عَـزفُ عَلـىً الآهَـآتْ

[عـازف الآهـات]

سألت عنها الناس قالوا حبيبتك

تعيش بأتعس حال من يوم فرقاك

[عـازف الآهـات]

حبيبتي ماعاد أنا ناقص هموم

عندي من المعهد شهادة فالأحزااااان


مدري عيونك كيف تقدر على النوم

وانا عشانك حارم النوم الأعيان

[عـازف الآهـات]

أحبّـها حتى ولو هي دبـّـة

وكذاب من قال إنـّها تهواني


تكتب قصصها والقصيد تحبّـه

وأكتب لها عشقي ولا تقراني


دايم أشوف طيوفها وأشبـّـه

وأقول من دلّ الغلا عنواني


دبـّة وقلبي دائماً تلعب به

وهي بريئة مادرت بأحزاني


النار في وسط الخفوق تشبّه

والدمع دايم يشتكي لأعياني


القلب له شهرين أدوّر طبّـه

يالعنبو هالحزن ماينساني ؟!

[عـازف الآهـات]

لو قلت أنا مشتاق لك

لاتصدق !!


أنا كرهت الشوق بأسباب

غيبتك

[عـازف الآهـات]

الحزن أنا وياه من أربع سنين

وأنتي معاك الحزن من يوم مولدك


لكن مدام إنك معي لاتخافين

أهديني أحزانك وأنا ناوي أسعدك


وش رأي قلبك لو بدينا من الحين

ننسى الحزن وتكون يدّي على يدك


بكتب قصايد فيك وأنشر دواوين

وأكتب إلين الشعر بكرة يمجدّك


ونصير قدوة بين كل المحبين

ولاعاش من هو عن طريقي بيبعدك


كلمة ( أحبك ) رددوها ملايين

مانيب قايلها ولاني مواعدك


يكفيني إنك ساكنة داخل العين

ويكفيك بإني بالمحبة معاهدك


ياللي جمالك غير عن هالمزايين

وشلون ماخفتي من الناس تحسدك ؟


أنا أخاف يصير لك شي بعدين

وأخاف بعض الناس تشرك وتعـ00000 )

[عـازف الآهـات]

خالد يغنـّي وأنا أغنـّي
معَ خالد

( خذني بقايا جروح )
أرجوك داويني

[عـازف الآهـات]

طالت الغيبة وأنا خايف كثيـر

يعجبك درب الغياب وتسلكه


تحسب غيابك مهو أمرً خطير ؟

شف حياتي فالغياب مشربكه


صح أنا شاعر ولي قلبً كبير

بس قلبي من هو غيرك حركـّه


مستحيل أنساك لو مهما يصير

ومستعدّ أدخل عشانك معركة


مستحيل أنساك لو صرت الوزير

ياخي حتى لو ملكت المملكة



في غيابك لاورود ولا عبير

ياخي حتى المال مافيه بركة

[عـازف الآهـات]

تعبت أقول الصحّ وينه وأسويّـه



ودّي أسوّي لي خطأ في حياتي