المعادلة صعبة للشاعر مشاري الشليمي

[نب قلبي ضــــــ حيدر]

يهزني لك حنين ٍ ما تحملته
حتى تطيح الدموع و تنشف أهدابي

و الشوق ما عمر قلبي جاوب أسألته
يا ليت تدري غيابك و يش سوا بي

طعم الأغاني بـ بعدك ما تقبلته
لا الشعر شعري ولا الإعجاب إعجابي



و الحلم قدام عيني طاح ما شلته
مافيه أقسى من إني أفقد أحبابي

القلب من بعدما الأشواق أشغلته
كنه يبث الحزن و يطيـّـر أسرابي



القلب خسران في بعدك معادلته

لا زاد عني غيابك .. زدت بـ عتابي

فيني حكي عن غيابك بس ما قلته
تعال ناظر عيوني وإنت أدرى بي


كف المواصل فـ بعدك كم توسلته
ياخذني يمك أو يجيبك على بابي

يا كثر ما جيت في بالي و شاغلته
و يا كثر ما أحسب و لجلك ضعت بـ حسابي


جرح المفارق حبيبي كيف حللته
من بعد ما كنت لي أقرب من ثيابي

قلي وش اللي قدرته بس ما طلته !
كل ما أشوف الأمل .. أفتحه له أبوابي

كل شي يمكن يجيبك لي حاولته
حتى ولو في مسيري زادت أتعابي

و آرد خايب و لا به شي حصلته
و أبكي غيابك و تبكي حالي أقرابي


شفني تمثنيت عمري لك و أهملته
شفني تبعت الشعور العذب بركابي

تعال حتى لو شعوري تثاقلته
الدمع جرّح لي خدودي و أهدابي


يا أكثر إنسان في هـ الكون دللته
هو فيه أقسى من إني أفقد أحبابي .... ؟؟؟

[بويوسف88]

لا تظن ان الاحبة ممكن يفرقها موت
لاتظن ممكن بلحظة للمحب يبدى السكوت
خلها في بالك وقلبك ما اغيب فبطن حوت
كاني يمك بكل شي احبك واقولها باعلى صوت


الله لايفرق الاحباب
مشكووورة نبض كلمات روووعة

[نب قلبي ضــــــ حيدر]

اقتباس:
المشاركة الأصلية كتبت بواسطة بويوسف88
لا تظن ان الاحبة ممكن يفرقها موت
لاتظن ممكن بلحظة للمحب يبدى السكوت
خلها في بالك وقلبك ما اغيب فبطن حوت
كاني يمك بكل شي احبك واقولها باعلى صوت


الله لايفرق الاحباب
مشكووورة نبض كلمات روووعة








تاسلم ياشعر المنتدى
على بدعك اخجلة كلماتي
كيف تصف جمال حضورك وابدعك

مشكوووووووووووووور خيو على الحضور