عَـزفُ عَلـىً الآهَـآتْ

[عـازف الآهـات]

لاتسأل اللي يحبّك : ليه متضايق ؟
حاول تخفف عليه بكلمة : آحبـك

[عـازف الآهـات]

اليوم هذا يوم ماهوب عادي
في أوله دمعة وفي آخره ياس

الناس تشكي بس انا انسان هادي
أموت ماأشكي همومي على الناس

[عـازف الآهـات]

حبيبتي في وصالي كنّها زوجة
أربع وعشرين ساعة ماتفارقني


أحيان تهدأ وبعض أحيان مرجوجة
وأحيان تزعل عليّ وتقول طلقني

[عـازف الآهـات]

تدرين أحبّك موت والكل يدرون
لكنّك بعيييدة وصعبة ظروفك

وأنتي حياويّة وأنا شخص مجنون
يمكن أخرّبها على شان أشوفك

[عـازف الآهـات]

ودي بقربك وأدري إنك تبيني
لاتستحي قل ودّي الحب يكبر

مابيك تتركني لغربة سنيني
لكن أبيك تبيّن إحساسك أكثر

[عـازف الآهـات]

اللي سألني عن أحوالك وأنا ساهي
كنّه ينبّش عن الأحزان في صدري

حاولت أدوّر عذر لو هو عذر واهي
وطاحت دموعي عليه وقلت له مدري ..!

[عـازف الآهـات]

أبيك تاخذني من أحزان دنياي
ودي أحس إني معك شخص ثاني

أضحك وأترنّم بصوتي مع الناي
مليّت أعاني وأنت وصلك ( أغاني )

علّقت بوجودك أمل عمري الجاي
ودي أعيش بلا حزن لو ثواني

[عـازف الآهـات]

يضيق صدر الغريب إليا فقد داره
ويضيق صدر الحبيب إليا فقد غالي

ياليت بين البشر والخافق ستارة
وماتقدر تشوف هذا الحزن عذالي

لو أمسح الدمع تارة وأتركه تارة
من يمسح الذكريات اللي على بالي ..!