل أعلينه
مشتاكه الك هالعين أبيا أرض ومدينه الحين
غيابك طول أعلينه





ألك نبضات قلــــبي تعزف أشواك
وكل نبضه يمهدي أتصيح مشتاك
مرمرني الهـــــجر عذبني الأفراك
يا يوم الأشوفك وأحــــتمي بحماك
رسائل شوك الك وديت ولا وحده ألي رديت
أسوم اعليك ابو الحسنين
أبيا أرض ومدينه الحين
غ



اليحب همه حبــيبه ودوم كدامه
يطيِّب خاطره وأيحــــقق أحلامه
يا قبلة صلاتي وديني وأسلىمه
الك هاي البشر يالمهدي محتامه
الك أرواح ملهوفه تنوح أبمسجد الكوفه
مكانك يا حبيبي وين
أبيا أرض ومدينه الحين



صرخات الموالي ألشوفتك تعله
طالت غيبتك يا هــــــــيبة المِلَّه
يمته ٳتْؤُمنَه وأبمــسجد السهله
ونرخصلك مهجنه عليك ما تغله
ونصد الرآية العباس بيمينك ترف عالرآس
وألك ثآرات منتظرين
أبيا أرض ومدينه الحين



يمته أبصارمك ياسيدي أنشوفك
تكصد للغري وتتـــــعنه لطفوفك
ألك نحر الحـسين أيردد أحروفك
لا تنسه البـــتول وثآرها أيطوفك
ما تنعد ألك ثارآت تردد بأسمك الصرخات
عجل يا حفيد حسين
أبيا أرض ومدينه الحين



حتى النور ألك مشــتاك يا مهدي
ويآنه أستعد وأصـــبح ألك جندي
وآنه أويآه أبث أشواكي كل ودي
غيرك يا حبيبـــــي والله ما عندي
أبحبك آنه متقوي أشربه ومنه ما أروي
فصيلة دمنه موالين
أبيا أرض ومدينه الحين



ألدعاء الندبه ألك يا سيدي أمواظب
أنه وحتى أبوصــــــيتي يا متى كاتب
يمته أتهد عرش كل ظــــالم وناصب
وعليها أتصول صـولة بن أبي طالب
صحنه أبلوعه وبونه عجل بالفرج ألنه
تدري الشيعة مظلومين
أبيا أرض ومدينه الحين



دعاء الفرج ينــــــحب ويَّه احبابه
الفرج رايد فرج وأدمـوعه سجابه
دين الله جريح وفكـــــــدك أصوابه
وينوح أويانه آه يحسين وأمصابه
دينك وأحنه والأسلام بغيابك صفينه أيتام
وويانه ينوح الدين
أبيا أرض ومدينه الحين

29 شهر الله 1432هـ

لا تنسونا من الدعاء




كليم الحســـين بسام الشمري

[مؤسسة كليم الحسين الفاطمية]

حبيبي الملا الذي لم تذكر أسمك
فقط كتبت اسفل طلبك الرادود القطيفي
انا خاااادم لك
لكن هذه القصيده
هي من أعداد اصداري الجديد فرحة الموالي الجزء الرابع
اذا تحب أكتب لك غيرها ما في مشكله وانا خادم


معلومه احبتنا
اي رساله تأتي لنا على الاميل لموضوع نشرناه هنا
لا نرد عليها بالاميل بل هنا

[المنار الشمري]

http://www.4shared.com/audio/U8XZtcKz/___online.html

هذا رابط القصيده البارحه هذه القصيده قرأها الملا بسام الشمري في مجلس خاص له
كان المهندس للصوت اثناء المجلس كرار الكناني
انشاء الله يعجبكم
وعن قريب تسمعونها بتسجيل الاستوديو

[مؤسسة كليم الحسين الفاطمية]

اوك
اوك عزيزتي منار

[إيليا]

راااااااااااااااااااااااااااااااائع كلمات روووعه

والقااء مميز في الرابط


سلمت يمناكم وتسلم عراقنا

يعطيكم الفع اااافيهـ ,,,

[مؤسسة كليم الحسين الفاطمية]

ربي يسلمك حبيبي
أن شاء الله عزيز قلبي
نورت يالغالي
وانا ابخدمتكم
فقط
لا تنسونا من الدعاء

[بنت السادة...]

روووووووووووووووووووووووووعة
يسلمو يالغلا
بارك الله فيك ع الكلمات الحلوة

[مؤسسة كليم الحسين الفاطمية]

بنت الساده
انتم
الروعه والرواااائع
ربي لا يحرمنا منكم ومن طلتكم
لا تنسونا من الدعاء